फोटो सौजन्य- pinterest
मासिक दुर्गाष्टमीचे व्रत दर महिन्याच्या शुक्ल पक्षातील अष्टमी तिथीला पाळले जाते. हे व्रत दुर्गा देवीला समर्पित आहे. या देवीची पूजा केल्याने जीवनात सुख आणि समृद्धी येते. मासिक दुर्गाष्टमीचे व्रत करणे खूप शुभ पाळले जाते. त्यामुळे व्यक्तीच्या घरामध्ये सकारात्मक येते आणि सर्व प्रकारची संकट दूर होतात, अशी मान्यता आहे.
श्रावण महिन्यातील मासिक दुर्गाष्टमीचे व्रत शुक्रवार, 1 ऑगस्ट रोजी पाळले जाणार आहे. यावेळी भक्त देवीची पूजा करुन उपवास देखील करतात. जाणून घ्या मासिक दुर्गाष्टमीचे व्रत कधी आहे, शुभ मुहूर्त
श्रावण महिन्यातील शुक्ल पक्षातील अष्टमी तिथी शुक्रवार, 1 ऑगस्ट रोजी सकाळी 4.58 वाजता सुरु होईल आणि या तिथीची समाप्ती शनिवार, 2 ऑगस्ट रोजी सकाळी 7.33 वाजता संपेल. निशा काळामध्ये देवीची पूजा केली जाईल. उद्यतिथीनुसार दुर्गाष्टमीचे व्रत शुक्रवार, 1 ऑगस्ट रोजी पाळले जाणार आहे.
श्रावण महिन्याच्या शुक्ल पक्षाच्या अष्टमी तिथीलाच्या दिवशी शुभ योग देखील तयार होत आहे. या योगामध्ये शुभ कार्य केले जातात. या शुभ योगामध्ये देवीची पूजा केल्याने तुम्हाला प्रत्येक कामात यश मिळते, अशी मान्यता आहे. यावेळी दुर्गाष्टमीच्या दिवशी भद्रावास तयार होत आहे. भद्रायोग संध्याकाळी 6.10 वाजेपर्यंत राहील. या काळात भद्रा पाताळ लोकात राहील. या योगात देवी दुर्गेची पूजा केल्याने भक्ताला इच्छित वरदान मिळेल.
मासिक दुर्गाष्टमीच्या दिवशी सकाळी लवकर उठून स्वच्छ कपडे परिधान करावे.
घरातील देव्हारा स्वच्छ करुन घरामध्ये गंगाजल शिंपडून घ्या
त्यानंतर देवीची मूर्ती किंवा चित्र लावून पूजा करावी आणि देवीसमोर दिवा लावावा.
देवीला लाल वस्त्र, लाल फुले, सिंदूर, कुंकू, तांदळाचे दाणे, बांगड्या आणि श्रृंगाराच्या वस्तू अर्पण करा.
पूजा झाल्य़ानंतर देवीला फळे, मिठाई, पंचामृत किंवा तुमच्या आवडीचा कोणत्याही गोड पदार्थाचा नैवेद्य दाखवा.
या दिवशी दुर्गा चालिसा, दुर्गा सप्तशती किंवा “ओम दूं दुर्गाय नमः” या मंत्राचा जप करा
त्यानंतर देवीची आरती करुन पूजेची समाप्ती करावी.
दुर्गा अष्टमीच्या दिवशी उपवास करण्याला विशेष महत्त्व आहे. यावेळी भक्त फक्त एकच जेवण खातात किंवा फळे खातात. त्याचसोबत संपूर्ण विधींसह उपवास पूर्ण केल्याने लोकांच्या सर्व इच्छा पूर्ण होतात. दुर्गाष्टमीच्या दिवशी गरजूंना अन्न, कपडे किंवा इतर आवश्यक वस्तूंचे दान करणे देखील शुभ मानले जाते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
