CJP Press Conference: ज्ञानेश कुमार मोदींना निवडणूक जिंकवून देतायेत का?; अभिजीत दीपकेंचा संतप्त सवाल

CJP Press Conference: आशुतोष आणि सौरव सकाळी सकाळी जंतरमंतर वर तिरंगा फडकावला तर त्यांना उचलून ताब्यात घेण्यात आलं. न्यायालयीन कोठडीत पाठवण्यात आलं. तिरंगा फडकवणेही कायद्याचे उल्लंघन असल्याचे सांगण्यात आले तेही फक्त ज्ञानेश कुमारला वाचवण्यासाठी.

• ज्ञानेश कुमारांना वाचवण्यासाठी देशातील रेल्वे, दिल्ली मेट्रो बंद
• ज्ञानेश कुमार नरेंद्र मोदींना नेमंक काय देत आहेत
• नरेंद्र मोदी हे एका हुकुमशाहात रुपांतरित झाले आहेत

CJP Press Conference:“कॉकरोच जनता पार्टीच्या १० ऑक्टोबरच्या आमच्या आंदोलनापूर्वी देशातील सर्व रेल्वे बंद करण्यात आल्या देशाच्या इतिहासात पहिल्यांदाच असे झाले असावे की रेल्वे बंद करण्यात आल्या, जे आणीबाणीच्या काळातही झाले नव्हते. पण एका ज्ञानेश कुमारला वाचवण्यासाठी रेल्वे बंद करण्यात आल्या, रेल्वे बंद करून यांचे मन नाही भरलं म्हणून त्यांनी दिल्लीचे मेट्रोस्टेशन्स बंद केले, त्यातही मन नाही भरलं म्हणून त्यानी जम्मू-कश्मीर आणि नक्षल भागातून लष्कराचे जवानांना बोलावण्यात आले. हे सर्व एका ज्ञानेश कुमारांसाठी करण्यात आले. ज्ञानेश कुमार मोदींना असं काय देत आहेत की, नरेंद्र मोदी त्यांच्यासाठी सगळी दिल्ली ठप्प करण्यासाठी तयार आहेत.”अशी घणाघाती टिका सीजेपी प्रमुख अभिजीत दिपके यांनी केली आहे. ते दिल्लीत पत्रकार परिषदेत बोलत होते.

बुधवारी सकाळी जंतरमंतरवर सीजेपी प्रवक्ते आशुतोष रांका आणि सौरव दास यांना तिरंगा फडकावल्याप्रकरणी तुरुंगात पाठवण्यात आले. यावरून अभिजीत दिपके यांनी थेट केंद्र सरकारलाच धारेवर धरलं आहे. या पत्रकार परिषदेत विद्यार्थी संघटनेची अध्यक्षा नेहा बोरा, ज्येष्ठ वकिल प्रशांत भूषण, ज्येष्ठ अभिनेते प्रकाश राज यांच्यासह अनेक विद्यार्थीही उपस्थित होते. यावेळी नेहा बोरा आणि अभिजीत दिपके यांनीही केंद्रातील मोदी सरकारवर जोरदार निशाणा साधला आहे.

CJP Protest : निवडणूक आयोगाच्या कारभारावरून कॉकरोच जनता पार्टी आक्रमक, मुंबईत आंदोलनाची घोषणा

ज्ञानेश कुमार नरेंद्र मोदींना नेमकं काय देत आहेत

अभिजीत दिपके म्हणाले की, ” आशुतोष आणि सौरव सकाळी सकाळी जंतरमंतर वर तिरंगा फडकावला तर त्यांना उचलून ताब्यात घेण्यात आलं. न्यायालयीन कोठडीत पाठवण्यात आलं. तिरंगा फडकवणेही कायद्याचे उल्लंघन असल्याचे सांगण्यात आले तेही फक्त ज्ञानेश कुमारला वाचवण्यासाठी. ज्ञानेश कुमार नरेंद्र मोदींना नेमकं काय देत आहेत. तुम्ही दिल्ली ठप्प केली. रेल्वे, मेट्रो बंद केल्या. दिल्लीला तुम्ही पाकिस्तानची बॉर्डर करून टाकले आहे.

ज्ञानेश कुमार मोदींसाठी एवढे महत्त्वाचे का

तुम्ही विद्यार्थ्यांना, तरुणांना रस्त्यावर फटफटत नेलं. विरोधी पक्षनेते, माजी मुख्यमंत्र्यांनाही अशी वागणूक दिली. एका ज्ञानेश कुमारांसाठी एवढ कशासाठी, ज्ञानेश कुमार मोदींसाठी एवढे महत्त्वाचे का आहेत. असे असेल तर ज्ञानेश कुमार नरेंद्र मोदींना निवडणूक जिंकून देत आहेत, असं आम्ही का मानू नये, निवडणूक जिंकू देत नसेल तर मोदींनी ज्ञानेश कुमारांना वाचवण्यासाठी एवढे प्रयत्न केले असते का, असा सवाल अभिजीत दिपके यांनी उपस्थित केला.

CJP Warning Dnyanesh Kumar: “सरफ़रोशी की तमन्ना…” CJP आक्रमक; SIR आणि मतदार यादी गैरप्रकारावरून थेट संघर्षाची तयारी

 

मुख्य निवडणूक आयुक्त ज्ञानेश कुमार कोणाचेच ऐकत नाहीये, फक्त आपल्या राजकीय नेत्यांचे ऐकत आहेत. ज्ञानेश कुमारांना वाचवण्यासाठी पंतप्रधान मोदींनी त्यांच्या सर्व मशिनरी कामाला लावल्या. तेव्हापासून देशभरातील सर्व विद्यार्थी संघटना, दिल्लीच्या रस्त्यांवर तरुण लढत आहे. त्यांनाही रस्त्यांवर फरफटत नेलं गेल, नेहा, आयशा, विराज, इशारा या सर्वाना ओढत नेलं गेल. देशाचे विरोधी पक्षनेते, माजी मुख्यमंत्री ममता बॅनर्जी, अरविंद केजरीवाल, पिनाराई विजयन यांनाही दिल्लीच्या रस्त्यांवरुन फरफटत ओढत नेलं गेलं.” अशी टिकाही अभिजीत दिपके यांनी यावेळी केली.