Indian Supercross Racing League
यंदा नव्याने सुरू करण्यात आलेल्या ‘२५० सीसी – ग्रुप ‘ए’ फॉरेन बाइक्स ओन्ली इंडियन फ्युचर्स’ गटासह ‘२५० सीसी इंडिया एशिया मिक्स’ गटामध्ये भारतातून ३० नोंदणी झाल्या आहेत. फ्रान्समधून सर्वाधिक ३२ खेळाडूंनी नोंदणी केली असून, त्यापाठोपाठ ऑस्ट्रेलियातून २० आणि अमेरिकेतून १८ खेळाडूंनी नोंदणी केली आहे.
याशिवाय इंडोनेशिया, थायलंड, जर्मनी, स्पेन, स्वित्झर्लंड, इटली, जपान, कॅनडा, दक्षिण आफ्रिका, झेक प्रजासत्ताक, स्वीडन, झिम्बाब्वे, श्रीलंका आणि मंगोलिया येथील खेळाडूही स्पर्धेत सहभागी होणार आहेत. नोंदणी झालेल्या खेळाडूंमध्ये ‘४५० सीसी इंटरनॅशनल’ गटात ४०, ‘२५० सीसी इंटरनॅशनल’ गटात ५४ आणि ‘२५० सीसी इंडिया-एशिया मिक्स’ गटात २६ खेळाडूंचा समावेश आहे. या नोंदणींमुळे यंदाची स्पर्धा अधिक वैविध्यपूर्ण आणि चुरशीची होणार असल्याचे दिसून येते.
इंडियन सुपरक्रॉस रेसिंग लीग’चे सह-संस्थापक आणि संचालक ईशान लोखंडे म्हणाले, लीगचा विस्तार होत असताना जागतिक दर्जाचे खेळाडूंना आकर्षित करणारी आणि भारतीय रायडर्सना आपली क्षमता सिद्ध करण्याची संधी देणारी व्यावसायिक क्रीडा व्यवस्था उभी करण्यावर आमचा भर कायम राहणार आहे.” ‘आयएसआरएल’च्या दुसऱ्या हंगामाचा विजेता मॅट मॉस म्हणाला, “सलग दोन वेळा ‘आयएसआरएल’चे विजेतेपद मिळवणे हा माझ्यासाठी अविस्मरणीय अनुभव आहे. प्रत्येक हंगामागणिक या स्पर्धेचा दर्जा उंचावत आहे. स्पर्धा अधिक चुरशीची होत आहे आणि यातील प्रत्येक यशासाठी कठोर मेहनत घ्यावी लागत आहे.
Sports News: बापरे! हा कसला रेसिंगचा धुमाकूळ; ‘महा डर्ट ट्रॅक चॅलेंज’मध्ये सार्थक चव्हाणचे वर्चस्व
.png "Videos"){kind=small}
