लेखक, समीक्षक आणि शिक्षणतज्ज्ञ नागनाथ कोतापल्ले यांचा जन्मदिन; जाणून घ्या 29 मार्चचा इतिहास

नागनाथ कोतापल्ले यांचे साहित्य आजही वाचकांना विचार करायला भाग पाडते. त्यांच्या जन्मदिनानिमित्त त्यांच्या कार्याचे स्मरण करून मराठी साहित्यविश्वाला दिलेल्या योगदानाबद्दल कृतज्ञता व्यक्त केली जाते.

मराठी साहित्यातील एक महत्त्वाचे लेखक, समीक्षक आणि शिक्षणतज्ज्ञ म्हणून ओळखले जाणारे नागनाथ कोथापल्ले यांचा जन्मदिन. त्यांचा जन्म २९ मार्च १९४८ रोजी झाला. साहित्य, शिक्षण आणि समाज यांचा सखोल अभ्यास त्यांच्या लेखनातून दिसून येतो. नागनाथ कोतापल्ले यांनी कादंबरी, कथा, समीक्षा आणि निबंध या विविध साहित्यप्रकारांमध्ये उल्लेखनीय योगदान दिले. त्यांच्या लेखनात सामाजिक वास्तव, ग्रामीण जीवन आणि मानवी भावनांचे सूक्ष्म चित्रण आढळते. त्यांनी मराठी साहित्याला नवी दृष्टी आणि विचारांची दिशा दिली. ते डॉ.बाबासाहेब आंबेडकर मराठवाडा विद्यापीठाचे कुलगुरू म्हणूनही कार्यरत होते. शिक्षणक्षेत्रातील त्यांच्या योगदानामुळे अनेक विद्यार्थ्यांना प्रेरणा मिळाली. . (Dinvishesh)

 

29 मार्च रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1849 : पंजाब ब्रिटिश साम्राज्याने ताब्यात घेतला.
• 1857 : बंगाल नेटिव्ह इन्फंट्रीच्या 34 व्या रेजिमेंटचे शिपाई मंगल पांडे यांनी ईस्ट इंडिया कंपनीच्या ब्रिटीश अधिकाऱ्यांवर गोळीबार केला.
• 1930 : प्रभात चा खूनी खंजिर हा चित्रपट मुंबईत प्रदर्शित झाला.
• 1942 : क्रिप्स योजना जाहीर
• 1962 : भारताचे तत्कालीन पंतप्रधान पंडित जवाहरलाल नेहरू यांनी पिंपरी येथील हिंदुस्थान अँटिबायोटिक्सच्या पेनिसिलिन कारखान्यात स्ट्रेप्टोमायसिनच्या उत्पादन प्रकल्पाचे उद्घाटन केले.
• 1968 : महात्मा फुले कृषी विद्यापीठ (MPKV) राहुरी येथे स्थापन झाले.
• 1973 : व्हिएतनाम युद्ध – शेवटच्या अमेरिकन सैन्याने व्हिएतनाम सोडले
• 1974 : मरिनर 10 हे नासाचे अंतराळयान बुध ग्रहाच्या जवळ पोहचले.
• 1982 : एन. टी. रामाराव यांनी तेलगू देसम पक्षाची स्थापना केली.
• 2004 : भारतीय फलंदाज वीरेंद्र सेहवागने पाकिस्तानविरुद्धच्या कसोटी क्रिकेट सामन्यात 309 धावा केल्या आणि त्रिशतक झळकावणारा पहिला भारतीय फलंदाज झाला.
• 2004 : आयर्लंडने कामाच्या ठिकाणी धूम्रपानावर बंदी घातली. अशी बंदी लागू करणारा हा जगातील पहिला देश ठरला.

हे देखील वाचा : : पियानोच्या 88 कीज अन् मनाला भिडणारे सूर! जाणून घ्या आजच्या दिवशीच का साजरा होतोय ‘वर्ल्ड पियानो डे’?

29 मार्च रोजी जन्म दिनविशेष

• 1869 : सर ‘एडविन लुटेन्स’ – दिल्लीचे नगररचनाकार यांचा जन्म. (मृत्यू: 1 जानेवारी 1944)
• 1918: ‘सॅम वॉल्टन’ – वॉलमार्ट चे निर्माते यांचा जन्म. (मृत्यू: 5 एप्रिल 1992)
• 1926 : पांडुरंग लक्ष्मण ऊर्फ ‘बाळ गाडगीळ’ – अर्थशास्त्रज्ञ, पुण्यातील फर्ग्युसन कॉलेजचे प्राचार्य, सिंबायोसिस संस्थेचे उपाध्यक्ष तसेच विनोदी लेखक होते यांचा जन्म. (मृत्यू: 21 मार्च 2010)
• 1929 : ‘उत्पल दत्त’ – रंगभूमी आणि चित्रपट कलाकार यांचा जन्म. (मृत्यू: 19 ऑगस्ट 1993)
• 1930 : ‘अनिरुद्ध जगन्नाथ’ – मॉरिशसचे पंतप्रधान यांचा जन्म.
• 1943: ‘जॉन मेजर’ – इंग्लंडचे पंतप्रधान यांचा जन्म.
• 1948 : ‘नागनाथ कोतापल्ले’ – साहित्यिक, शिक्षणतज्ञ आणि डॉ. बाबासाहेब आंबेडकर मराठवाडा विद्यापीठाचे कुलगुरू यांचा जन्म.

हे देखील वाचा : समुद्राची ‘जलपरी’ की केवळ भास? जाणून घ्या 29 मार्चला का साजरा होतो आंतरराष्ट्रीय मत्स्यकन्या दिन

29 मार्च रोजी मृत्यू दिनविशेष

• 1552 : ‘गुरू अंगद देव’ – शिखांचे दुसरे गुरू यांचे निधन. (जन्म: 31 मार्च 1504)
• 1964 : ‘शंकर नारायण जोशी’ – इतिहास संशोधक यांचे निधन.
• 1971 : ‘धीरेंद्रनाथ दत्ता’ – बांगलादेशी राजकारणी यांचे निधन. (जन्म: 2 नोव्हेंबर 1886)
• 1997 : ‘पुपुल जयकर’ – सामाजिक कार्यकर्त्या आणि भारतीय कला व संस्कृतीच्या पुरस्कर्त्या यांचे निधन. (जन्म: 11 सप्टेंबर 1915)