ऐतिहासिक अन् प्रतिष्ठित शैक्षणिक संस्था म्हणजे फर्ग्युसन महाविद्यालयाची स्थापना; जाणून घ्या 25 मार्चचा इतिहास

Dinvishesh : पुण्यातील फर्ग्युसन महाविद्यालयाची आजच्या दिवशी १८८५ साली या स्थापना झाली. डेक्कन एज्युकेशन सोसायटी या संस्थेच्या पुढाकाराने हे महाविद्यालय सुरू करण्यात आले.

विद्येचे माहेरघर असलेल्या पुण्यातील एक ऐतिहासिक आणि प्रतिष्ठित शैक्षणिक संस्था म्हणजे फर्ग्युसन महाविद्यालय. आजच्या दिवशी १८८५ साली या महाविद्यालयाची स्थापना झाली. डेक्कन एज्युकेशन सोसायटी या संस्थेच्या पुढाकाराने हे महाविद्यालय सुरू करण्यात आले. महाविद्यालयाने सुरुवातीपासूनच उच्च शिक्षणाची परंपरा निर्माण केली. स्वातंत्र्यपूर्व काळात अनेक राष्ट्रवादी नेते, विचारवंत आणि समाजसुधारक या महाविद्यालयातून घडले आहेत. स्थापना लोकमान्य बाळ गंगाधर टिळक, गोपाळ गणेश आगरकर, विष्णुशास्त्री चिपळूणकर आणि माधवराव नामजोशी यांसारख्या स्वातंत्र्यसैनिकांनी केली. या महाविद्यालयामध्ये स्वातंत्र्यवीर सावरकर, पी व्ही नरसिंहराव, पु. ल. देशपांडे यांनी शिक्षण घेतले आहे. (Dinvishesh)

 

25 मार्च रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1655 : क्रिस्टियन हायगेन्स यांनी शनीचा सर्वात मोठा चंद्र, टायटन शोधला.
• 1807 : गुलाम व्यापार कायद्याद्वारे ब्रिटीश साम्राज्यात गुलाम व्यापार बंद करण्यात आला.
• 1885 : पुणे यथे फर्ग्युसन महाविद्यालय सुरू झाले.
• 1898 : शिवरामपंत परांजपे यांचे ‘काळ’ हे साप्ताहिक सुरू झाले.
• 1929 : लाहोर काँग्रेसचे ऐतिहासिक अधिवेशन सुरू झाले.
• 1997 : जगदीश शरण वर्मा यांनी भारताचे 27 वे सरन्यायाधीश म्हणुन पदभार स्वीकारला.
• 2000: 17 वर्षीय जलतरणपटू रुपाली रेपाळेने दक्षिण आफ्रिकेतील रॉबेन आयलंड बे (खाडी) पार केले. या खाडीत पोहणारी ती सर्वात तरुण जलतरणपटू आहे.
• 2013 : मणिपूर उच्‍च न्यायालयाची स्थापना झाली.
• 2013 : मेघालय उच्‍च न्यायालयाची स्थापना झाली.

हे देखील वाचा : इतिहासातील तो ‘काळा’ डाग आणि मानवतेचा हुंकार; गुलामगिरीचे चटके अन् बेपत्ता वीरांच्या बलिदानाची विदारक कहाणी

25 मार्च रोजी जन्म दिनविशेष

• 1932 : वसंत पुरुषोत्तम काळे ऊर्फ ‘व. पु. काळे’ – लेखक व कथाकथनकार यांचा जन्म.
• 1933 : ‘वसंत गोवारीकर’ – शास्त्रज्ञ यांचा जन्म.
• 1937 : ‘टॉम मोनाघन’ – डॉमिनोज पिझ्झा चे निर्माते यांचा जन्म.
• 1947 : सर ‘एल्ट्न जॉन इंग्लिश’ – संगीतकार व गायक यांचा जन्म.
• 1956 : ‘मुकूल शिवपुत्र ग्वाल्हेर’ – घराण्याचे गायक यांचा जन्म

हे देखील वाचा : काँग्रेसकडून आसाम आणि केरळमध्ये नवीन चेहऱ्यांना संधी; रणनीती ठरवणार पक्षाचे भविष्य

25 मार्च रोजी मृत्यू दिनविशेष

• 1931 : ‘गणेश शंकर विद्यार्थी’ – भारतीय पत्रकार, राजकारणी व स्वतंत्रता आंदोलन कार्यकर्ता यांचे निधन. (जन्म: 26 ऑक्टोबर 1890)
• 1940 : रजनीकांत बर्दोलोई – आसामी कादंबरीकार, उपन्यास सम्राट यांचे निधन. (जन्म: 11 डिसेंबर 1867)
• 1975 : ‘फैसल’ – सौदी अरेबियाचा राजा यांचे निधन.
• 1991 : ‘वामनराव सडोलीकर’ – जयपूर अत्रौली घराण्याचे गायक यांचे निधन. (जन्म: 16 सप्टेंबर 1907)
• 1993 : ‘मधुकर केचे’ – साहित्यिक यांचे निधन. (जन्म: 17 जानेवारी 1932)
• 2014 : भारतीय चित्रपट अभिनेत्री नंदा यांचे निधन. (जन्म: 8 जानेवारी 1939)