Sanjay Raut on Purnekar and CJP Protest: प्रदीप पुर्णेकरांचा खून पचू देणार नाही! अमित शाहांवर संजय राऊतांचा गंभीर आरोप

दिल्लीत आंदोलन होत आहे आणि मुंबईतही CJPचे मुख्य आंदोलन होत आहे. लोकांमध्ये मोठ्या प्रमाणात रोष आहे. आदित्य ठाकरे आणि माझी कन्याही CJPच्या आंदोलनात सहभागी होत आहेत. अटक झाली तरी आम्ही तयार आहोत.

• प्रदीप पुर्णेकर हत्येप्रकरणी संजय राऊतांचा केंद्रीय गृहमंत्री अमित शाह यांच्यावर थेट हल्लाबोल
• ठाणे पोलीस या हत्येतील पहिल्या क्रमांकाचे आरोपी असल्याचा राऊतांचा गंभीर आरोप
• भाजप नेते गणेश नाईक यांना ठाण्यात जाऊन नेतृत्व करण्याचे आणि कुटुंबाला भेटण्याचे आवाहन

Sanjay Raut on Purnekar and CJP Protest:  “प्रदीप पुर्णेकरांचा हा खून आम्ही पचू देणार नाही. गृहमंत्री अमित शाह यांनी महाराष्ट्रात गुंडाराज निर्माण केले आहे. रक्ताने माखलेले कपडे अमित शाह यांच्या अंगावर फेकले पाहिजेत. अमित शाह यांनी सैतान उभे केले आहेत.” अशी टिका खासदार संजय राऊत यांनी केली आहे. ते माध्यमांशी बोलत होते.

संजय राऊत म्हणाले की, या हत्येसाठी सर्वस्वी ठाणे पोलीस जबाबदार आहेत. ठाणे पोलीस हे या प्रकरणातील पहिल्या क्रमांकाचे आरोपी आहेत. पोलीस आयुक्त पालकमंत्र्यांचे नोकर आहेत का? असा सवालही त्यांनी उपस्थित केला.

Indore Manmad Railway: 25 मोठे पूल, 7 नवी स्थानके, बोगदा अन् 5 हजार कोटींची निविदा ; इंदूर-मनमाड रेल्वे मार्गाला

तर मुख्य आरोपींची नावे समोर आलीच नसती

गणेश नाईकांना आवाहन आहे, ठाण्यात जा, पूर्णेकरांच्या घरी जा आणि ठाण्याचे नेतृत्व करा. आम्ही तुमच्या सोबत आहोत. मी आणि आदित्य ठाकरे गेलो नसतो, तर मुख्य आरोपींची नावे समोर आलीच नसती.” असा आरोपही संजय राऊत यांनी केला.

या प्रकरणाला राजकीय वळण दिले जात आहे, कारण ही राजकीय हत्या आहे. लेडी डॉन आणि तिच्या पतीची सर्वप्रथम पक्षातून हकालपट्टी केली पाहिजे, जशी रमेश म्हात्रे यांची करण्यात आली. अशी मागणीही संजय राऊत यांनी केली. शिंदे मिनाक्षी शिंदे यांच्या पाठिशी का उभे आहेत? असाही खोचक सवालही त्यांनी उपस्थित केला. तसेच, शिंदेंनी नैतिकता दाखवली पाहिजे, तिची क्लिप ऐकल्यानंतर शिवसेनाप्रमुख बाळासाहेब ठाकरे यांनी तिला तात्काळ पक्षातून काढून टाकले असते. असंही त्यांनी नमुद केलं.

बाळासाहेब ठाकरे यांचे फोटो लावतात, त्यांचे नाव घेतात आणि स्वतःला त्यांच्या विचारांचे वारसदार म्हणवतात. मात्र आमचा पक्ष हा बाळासाहेब ठाकरे यांचा पक्ष आहे. तुम्ही त्यांच्या विचारांचे वारसदार कसे? या हत्येमुळे एका कुटुंबाला रस्त्यावर आणले आहे. त्यांचा राग व्यक्त करा, शिवी घाला, जशी मी घालतो. हा खून पचणार नाही. असा इशाराही त्यांनी दिला आहे.

दिल्लीतील कॉकरोच जनता पार्टीच्या आंदोलनाबाबत बोलताना संजय राऊत म्हणाले की, ” दिल्लीत आंदोलन होत आहे आणि मुंबईतही CJPचे मुख्य आंदोलन होत आहे. लोकांमध्ये मोठ्या प्रमाणात रोष आहे. आदित्य ठाकरे आणि माझी कन्याही CJPच्या आंदोलनात सहभागी होत आहेत. अटक झाली तरी आम्ही तयार आहोत.

सीजेपीचे आंदोलन दडपण्याचा प्रयत्न

Mahatma Gandhi Jayanti: ‘पोरबंदर ते साबरमती…’ महात्मा गांधींच्या आयुष्यातील ‘या’ 5 महत्त्वाच्या घटना ज्यां

लग्नासाठी, डीजेसाठी परवानगी मागितली जाते तशी सीजेपीच्या आंदोलनासाठी परवानगी मागण्यात आली, मग फडणवीसांना याचा राग का फडणवीसांनी या आंदोलनालाही परवानगी द्यायला पाहिजे होती. पण तरीही सीजेपीचे आंदोलन दडपण्याचा प्रयत्न केला जात आहे. पण तरीही हे कॉकरोचेस यशस्वी होणार आणि ज्ञानेश कुमारांनाही जावे लागणार, असही त्यांनी म्हटलं आहे.

येत्या ४ तारखेलाही इंडिया आघाडीचे मोठे आंदोलन होत आहे. त्याला परवानगी दिली जाते, मग CJPच्या आंदोलनाला परवानगी का नाही?राज्यात हिटलर आणि मुसोलिनीचे राज्य का? इंग्रजांनीही अशा अटी लादल्या नव्हत्या. न्यायालये गुलाम झाली आहेत आणि संघाचे लोक महत्त्वाच्या पदांवर आहेत.” अशी टिकाही संजय राऊतांनी यावेळी केली.