राजकीय पार्श्वभूमी ते यशस्वी अभिनेता..! रितेश देशमुखचा वाढदिवस; जाणून घ्या 17 डिसेंबरचा इतिहास

प्रत्येक मराठी माणसाच्या घरामध्ये आणि हिंदी चित्रपटसृष्टीमध्ये घर करणारा अभिनेता रितेशचा आज वाढदिवस. अनेक हिंदी चित्रपटांमध्ये कॉमेडी भूमिका साकारणाऱ्या रितेशने 2014 साली मराठी चित्रपटसृष्टीकडे आपला मोर्चा वळवला.

राजकीय घराणेशाहीचा वारसा असलेल्या देशमुख कुटुंबातून असलेल्या व्यक्तीने बॉलीवुडमध्ये स्वतःची वेगळी ओळख निर्माण करणारा अभिनेता म्हणजे रितेश देशमुख. प्रत्येक मराठी माणसाच्या घरामध्ये आणि हिंदी चित्रपटसृष्टीमध्ये घर करणारा अभिनेता रितेशचा आज वाढदिवस. अनेक हिंदी चित्रपटांमध्ये कॉमेडी भूमिका साकारणाऱ्या रितेशने 2014 साली मराठी चित्रपटसृष्टीकडे आपला मोर्चा वळवला. ‘लय भारी’, ‘माऊली’, ‘वेड’ सारख्या मराठी चित्रपटातून त्याने मराठी प्रेक्षकांची मने जिंकली. आता तो मराठी बिग बॉसचे सूत्रसंचालन देखील करतो. मराठी बाणा जपणाऱ्या अभिनेता रितेश देशमुखवर वाढदिवसाच्या शुभेच्छांचा वर्षाव होत आहे.

17 डिसेंबर रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1718 : ग्रेट ब्रिटनने स्पेनविरुद्ध युद्ध घोषित केले.
• 1777 : फ्रान्सने औपचारिकपणे अमेरिका या देशाला मान्यता दिली.
• 1927 : हिंदुस्थान रिपब्लिकन असोसिएशनचे क्रांतिकारक राजेंद्र नाथ लाहिरी यांना ब्रिटीश सरकारने निर्धारित तारखेच्या दोन दिवस आधी गोंडा तुरुंगात फाशी दिली.
• 1928 : पोलिसांच्या हातून लाला लजपत राय यांच्या मृत्यूचा बदला घेण्यासाठी भगतसिंग, सुखदेव, राजगुरू यांनी ब्रिटिश पोलिस ऑफिसर जेम्स साँडर्स याची लाहोर येथे हत्या केली, त्यानंतर तिघांना 1931 मध्ये फाशी देण्यात आली.
• 1941 : दुसरे महायुद्ध – उत्तर बोर्नियोमध्ये जपानी सैन्याचे आगमन.
• 1970 : जयंतीलाल छोटालाल शहा यांनी भारताचे 13 वे सरन्यायाधीश म्हणुन पदभार स्वीकारला.
• 2014 : युनायटेड स्टेट्स आणि क्युबा यांनी राजनैतिक संबंध पुन्हा प्रस्थापित केले.
• 2016 : शरद पवार यांनी एमसीए (मुंबई क्रिकेट असोसिएशन) च्या अध्यक्षपदाचा राजीनामा दिला.
• 2016 : लेफ्टनंट जनरल बिपिन रावत यांची लष्कर प्रमुख आणि एअर चीफ मार्शल बी.एस. धनोआ यांची हवाई दल प्रमुख म्हणून नियुक्ती करण्यात आली.
• 2016 : आयपीएस ए. के. धस्माना यांची रॉ च्या प्रमुखपदी तर राजीव जैन यांची आयबी च्या प्रमुख पदी नियुक्ती करण्यात आली.
• 2016 : विजेंदर सिंग यांनी फ्रान्सिस चेका ला हरवून डब्ल्यूबीओ आशिया पॅसिफिक सुपर मिडलवेट जेतेपद स्वतःकडेच जिकून ठेवले

हे देखील वाचा : निवडणूक जाहीर झाली पण ठाकरे बंधूंची युतीची घोषणा कधी? संजय राऊतांनी स्पष्टच सांगितलं

17 डिसेंबर रोजी जन्म दिनविशेष

• 1778 : ‘सर हंफ्रे डेव्ही’ – विद्युत पृथक्‍करणाद्वारे सोडिअम आणि पोटॅशिअम ही मूलद्रव्ये प्रथमच वेगळी करणारे इंग्लिश भौतिक व रसायनशास्त्रज्ञ यांचा जन्म. (मृत्यू : 29 मे 1829)
• 1849 : ‘लालमोहन घोष’ – देशभक्त, काँग्रेसचे 16 वे अध्यक्ष यांचा कलकत्ता येथे जन्म. (मृत्यू : 18 ऑक्टोबर 1909)
• 1900 : ‘मेरी कार्टराइट’ – इंग्लिश गणितज्ञ यांचा जन्म. (मृत्यू : 3 एप्रिल 1998)
• 1901 : ‘यशवंत गोपाळ जोशी’ – मराठी लघुकथाकार व प्रसाद मासिकाचे संपादक यांचा जन्म. (मृत्यू : 7 नोव्हेंबर 1963)
• 1905 : ‘मुहम्मद हिदायतुल्लाह’ – भारताचे सहावे उपराष्ट्रपती आणि अकरावे सरन्यायाधीश यांचा जन्म. (मृत्यू : 18 सप्टेंबर 1992)
• 1911 : ‘डी. डी. रेगे’ – चित्रकार व लेखक यांचा जन्म. (मृत्यू : 2 सप्टेंबर 1999)
• 1947 : ‘दीपक हळदणकर’ – दिग्दर्शक व चलचित्रकार यांचा जन्म.
• 1972 : ‘जॉन अब्राहम’ – अभिनेते यांचा जन्म.
• 1978 : ‘रितेश देशमुख’ – अभिनेते यांचा जन्म.

हे देखील वाचा : जेष्ठ नागरिकांच्या सन्मानार्थ साजरा केला जातो पेंशनर्स डे ; जाणून घ्या याचे महत्त्व

17 डिसेंबर रोजी मृत्यू दिनविशेष

• 1740 : ‘सेनापती चिमाजी अप्पा’ – पेशवाईतील पराक्रमी यांचे निधन.
• 1907 : ‘लॉर्ड केल्व्हिन’ – इंग्लिश भौतिकशास्त्रज्ञ व गणितज्ञ यांचे निधन. (जन्म : 26 जून 1824)
• 1933 : ‘थुब्तेन ग्यात्सो’ – 13 वे दलाई लामा यांचे निधन. (जन्म : 12 फेब्रुवारी 1876)
• 1938 : ‘चारुचंद्र बंदोपाध्याय’ – बंगाली कथालेखक व कादंबरीकार यांचे निधन. (जन्म : 11 ऑक्टोबर 1876 – चांचल, माल्डा, बांगला देश)
• 1956 : ‘पं. शंकरराव व्यास’ – गायक व संगीतशिक्षक यांचे निधन. (जन्म : 23 जानेवारी 1898)
• 1959 : ‘डॉ. भोगराजू पट्टाभी सीतारामय्या’ – स्वातंत्र्यसैनिक, इतिहासकार आणि काँग्रेसचे नेते यांचे निधन. (जन्म : 24 डिसेंबर 1880)
• 1965 : ‘जनरल कोडेन्डेरा सुबय्या थिमय्या’ – भारतीय भूदलाचे 6 वे सरसेनापती यांचे निधन. (जन्म : 30 ऑगस्ट 1906)
• 1985 : ‘मधुसूदन कालेलकर’ – नाटककार, कथाकार आणि पटकथाकार यांचे निधन. (जन्म : 22 मार्च 1924)
• 2000 : ‘जाल पारडीवाला’ – अ‍ॅथलॅटिक्सचे पितामह आणि नामवंत प्रशिक्षक यांचे निधन.
• 2001 : ‘देवदत्त दाभोळकर’ – पुणे विद्यापीठाचे कुलगुरू यांचे निधन. (जन्म : 23 सप्टेंबर 1919)