Indian Navy Day : भारतीय नौदल दिनाचे पाकिस्तान कनेक्शन काय आहे? जाणून घ्या ‘या’ खास दिवसाचा इतिहास

भारतीय नौदल दिन केवळ भारतीय नौदलाच्या कामगिरीचा गौरव करत नाही तर देशवासियांना त्यांच्या सैन्याबद्दल अभिमान वाटण्याची संधी देखील देतो. जाणून घ्या या खास दिवसाचे महत्त्व.

Indian Navy Day : भारतीय नौदल दिनाचे पाकिस्तान कनेक्शन काय आहे? जाणून घ्या 'या' खास दिवसाचा इतिहास ( फोटो सौजन्य : सोशल मीडिया)

Follow Us:

Follow Us:

नवी दिल्ली : भारतीय नौदल दिन दरवर्षी 4 डिसेंबर रोजी संपूर्ण भारतात साजरा केला जातो. भारतीय नौदलाचे शौर्य, समर्पण आणि देशाच्या सागरी सीमांचे रक्षण करण्यात त्यांची भूमिका यांचा सन्मान करण्यासाठी हा दिवस साजरा केला जातो. या तारखेला ऐतिहासिक महत्त्व आहे कारण 4 डिसेंबर रोजी भारतीय नौदलाच्या शूरवीरांनी पाकिस्तानचा पराभव केला होता. 1971 च्या भारत-पाकिस्तान युद्धात भारतीय नौदलाच्या विजयाच्या स्मरणार्थ नौदल दिन साजरा केला जातो. भारतीय नौदल दिन केवळ भारतीय नौदलाच्या कामगिरीचा गौरव करत नाही तर देशवासियांना त्यांच्या सैन्याबद्दल अभिमान वाटण्याची संधी देखील देतो.

हा ऐतिहासिक दिवस भारतीय नौदलाचे सामर्थ्य, धैर्य आणि देशासाठी समर्पणाचे प्रतीक आहे. हा दिवस आपल्याला आपल्या सुरक्षा दलांप्रती कृतज्ञता व्यक्त करण्याची आणि त्यांचे योगदान समजून घेण्याची संधी देतो. भारतीय नौदलाच्या या भूमिकेचा सन्मान करणे हे प्रत्येक नागरिकाचे कर्तव्य आहे. अशा परिस्थितीत आज भारतीय नौदल दिनानिमित्त जाणून घेऊया भारतीय नौदलाची स्थापना केव्हा आणि कशी झाली? भारतीय नौदल दिन का साजरा केला जातो?

भारतीय नौदल दिनाचा इतिहास

प्राप्त माहितीनुसार, भारतीय नौदल दिन साजरा करण्याची सुरुवात मे 1972 मध्ये झालेल्या वरिष्ठ नौदल अधिकाऱ्यांच्या परिषदेत झाली, जेव्हा 4 डिसेंबर रोजी भारतीय नौदल दिन साजरा करण्याचा निर्णय घेण्यात आला.

जागतिक बातम्या वाचण्यासाठी येथे क्लिक करा : 25 वर्षात 16 फूट बुडाला जकार्ता ; न्यूयॉर्कसह ‘ही’ मोठी शहरे लवकरच समुद्रात बुडणार

4 डिसेंबरला नौदल दिन का साजरा केला जातो?

4 डिसेंबर रोजी भारतीय नौदल दिन साजरा करण्याचे कारण 1971 च्या भारत-पाकिस्तान युद्धाशी संबंधित आहे. या युद्धात पाकिस्तानने 3 डिसेंबरला भारतीय विमानतळावर हल्ला केला. त्याला प्रत्युत्तर देत भारतीय नौदलाने 4 आणि 5 डिसेंबरच्या रात्री ‘ऑपरेशन ट्रायडेंट’ राबवले. या मोहिमेत भारतीय नौदलाने पाकिस्तानी नौदलाचे मोठे नुकसान केले आणि शेकडो पाकिस्तानी नौदलाचे जवान मारले. या महान विजयाच्या स्मरणार्थ 4 डिसेंबर रोजी नौदल दिन साजरा करण्याचा निर्णय घेण्यात आला.

Indian Navy Day  ( फोटो सौजन्य : सोशल मीडिया)

जागतिक बातम्या वाचण्यासाठी येथे क्लिक करा : 10 वर्षांचा क्रिश अरोरा बनला ‘ग्लोबल जिनियस’; आइन्स्टाईन-हॉकिंगपेक्षाही जास्त IQ

भारतीय नौदलाची स्थापना केव्हा झाली?

तज्ञांच्या मते, भारतीय नौदल 1612 मध्ये अस्तित्वात आली, जेव्हा ईस्ट इंडिया कंपनीने रॉयल इंडियन नेव्ही नावाची नौदल तयार केली. ईस्ट इंडिया कंपनीने व्यापारी जहाजांचे संरक्षण करण्याच्या उद्देशाने नौदल दलाची स्थापना केली. स्वातंत्र्यानंतर, 1950 मध्ये त्याची भारतीय नौदल म्हणून पुनर्रचना करण्यात आली.

नौदल दिनाचे महत्त्व जाणून घ्या

भारतीय नौदल दिन केवळ भारतीय नौदलाच्या कामगिरीचा गौरव करत नाही तर देशवासियांना त्यांच्या सैन्याबद्दल अभिमान वाटण्याची संधी देखील देतो. हा दिवस आपल्याला सागरी सुरक्षेची गरज आणि नौदलाची भूमिका समजून घेण्याची संधी देतो.

Web Title: Indian navy day what is the pakistan connection of indian navy day know the history of this special day nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com