फोटो सौजन्य- istock
मासिक शिवरात्री हा भगवान शिवाच्या उपासनेचा महत्त्वाचा दिवस आहे. या दिवशी उपवास आणि उपासना केल्याने भक्तांना भगवान शंकराची कृपा प्राप्त होते आणि त्यांच्या मनोकामना पूर्ण होतात. मासिक शिवरात्रीच्या दिवशी काही विशेष उपाय केल्यास तुमचे नशीब उजळू शकते. जाणून घेऊया मासिक शिवरात्रीच्या दिवशी कोणते उपाय केल्याने भोलेनाथांचा विशेष आशीर्वाद मिळतो.
वैदिक पंचांगानुसार, चैत्र महिन्यातील कृष्ण पक्षातील चतुर्दशी तिथी गुरुवार, 27 मार्च रोजी रात्री 11.03 वाजता सुरू होत आहे. या कृष्ण पक्षातील चतुर्दशी तिथी दुसऱ्या दिवशी म्हणजेच शुक्रवार २८ मार्च रोजी सायंकाळी 7.55 वाजता समाप्त होईल. उद्य तिथीनुसार गुरुवार, 27 मार्च रोजी मासिक शिवरात्री साजरी केली जाणार आहे. या दिवशी मासिक शिवरात्रीचे व्रत आणि भगवान शंकराची पूजा केली जाईल.
मासिक शिवरात्रीच्या दिवशी शिवलिंगाचा अभिषेक करा. तुम्ही दूध, दही, मध, तूप आणि गंगाजलाने अभिषेक करू शकता. शिवलिंगावर बेलपत्र, धतुरा आणि फुले अर्पण करा. भगवान शिवाला प्रसन्न करण्यासाठी “ओम नमः शिवाय” या मंत्राचा जप करा.
जर तुमचे काम पूर्ण होत असताना बिघडले किंवा तुमच्या कामात अचानक अडथळे येत असतील तर मासिक शिवरात्रीच्या दिवशी शिव मंदिरात दिवा लावून शिवलिंगावर पांढऱ्या चंदनाने ओम लिहा. तसेच शिवलिंगाला एक रुपया अर्पण करा आणि पूजेनंतर ते घ्या आणि आपल्या तिजोरीत ठेवा.
आर्थिक समस्यांपासून मुक्त होण्यासाठी मासिक शिवरात्रीच्या दिवशी शिवलिंगावर 11 बेलची पाने अर्पण करा आणि प्रत्येक बेलच्या पानावर चंदनाने “ओम नमः शिवाय” लिहा.
जर तुम्हाला कोणतीही विशेष इच्छा पूर्ण करायची असेल तर मासिक शिवरात्रीच्या दिवशी तुमची इच्छा भगवान शिवाला सांगा आणि त्यांची प्रार्थना करा.
या दिवशी गरिबांना अन्न आणि वस्त्र दान करा. ब्राह्मणांना दान द्या किंवा जवळच्या देवळात जाऊन गरिबांना भोजन द्या.
या दिवशी शंकराची पूजा केल्यास मनोकामना पूर्ण होतात. शिवरात्रीच्या व्रतामुळे नकारात्मक कर्मांचा प्रभाव कमी होतो. वैवाहिक जीवनात गोडवा आणण्यासाठी हा दिवस विशेष मानला जातो. अपत्य नसलेल्या जोडप्यांना अपत्यप्राप्तीसाठी शिवाची उपासना लाभदायक ठरते. कुंडलीतील कालसर्प दोष, पितृदोष किंवा इतर ग्रह दोषांपासून मुक्ती मिळते. त्यामुळे हा व्रत शिवभक्तांसाठी विशेष मानला जातो.
(टीपः धर्म, ज्योतिष, वास्तू, फेंगशुई इत्यादी विषयांवरील लेख/ बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navrashtra या तथ्यांची पुष्टी करु शकत नाही)
