मनसेच्या स्थापनेनंतर राज्यात पहिली नगरपरिषद निवडून आणण्याचा मान वैभव खेडेकर यांनी मिळवला होता.त्यांनी खेडमध्ये मनसेची बहुमताने सत्ता आणली होती. खेड नगर परिषद चे वैभव खेडेकर हे यापूर्वी नगराध्यक्ष राहिले आहेत. खेड शहर परिसरावर त्यांची मोठी कमांड आहे. त्यामुळे आता खेड नगर परिषद निवडणुकीसाठी भाजपा स्वबळाची घोषणा करणार असल्याची खात्रीलायक सूत्रांची माहिती आहे. वैभव खेडेकर यांच्याबरोबर प्रवेश केलेल्या काही कार्यकर्त्या पदाधिकाऱ्यांना महत्त्वाच्या नियुक्ती देण्यात आले आहेत. खेडमध्ये होणाऱ्या रवींद्र चव्हाण यांच्या उपस्थितीत कार्यक्रमात मोठा पक्षप्रवेश होणार असल्याचीही चर्चा आहे. प्रदेशाध्यक्ष रवींद्र चव्हाण यांच्या उपस्थितीत खेड मध्ये होणाऱ्या 5 नोव्हेंबर रोजी च्या कार्यक्रमात नेमकी कोणती घोषणा होते कोणती भूमिका मांडली जाते हे पाहणं सगळ्यात महत्त्वाचे ठरणार आहे.
खेड नगरपरिषद निवडून आणण्यासाठी वैभव खेडेकर यांच्याकडून उमेदवारांचीही चाचपणी करण्यात आली आहे. खेड नगर परिषदेचे नगराध्यक्ष पद हे महिला राखीव पडल आहे. त्यामुळे खेड नगराध्यक्ष पदाची संधी ही वैभव खेडेकर यांच्या पत्नी वैभवी खेडेकर यांना मिळण्याची शक्यता आहे. वैभव खेडेकर हे यापूर्वी नगराध्यक्ष राहिले आहेत त्यामुळे त्यांच्या कामाचा अनुभव व संपर्क लक्ष्यात घेऊन भाजपाकडून वैभवी खेडेकर यांच्या नावावर नगराध्यक्ष पदाचे उमेदवार म्हणून अंतिम शिक्कामोर्तब होण्याची शक्यता आहे. भाजपामध्ये पक्षप्रवेश केल्यानंतर वैभव खेडेकर यांना निवडणुकीत आपली ताकद दाखवण्याची संधी असून यामध्ये यश मिळाल्यास वैभव खेडेकर यांची पुढील वाटचाल महत्वाची ठरवणार आहे.
.png "Videos"){kind=small}
