JP Nadda viral video : माणुसकी हारली! समोर सुरक्षा रक्षक कोसळला तरी जे पी नड्डा देत राहिले भाषण, व्हिडिओ आला समोर

JP Nadda viral video : भाजप नेते आणि केंद्रीय मंत्री जे पी नड्डा यांच्या वडोदरामधील भाषणादरम्यान सुरक्षा रक्षकला चक्कर आली. मात्र सुरक्षा रक्षक पडल्यानंतर देखील नड्डा यांनी भाषण सुरुच ठेवले.

• जे पी नड्डा यांच्या भाषणावेळी सुरक्षा रक्षक कोसळला
• वडोदरा येथील भाषणस्थळी प्रकार
• सुरक्षा रक्षकाला चक्कर तरी नड्डा देत राहिले भाषण

JP Nadda viral video : वडोदरा : भाजप नेते आणि केंद्रीय मंत्री जे पी नड्डा (J P Nadda) हे गुजरातमध्ये एका कार्यक्रमामध्ये सहभागी झाले होते. सरदार वल्लभभाई पटेल यांच्या १५० व्या जयंतीनिमित्त आयोजित कार्यक्रमात ते सहभागी झाले होते. यावेळी त्यांनी उपस्थितांना संबोधित केले. भारतीय जनता पक्षाचे (BJP Politics) अध्यक्ष जेपी नड्डा यांचे भाषण संपत आले असताना एका सुरक्षा रक्षकाला भोवळ आली. सुरक्षा रक्षक चक्कर येऊन पडल्यानंतर देखील जे पी नड्डा हे भाषण देत राहिल्याचा व्हिडिओ समोर आला आहे. यावरुन त्यांच्यावर जोरदार टीका केली जात आहे.

केंद्रीय मंत्री जे पी नड्डा यांना सुरक्षा देत असलेला गार्डला त्रास झाला आणि ते कोसळले. उच्च दर्जाचे झेड-प्लस संरक्षण प्रदान करणारा गार्डला उन्हात तासनतास उभे राहिल्याने चक्कर आली. मंचाजवळ असलेला हा गार्ड चक्कर येऊन खाली पडला. त्याला इतर जवळ असणाऱ्या सुरक्षा रक्षकांनी सावरले तसेच त्यांना जवळच त्वरित वैद्यकीय सेवा मिळाली आणि आता त्याची प्रकृती स्थिर आहे. व्हिडिओंमध्ये नड्डा आणि केंद्रीय मंत्री रवनीत सिंग बिट्टू थांबल्याशिवाय स्टेजवरच भाषण देत असल्याचे दिसून आले, ज्यामुळे गार्डच्या समर्पित सेवेदरम्यान नेत्यांच्या प्रतिसादावर टीका केली जात आहे.

शक्तीपीठ महामार्ग झाल्यास चंदगडला पर्यटनाचा दर्जा देणार; मुख्यमंत्री फडणवीस

या व्हिडिओ व्हायरल झाल्यानंतर कॉंग्रेसने भाजप आणि जे पी नड्डा यांच्यावर जोरदार हल्लाबोल केला आहे. कॉंग्रेसने व्हिडिओ शेअर करुन नड्डांवर निशाणा साधला. कॉंग्रेसने लिहिले आहे की, गुजरातमधील एका कार्यक्रमात भाजप अध्यक्ष जेपी नड्डा भाषण देत असताना एक सुरक्षा रक्षक बेशुद्ध पडला. पण जेपी नड्डा यांनी त्यांचे भाषण थांबवले नाही आणि व्यासपीठावरील भाजप नेते मदतीसाठी पुढे आले नाहीत. यावरून असे दिसून येते की भाजप नेत्यांमध्ये सहानुभूतीची थोडीही कमतरता आहे. म्हणूनच, जनता प्रदूषणाने त्रस्त असो, तरुण बेरोजगारीने त्रस्त असो, लोक महागाई आणि आर्थिक अडचणींशी झुंजत असोत आणि शेतकरी आत्महत्या करण्यास भाग पाडत असोत, भाजप नेते आणि त्यांच्या सरकारांना काही फरक पडत नाही. भाजप नेते, मंत्री आणि सरकारे त्यांच्या स्वतःच्या कामात व्यस्त आहेत. मोदी मन की बातमध्ये व्यस्त आहेत. आणि या व्हिडिओमधील सुरक्षा रक्षकाप्रमाणेच… जनता स्वतःची काळजी स्वतःसाठी घेत आहे, असा टोला कॉंग्रेसने लगावला आहे.

See more

BJP अध्यक्ष जेपी नड्डा गुजरात में एक कार्यक्रम में भाषण दे रहे थे, तभी एक सुरक्षा कर्मी बेहोश होकर गिर पड़ा। लेकिन न तो जेपी नड्डा ने भाषण रोका, न ही मंच पर बैठे BJP के नेता मदद को आगे आए। ये बताता है कि BJP के नेताओं में संवेदना का जरा भी भाव नहीं है। यही वजह है कि जनता चाहे… pic.twitter.com/aUUXagfNCq — Congress (@INCIndia) November 30, 2025

तिजोरीच्या चाव्यांवरुन रंगलं राजकारण! जोरदार राजकीय वादंगानंतर अजित पवारांचा यु-टर्न