शुक्रवार, 23 ऑक्टोबर 2026
अफगाणिस्तानविरूद्ध सिरीजसाठी दिग्गजांचा समावेश (फोटो सौजन्य - इन्स्टाग्राम)
पहिल्यांदाच इंग्लंड आणि आयर्लंडविरूद्ध भारतीय संघाला टी२० सामन्यात पराभव स्वीकारावा लागला होता. ही अत्यंत लाजिवरवाणी बाब होती. मात्र आता या सिरीजनंतर अफगाणिस्तानविरूद्ध पुन्हा एकदा बलाढ्य संघ खेळायला मैदानात उतरणार आहे. सिलेक्टर्सने अनुभवी खेळाडूंना संघात घेतले असून चाहत्यांचे लक्ष आता या सिरीजकडे लागले आहे.
IND Vs AFG: तूफान येणार, अन् अफगणिस्तान वाहून जाणार; टीम इंडियाची घोषणा, वैभव सूर्यवंशीला संधी
या नवीन संघात सर्वाधिक चर्चेत असलेले पुनरागमन म्हणजे यष्टीरक्षक-फलंदाज संजू सॅमसनचे. जेव्हा झिम्बाब्वे दौऱ्यासाठी सॅमसनच्या जागी वैभव सूर्यवंशी आणि प्रभसिमरन सिंग यांना संधी देण्यात आली, तेव्हा क्रिकेट चाहत्यांना वाटले होते की त्याला संघातून वगळण्यात आले आहे. आता, सॅमसनच्या पुनरागमनामुळे सलामीच्या जागेसाठीची स्पर्धा पुन्हा एकदा रंजक झाली आहे.
वैद्यकीय पथकाकडून अंतिम तंदुरुस्तीची परवानगी मिळाल्यानंतर, वेगवान गोलंदाजीला बळकटी देण्यासाठी जसप्रीत बुमराहचेही टी-२० आंतरराष्ट्रीय संघात पुनरागमन झाले आहे. फिरकी अष्टपैलू खेळाडू अक्षर पटेलचाही संघात समावेश करण्यात आला आहे. झिम्बाब्वे दौऱ्यातील त्याच्या अनुपस्थितीदरम्यान, निवड समिती आरसीबीच्या कृणाल पांड्याकडे पाहू शकते अशा अफवा होत्या, पण अक्षरने आपले स्थान पुन्हा मिळवले आहे.
मोठी खळबळ! Team India ला मोठा धक्का? अफगाणिस्तान सिरीजआधी Hardik Pandya ला दुखापत
संघात परतलेल्या प्रमुख खेळाडूंमध्ये संजू सॅमसन, नितीश कुमार रेड्डी, अक्षर पटेल, वॉशिंग्टन सुंदर, रवी बिश्नोई, जसप्रीत बुमराह, अर्शदीप सिंग आणि हर्षित राणा यांचा समावेश आहे. संघातून वगळण्यात आलेल्या खेळाडूंमध्ये सूर्यांश शेडगे, रिंकू सिंग, हर्ष दुबे, प्रिन्स यादव, यश ठाकूर, अशोक शर्मा, मयंक यादव आणि प्रभसिमरन सिंग यांचा समावेश आहे.
श्रेयस अय्यर (कर्णधार), अभिषेक शर्मा, वैभव सूर्यवंशी, संजू सैमसन (यष्टीरक्षक), ईशान किशन (यष्टीरक्षक), तिलक वर्मा (उपकर्णधार), शिवम दुबे, नितिश कुमार रेड्डी, अक्षर पटेल, वॉशिंग्टन सुंदर, वरुण चक्रवर्ती, रवि बिश्नोई, जसप्रीत बुमराह, अर्शदीप सिंह आणि हर्षित राणा
