मंगळवार, 20 ऑक्टोबर 2026
लग्न लवकर होण्यासाठी कोणते खडे घालावेत (फोटो सौजन्य - Pinterest/iStock)
पुष्कराज अर्थात गुरूचा खडा
पुष्कराज ज्याला पुखराज असेही म्हटले जाते हा गुरू ग्रहाचे प्रतिनिधित्व करणारा मानला जातो. हे रत्न व्यक्तीच्या जीवनात नशीब, स्थिरता आणि यश आणते. पुष्कराज धारण केल्याने विवाहातील अडथळे दूर होतात आणि जीवनात शांती येते. शिवाय, हे रत्न आर्थिक प्रगतीमध्ये देखील मदत करते.
पुष्कराजाचे फायदे
पुखराज घातल्याने विवाहाशी संबंधित अडथळे दूर होतात. करिअर आणि व्यवसायात प्रगती होते. नकारात्मक ऊर्जा आणि ताणतणाव दूर होतात. व्यक्तीचा आत्मविश्वास आणि निर्णय घेण्याची क्षमता वाढते असे रत्नशास्त्राप्रमाणे सांगण्यात येते. हा खडा घालण्यासाठीही जप आणि मुहूर्ताची गरज भासते असे काही ज्योतिषी सांगतात
पुष्कराज कसा घालायचा?
सोन्याच्या किंवा चांदीच्या अंगठीत बसवलेल्या तर्जनी (पहिल्या बोटावर) पुष्कराज घालणे शुभ आहे. गुरुवारी सकाळी तो घालावा. हे रत्न धारण करण्यापूर्वी, गंगाजल आणि कच्च्या दुधाने ते शुद्ध करणे आणि “ॐ बृं बृहस्पतये नमः” या मंत्राचा १०८ वेळा जप करणे आवश्यक मानले जाते. या मंत्राचा जप केल्यानंतरच हा खडा आपल्या तर्जनीमध्ये घालावा आणि कायम ठेवावा
कोणासाठी फायदेशीर आहे पुखराज?
मेष, कर्क, सिंह, वृश्चिक, धनु आणि मीन राशीच्या लोकांसाठी गुरूचा खडा अर्थात पुष्कराज फायदेशीर असून या राशीच्या व्यक्ती कुंडलीनुसार आणि ज्योतिषतज्ज्ञांच्या सल्ल्यानुसार हे रत्न आपल्या बोटात घालू शकतात.
पाचू
पन्ना अर्थात पाचू हा बुध ग्रहाचा रत्न मानला जाते. हे रत्न बुद्धिमत्ता, संवाद आणि संपत्तीच्या क्षेत्रात यश आणते. पाचू धारण करणाऱ्यांना त्यांच्या जीवनात सकारात्मक बदल अनुभवायला मिळतात. हे रत्न एकाग्रता वाढविण्यास आणि मानसिक शांती प्रदान करण्यासदेखील मदत करते. अनेकदा हे रत्न सेलिब्रिटी वापरताना आपल्याला दिसतात.
पन्ना रत्न कोणी परिधान करावे? योग्य नियम, पद्धती आणि फायदे आणि तोटे जाणून घ्या
पाचूचे फायदे
कामातील अडथळे दूर होतात. व्यक्तीला संपत्ती आणि आर्थिक स्थिरता मिळते. व्यक्तीचे संवाद कौशल्य आणि आत्मविश्वास वाढतो. जीवनात सौभाग्य आणि यशाच्या संधी वाढतात. पाचू आपल्या बोटात वा हातात, गळ्यात कसा घालायचा? असा प्रश्न असेल तर सोन्याच्या किंवा चांदीच्या अंगठीत बसवून करंगळीत हिरवा पाचू घालणे सर्वात शुभ मानले जाते. हे रत्न बुधवारी घाला. रत्न धारण करण्यापूर्वी “ॐ बुं बुधाय नमः” हा मंत्र उच्चारावा.
कोणत्या राशींसाठी हे रत्न शुभ आहेत?
रत्नशास्त्रानुसार, पाचू हे रत्न वृषभ, मिथुन, कन्या, तूळ, मकर आणि कुंभ राशीसाठी विशेषतः फायदेशीर मानले जाते. जर या राशीच्या लोकांनी हे रत्न विधीनुसार धारण केले तर त्यांच्या जीवनात अभूतपूर्व बदल येऊ शकतात.
टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra.com या तथ्यांची पुष्टी करू शकत नाही.
