CJP Press Conference, Abhijeet Dipke Prashant Bhushan
Neha Bora PC Conference: आमच्या चळवळीतील २ लोकांना तुम्ही कोठडीत पाठवून तुम्ही आमची लढाई बंद करु शकत नाहीत, आंदोलकांना नजरकैद करून त्यांच्यावर कारवाई करून तुम्ही आमची चळवळ बंद करू शकणार नाही. ही चळवळ अशीच चालू राहणार, अशा शब्दांत ऑल इंडिया स्टुडेंट असोसिएशनची राष्ट्रीय अध्यक्षा नेहा बोरा यांनी दिल्लीतून केंद्र सरकारला ठणकावून सांगितलं आहे.
बुधवारी सकाळी सीजेपी प्रवक्ते आशुतोष रांका आणि सौरव दास यांना जंतरमंतरवर तिरंगा फडकावल्याप्रकरणी अटक करण्यात आली. या अटकेच्या निषेधार्थ आज सीजेपी आणि नेहा बोरा यांच्या संघटनेने एकत्रित पत्रकार परिषद घेतली. यावेळी बोलताना नेहा बोरा यांनी केंद्र सरकारवर जोरदार हल्लाबोल केला आहे.
CJP Press Conference: ज्ञानेश कुमार मोदींना निवडणूक जिंकवून देतायेत का?; अभिजीत दीपकेंचा संतप्त
नेहा बोरा म्हणाल्या की, “एसआयआर विरोधात खुर्चीवरून उतरवण्यासाठी सुरू असलेली ही चळवळ कोणत्याही पक्षाची, कोणत्याही एका व्यक्तीची नाही. ही चळवळ देशातील सर्वसामान्य माणसाची चळवळ आहे. दिल्लीत जंतरमंतरवर, कर्नाटकातील फ्रिडम पार्कमध्ये, मुंबईतील आझाद मैदानात ही चळवळ आजही जिवंत आहे. सौरव दास आणि आशुतोष रांका पाच दिवसांची कोठडी दिलेली नाही. तर पूर्ण देशाच्या मतदानाच्या अधिकाराच्या आवाजाला तुम्ही कोठडीत पाठवलं आहे. ज्यावेळी तुम्ही दिल्लीच्या रस्त्यांवर सर्वसामान्य नागरिकांना फरफटत नेता ते फक्त तिथे आंदोलन करणाऱ्या व्यक्तीलाच नाही तर त्या १३ कोटी लोकांना तुम्ही रस्त्यांवर ओढत असता ज्या लोकांना तुम्ही मतदार यादीतून काढून टाकले आहे.
सौरव दास आणि आशुतोष रांका पाच दिवसांची कोठडी दिलेली नाही. ज्ञानेश कुमारांना वाचवण्यासाठी केंद्र सरकारने हरतऱ्हेचे प्रयत्न केले आहे. लोकशाही वाचवण्यासाठी लढणाऱ्या तरुणांना रस्त्यांवरून फरफटत नेलं गेलं. ज्ञानेश कुमार हे पंतप्रधानांसाठी एवढे महत्त्वाचे का आहेत, असा सवाल नेहा बोराने उपस्थित केलाआहे.
यावेळी बोलताना अभिजीत दिपके म्हणाले की, “२०२४ मध्ये झालेल्या लोकसभा निवडणुकीत भाजप आणि इंडिया आघाडीती विजयात फक्त २ टक्क्यांचा फरक होता. गेल्या दोन वर्षात १३ कोटींहून अधिक वोट डिलीट झाले आहेत. २०२४ च्या मतदार यादीनुसार ही १३ कोटी मते १४ टक्के वोट्स आहेत. ही मतचोरी नाहीतर काय आहे. वन नेशन वन इलेक्शन या घोषणा आहे. पण त्यामागे वन नेशन वन पार्टी,वन नेशन वन पार्टी हा या सरकारचा उद्देश आहे. हे सर्व फक्त एका पक्षाला जिंकवण्यासाठी सुरू आहे. नरेंद्र मोदी हे एका हुकुमशाहात रुपांतरित झाले आहे. पण त्यांच्यात आणीबाणी लावण्याची हिंमत नाही. संपूर्ण देश, संपूर्ण जगाने तुमचा खरा चेहरा पाहिला आहे. नरेंद्र मोदी एक डरपोक हुकुमशाहा आहेत. काल फक्त तिरंगा फडकावला म्हणून या लोकांनी आशुतोष आणि सौरव यांना कोठडीत पाठवलं आहे. तिरंगा फडकावणे हा कधीपासून गु्न्हा झाला.
.png "Videos"){kind=small}
