Raksha Bandhan 2026 Date: चंद्रग्रहण, भद्रा अन् राहुकाळ… रक्षाबंधनाच्या दिवशी मुहूर्ताचा मोठा पेच! जाणून घ्या योग्य वेळ

Raksha Bandhan 2026 Date यंदाचे रक्षाबंधन २८ ऑगस्ट २०२६ रोजी साजरे केले जाणार असल्याचे दिलेल्या पंचांग माहितीनुसार सांगण्यात आले आहे. श्रावण पौर्णिमा २७ ऑगस्ट रोजी सकाळी ९:०८ वाजता सुरू होऊन २८ ऑगस्ट रोजी सकाळी ९:४७ वाजेपर्यंत राहणार आहे.

• रक्षाबंधन २८ ऑगस्ट २०२६ रोजी साजरे होणार
• श्रावण पौर्णिमा २७ ऑगस्ट सकाळी ९:०८ वाजता सुरू
• पौर्णिमा २८ ऑगस्ट सकाळी ९:४७ वाजेपर्यंत राहणार

Rakhi Purnima 2026: राखी पौर्णिमा काही दिवसांवर ठेपली आहे. भावा बहीण यांच्या नात्याचा पवित्र सण म्हणून रक्षाबंधनकडे पाहिले जाते. रक्षाबंधन म्हणजे फक्त हातावर राखी बांधण्याचा दिवस नाही, तर भाऊ-बहिणीच्या नात्यातील प्रेम व्यक्त करण्याचा खास प्रसंग आहे. बहिण भावाला राखी बांधून त्याच्या सुख, निरोगी आयुष्यासाठी देवाकडे प्रार्थना करते.

भाऊही तुझ्यावर कोणतंही संकंट आले तरी मी तुझ्या पाठीशी उभा राहिण, असे वचन आपल्या बहिणीला देतो. यंदांचं रक्षाबंधन मात्र काही कारणांमुळे खास ठरणार आहे. कारण श्रावण पौर्णिमेची तारीख, चंद्रग्रहण, भद्राकाळ आणि राहुकाळ हे सर्वत्र आल्यामुळे राखीपौर्णिमा कधी साजरी करायची असा प्रश्न येऊन उभा आहे.तर जाणून घेऊया रक्षाबंधनाची तारीख आणि शुभ वेळ काय आहे ते? Raksha Bandhan 2026 Date

श्रावण पौर्णिमा कधी आहे?

पंचांगानुसार यंदाची श्रावण पौर्णिमा २७ ऑगस्टच्या सकाळी ९ वाजून ८ मिनिटांनी सुरू होईल ते २८ ऑगस्टच्या सकाळी ९ वाजून ४७ मिनिटांपर्यंत राहील. हिंदू सणांची तारीख ठरवताना उदय तिथीला महत्त्व दिलं जातं. त्यामुळे रक्षाबंधन २८ ऑगस्टला साजरं केलं जाणार आहे. २७ ऑगस्टला नारळी पौर्णिमा साजरी केली जाईल, तर दुसऱ्या दिवशी भाऊ-बहिणीच्या प्रेमाचा रक्षाबंधनाचा सण असेल.

रक्षाबंधनाच्या दिवशी चंद्रग्रहण

यंदाच्या रक्षाबंधनाला आणखी एक विशेष योग आहे. २८ ऑगस्ट २०२६ रोजी वर्षातील शेवटचं चंद्रग्रहण होणार असल्याचं पंचांगात सांगितलं आहे. भारतीय वेळेनुसार हे ग्रहण सकाळी ८ वाजून ४ मिनिटांनी सुरू होऊन ११ वाजून २२ मिनिटांपर्यंत राहणार आहे. ग्रहण आणि राखी बांधण्याची वेळ यामुळे काहीजण संभ्रमात आहेत. त्यामुळे आपल्या भागातील पंचांग आणि स्थानिक वेळ लक्षात घेऊन धार्मिक विधी करण्याचा सल्ला दिला जातो.

भद्राकाळाचा अडथळा आहे का?

रक्षाबंधनाच्या दिवशी भद्राकाळ असू नये, अशी धार्मिक मान्यता आहे. यंदा मात्र भद्राकाळ २७ ऑगस्ट रोजी सकाळी ९ वाजून ८ मिनिटांपासून ९ वाजून ३२ मिनिटांपर्यंत असल्याचं सांगितलं जात आहे. म्हणजेच २८ ऑगस्टला राखी बांधताना भद्राकाळाचा अडथळा राहणार नाही. त्यामुळे या बाबतीत भावंडांनी फारशी चिंता करण्याची गरज नाही.

राहुकाळ किती वाजता?

२८ ऑगस्ट हा शुक्रवार आहे. या दिवशी राहुकाळ सकाळी १० वाजून ३० मिनिटांपासून दुपारी १२ वाजेपर्यंत असल्याचं पंचांगानुसार नमूद करण्यात आलं आहे. धार्मिक विधी करताना अनेकजण राहुकाळ टाळण्याला प्राधान्य देतात. मात्र शहर आणि ठिकाणानुसार वेळेत थोडा फरक पडू शकतो. त्यामुळे घराजवळच्या दिनदर्शिकेतील वेळ तपासणं अधिक योग्य ठरेल.

Mangalagauri Vrat: दुसऱ्या श्रावण मंगळवारी असे करा मंगळागौरीचे व्रत, जाणून घ्या कथा

राखी बांधण्यासाठी शुभ वेळ कोणती?

पंचांगानुसार २८ ऑगस्ट रोजी राखी बांधण्यासाठी सकाळची वेळ चांगली मानली जात आहे. सकाळी ५ वाजून ५७ मिनिटांपासून ९ वाजून ४८ मिनिटांपर्यंत राखी बांधता येईल. हा कालावधी साधारण ३ तास ५१ मिनिटांचा आहे.

Garuda Purana: गरुड पुराणातील यमलोक आणि नरकाची कथा काय सांगते? जाणून घ्या या ग्रंथाचे महत्त्व

पंचांग अभ्यासक दा. कृ. सोमण यांच्या माहितीनुसार, रक्षाबंधनासाठी २८ ऑगस्टचा दिवस शुभ आहे. मात्र शुभ वेळेत स्थानानुसार काही मिनिटांचा फरक पडू शकतो. त्यामुळे आपल्या शहरातील किंवा गावातील स्थानिक पंचांगाला प्राधान्य देणं चांगलं राहील. एकंदरीत पाहता, यंदाचं रक्षाबंधन ग्रहण आणि विविध पंचांगातील वेळांमुळे चर्चेत आहे. मात्र भावंडांनी गोंधळून न जाता स्थानिक पंचांग तपासून योग्य वेळी हा सुंदर सण साजरा करावा. शेवटी राखीचा धागा किती महाग आहे यापेक्षा त्यामागची भावना आणि भाऊ-बहिणीचं नातं अधिक महत्त्वाचं आहे.