IND vs AFG: 8 खेळाडूंमध्ये फेरबदल, आता श्रेयस अय्यरच्या टीमला रोखणे अशक्य; दमदार खेळाडूंचा समावेश

IND vs AFG: अफगाणिस्तानविरूद्ध टी२० सिरीजसाठी सिलेक्टर्सने संजू सॅमसन, अक्षर पटेल आणि जसप्रीत बुमराहसारख्या दिग्गजांना संघात पुन्हा घेतलंय. टीममध्ये एकूण ८ बदल करण्यात आले आहेत.

• भारत आणि अफगाणिस्तानमध्ये रंगणार टी२० सिरीज 

• भारतीय संघात ८ मोठे बदल 

• श्रेयर अय्यरची टीम झाली आता अधिक मजबूत 

IND vs AFG: झिम्बाब्वे दौऱ्यात युवा खेळाडूंना संधी दिल्यानंतर, भारतीय निवड समितीने १३ सप्टेंबरपासून सुरू होणाऱ्या अफगाणिस्तानविरुद्धच्या तीन सामन्यांच्या टी-२० आंतरराष्ट्रीय मालिकेसाठी एक मजबूत संघ जाहीर केला आहे. इंग्लंड आणि आयर्लंडविरुद्धच्या पराभवानंतर संघात मोठे फेरबदल करण्यात आले आहेत.

पहिल्यांदाच इंग्लंड आणि आयर्लंडविरूद्ध भारतीय संघाला टी२० सामन्यात पराभव स्वीकारावा लागला होता. ही अत्यंत लाजिवरवाणी बाब होती. मात्र आता या सिरीजनंतर अफगाणिस्तानविरूद्ध पुन्हा एकदा बलाढ्य संघ खेळायला मैदानात उतरणार आहे. सिलेक्टर्सने अनुभवी खेळाडूंना संघात घेतले असून चाहत्यांचे लक्ष आता या सिरीजकडे लागले आहे. 

IND Vs AFG: तूफान येणार, अन् अफगणिस्तान वाहून जाणार; टीम इंडियाची घोषणा, वैभव सूर्यवंशीला संधी

संजू सॅमसनचे पुनरागमन

या नवीन संघात सर्वाधिक चर्चेत असलेले पुनरागमन म्हणजे यष्टीरक्षक-फलंदाज संजू सॅमसनचे. जेव्हा झिम्बाब्वे दौऱ्यासाठी सॅमसनच्या जागी वैभव सूर्यवंशी आणि प्रभसिमरन सिंग यांना संधी देण्यात आली, तेव्हा क्रिकेट चाहत्यांना वाटले होते की त्याला संघातून वगळण्यात आले आहे. आता, सॅमसनच्या पुनरागमनामुळे सलामीच्या जागेसाठीची स्पर्धा पुन्हा एकदा रंजक झाली आहे.

जसप्रीत बुमराहदेखील परतला

वैद्यकीय पथकाकडून अंतिम तंदुरुस्तीची परवानगी मिळाल्यानंतर, वेगवान गोलंदाजीला बळकटी देण्यासाठी जसप्रीत बुमराहचेही टी-२० आंतरराष्ट्रीय संघात पुनरागमन झाले आहे. फिरकी अष्टपैलू खेळाडू अक्षर पटेलचाही संघात समावेश करण्यात आला आहे. झिम्बाब्वे दौऱ्यातील त्याच्या अनुपस्थितीदरम्यान, निवड समिती आरसीबीच्या कृणाल पांड्याकडे पाहू शकते अशा अफवा होत्या, पण अक्षरने आपले स्थान पुन्हा मिळवले आहे.

मोठी खळबळ! Team India ला मोठा धक्का? अफगाणिस्तान सिरीजआधी Hardik Pandya ला दुखापत

कोणते खेळाडू संघात परतले?

संघात परतलेल्या प्रमुख खेळाडूंमध्ये संजू सॅमसन, नितीश कुमार रेड्डी, अक्षर पटेल, वॉशिंग्टन सुंदर, रवी बिश्नोई, जसप्रीत बुमराह, अर्शदीप सिंग आणि हर्षित राणा यांचा समावेश आहे. संघातून वगळण्यात आलेल्या खेळाडूंमध्ये सूर्यांश शेडगे, रिंकू सिंग, हर्ष दुबे, प्रिन्स यादव, यश ठाकूर, अशोक शर्मा, मयंक यादव आणि प्रभसिमरन सिंग यांचा समावेश आहे. 

भारतीय संघ कसा असेल?

श्रेयस अय्यर (कर्णधार), अभिषेक शर्मा, वैभव सूर्यवंशी, संजू सैमसन (यष्टीरक्षक), ईशान किशन (यष्टीरक्षक), तिलक वर्मा (उपकर्णधार), शिवम दुबे, नितिश कुमार रेड्डी, अक्षर पटेल, वॉशिंग्टन सुंदर, वरुण चक्रवर्ती, रवि बिश्नोई, जसप्रीत बुमराह, अर्शदीप सिंह आणि हर्षित राणा