महाशिवरात्रीनिमित्त करण्यात आली मोठी घोषणा, केदारनाथ मंदिर ‘या’ तारखेपासून भाविकांसाठी होणार खुले

केदारनाथ (Kedarnath Temple To Be Open From 6th May) धामचे दरवाजे ६ मे २०२२ रोजी सकाळी ६.२५ वाजता भाविकांसाठी खुले होणार आहेत.मंगळवारी महाशिवरात्रीनिमित्त (Mahashivratri 2022) सकाळी ही घोषणा करण्यात आली आहे.

Follow Us:

Follow Us:

महाशिवरात्रीच्या (Mahashivratri 2022) मुहूर्तावर शिवभक्तांसाठी एका आनंदाची बातमी समोर आली आहे. केदारनाथ (Kedarnath Temple To Be Open From 6th May) धामचे दरवाजे ६ मे २०२२ रोजी सकाळी ६.२५ वाजता भाविकांसाठी खुले होणार आहेत. आज (मंगळवार) महाशिवरात्रीनिमित्त पारंपारिक पूजापाठानंतर केदारनाथ मंदिराचे (Kedarnath Temple) दरवाजे उघडण्याची तारीख व वेळ जाहीर करण्यात आली.

[read_also content=”प्रयागराजमध्ये महाशिवरात्रीनिमित्त भाविकांची गर्दी, ‘इतक्या’ लोकांनी केलं गंगा स्नान https://www.navarashtra.com/mahashivaratri/religion/mahashivaratri/mahashivratri-2022-1-lakh-and-80-thousand-people-took-bath-in-ganga-at-prayagraj-nrsr-247254.html”]

श्री बद्रीनाथ-केदारनाथ मंदिर समितीचे पीआरओ डॉ. हरीश गौर यांनी ही माहिती दिली. ते म्हणाले की, उखीमठाहून केदारनाथ उत्सव यात्रा २ मे रोजी केदारनाथला निघणार आहे. बद्रीनाथ धामचे दरवाजे ८ मे रोजी उघडतील.

उखीमठ येथून ठरलेल्या वेळापत्रकानुसार, भगवान श्री केदारनाथांची पंचमुखी उत्सव डोली २ मे रोजी पंचकेदार गद्दी येथील ओंकारेश्वर मंदिरातून केदारनाथसाठी निघेल. उखीमठ येथे भैरव पूजन एक दिवस आधी म्हणजेच १ मे रोजी होणार आहे. डोली २ मे रोजी गुप्तकाशी, ३ मे रोजी फाटा, ४ मे रोजी गौरीकुंड आणि ५ मे रोजी केदारनाथ धाम येथे पंचमुखी डोली पोहोचेल. त्यानंतर शुक्रवार, ६ मे रोजी सकाळी ६.२५ वाजता केदारनाथ धामचे दरवाजे उघडतील. मंगळवारी शिवरात्रीनिमित्त सकाळी ही घोषणा करण्यात आली आहे.

Web Title: Kedarnath temple will be open from 6th may nrsr

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com