Dr. Anandibai Joshi : भारतातील पहिल्या महिला डॉ. आनंदीबाई जोशी जयंती; जाणून घ्या 31 मार्चचा इतिहास

महिलांना शिक्षणाची परवानगी नसलेल्या काळामध्ये परदेशात जाऊन डॉक्टर झालेल्या भारतातील पहिल्या महिला डॉक्टर आनंदीबाई जोशी यांची आज जयंती आहे.

Dr. Anandibai Joshi : भारतातील पहिल्या महिला डॉक्टर म्हणून ओळखल्या जाणाऱ्या डॉ. आनंदीबाई जोशी यांची आज जयंती. त्यांचा जन्म ३१ मार्च १८६५ रोजी झाला. अत्यंत प्रतिकूल परिस्थितीतही त्यांनी शिक्षणाची कास धरली आणि समाजातील रूढी-परंपरांना आव्हान दिले. लहान वयातच विवाह झाल्यानंतरही त्यांच्या पती गोपाळराव जोशी यांनी त्यांना शिक्षणासाठी प्रोत्साहन दिले. त्या काळात महिलांना शिक्षण घेणेही कठीण असताना त्यांनी परदेशात जाऊन वैद्यकीय शिक्षण घेतले. अमेरिकेतील ‘वुमन्स मेडिकल कॉलेज ऑफ पेंसिल्वेनिया’ येथून त्यांनी डॉक्टर पदवी मिळवली. त्यांच्या अथक परिश्रम, जिद्द आणि धैर्यामुळे त्या भारतीय महिलांसाठी प्रेरणास्थान ठरल्या. अल्पायुष्यातही त्यांनी समाजात मोठा बदल घडवून आणला. त्यांचे कार्य आजही सर्वांना प्रेरणा देते. (Dinvishesh)

 

31 मार्च रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1665 : मिर्झा राजे जयसिंग आणि दिलार खान पठाण यांनी पुरंदर किल्ल्याला वेढा घातला.
• 1867 : डॉ.आत्माराम पांडुरंग यांनी प्रार्थना समाजाची स्थापना केली.
• 1889 : आयफेल टॉवरचे उद्घाटन झाले. ते तयार करण्यासाठी 2 वर्षे, 2 महिने आणि 2 दिवस लागले.
• 1901 : पहिली मर्सिडीज कार तयार झाली. कारचे नाव ऑस्ट्रियन राजनैतिक अधिकाऱ्याच्या मुलीच्या नावावर ठेवले गेले ज्यासाठी ती बनवली गेली होती.
• 1964 : मुंबईतील विजेवर चालणाऱ्या ट्रॅम बंद झाल्या.
• 1966 : रशियाने लुना-10 हा चंद्राचा पहिला कृत्रिम उपग्रह प्रक्षेपित केला.
• 1970 : स्पेस प्रोब ‘एक्सप्लोरर-1’, 12 वर्षांच्या अंतराळा प्रवासानंतर पृथ्वीच्या कक्षेत परतले.
• 2001 : सचिन तेंडुलकरने एकदिवसीय क्रिकेटमध्ये दहा हजार धावा पूर्ण केल्या.

हे देखील वाचा : केवळ वाळवंट नाही, तर बलिदान अन् रंगांचा उत्सव; वाळवंटातील वीरांच्या भूमीचा ‘असा’ आहे रंजक इतिहास

31 मार्च रोजी जन्म दिनविशेष

• 1504 : ‘गुरू अंगद देव’ – शिखांचे दुसरे गुरू यांचा जन्म. (मृत्यू: 29 मार्च 1552)
• 1519 : ‘हेन्‍री’ (दुसरा) – फ्रान्सचा राजा यांचा जन्म. (मृत्यू: 10 जुलै 1559)
• 1596 : ‘रेनें देंकार्त’ – फ्रेन्च तत्त्वज्ञ, गणितज्ञ आणि लेखक यांचा जन्म. (मृत्यू: 11 फेब्रुवारी 1650)
• 1843 : बळवंत पांडुरंग तथा अण्णासाहेब किर्लोस्कर – नाटककार यांचा जन्म. (मृत्यू: 2 नोव्हेंबर 1885)
• 1865 : ‘आनंदीबाई गोपाळराव जोशी’ – भारतातील पहिल्या महिला डॉक्टर यांचा जन्म. (मृत्यू: 26 फेब्रुवारी 1887)
• 1871 : ‘गंगाधर बाळकृष्ण देशपांडे’ – स्वातंत्र्यसैनिक कर्नाटकसिंह यांचा जन्म. (मृत्यू: 30 जुलै 1960)
• 1902 : ‘चेत सिंग’ – भारतीय विद्वान ग्यानी यांचा जन्म. (मृत्यू: 31 मार्च 2000)
• 1934 : ‘कमला सुरय्या’ – भारतीय कवी आणि लेखक यांचा जन्म. (मृत्यू: 31 मे 2009)
• 1938 : ‘शीला दिक्षीत’ – दिल्लीच्या माजी मुख्यमंत्री यांचा जन्म.
• 1972 : ‘इव्हान विल्यम्स’ – ट्विटर चे सहसंस्थापक यांचा जन्म.
• 1978 : ‘हम्पी कोनेरू’ – भारतीय बुद्धिबळ खेळाडू यांचा जन्म.

हे देखील वाचा : डॉलरच्या तुलनेत रुपयाची घसरण सुरुच; निच्चांक गाठल्याने गुंतवणूकदारांची झाली नाचक्की

31 मार्च रोजी मृत्यू दिनविशेष

• 1913 : ‘जे. पी. मॉर्गन’ – अमेरिकन सावकार यांचे निधन. (जन्म: 17 एप्रिल 1837)
• 1972 : महजबीन बानो ऊर्फ ‘मीनाकुमारी’ – अभिनेत्री यांचे निधन. (जन्म: 1 ऑगस्ट 1932)
• 1978 : ‘चार्ल्स हर्बर्ट बेस्ट’ – इन्सुलिन चे सहनिर्माते यांचे निधन.(जन्म: 27 फेब्रुवारी 1899)
• 2000 : ‘चेत सिंग’ – भारतीय विद्वान ग्यानी यांचे निधन. (जन्म: 31 मार्च 1902)
• 2002 : ‘मोतुरू उदायम’ – भारतीय कार्यकर्ते आणि राजकारणी यांचे निधन. (जन्म: 13 ऑक्टोबर 1924)
• 2004 : ‘गुरू चरणसिंग तोहरा’ – अकाली दलाचे नेते आणि शिरोमणी गुरुद्वारा प्रबंधक समितीचे अध्यक्ष यांचे निधन. (जन्म: 24 सप्टेंबर 1924)
• 2004 : तुकाराम केरबा ऊर्फ ‘टी. के. अण्णा वडणगेकर’ – कोल्हापूरची कलापरंपरा जपणारे चित्र व शिल्पकलेतील दिग्गज यांचे निधन. (जन्म: 8 ऑगस्ट 1912)