निर्णय झाला! क्रिकेट क्षेत्रात BCCI चा मोठा डाव; Pragyan Ojha असणार Team India चा नवा चीफ सिलेक्टर

Pragyan Ojha: प्रज्ञान ओझा याच्याकडे असलेल्या आंतरराष्ट्रीय कसोटी क्रिकेटच्या प्रदीर्घ अनुभवाचा विचार करून बीसीसीआयने हा निर्णय घेतला आहे. 

• प्रज्ञान ओझा नवीन चीफ सिलेक्टर
• रमेश पोवार यांचा देखील आहे समावेश 
• बीसीसीआयने घेतला मोठा निर्णय 

Pragyan Ojha/BCCI: भारतीय क्रिकेट नियामक मंडळाने म्हणजेच बीसीसीआयने एक मोठा निर्णय घेतला आहे. भारतीय पुरुष क्रिकेट संघाच्या निवड समितीत बीसीसीआयने मोठे बदल करण्याचा निर्णय घेतला आहे. भारताचा माजी डावखुरा फिरकीपटू प्रज्ञान ओझा याची निवड समितीच्या नव्या अध्यक्षपदी  नियुक्ती करण्यात आली आहे. प्रज्ञान ओझा याच्याकडे असलेल्या आंतरराष्ट्रीय कसोटी क्रिकेटच्या प्रदीर्घ अनुभवाचा विचार करून बीसीसीआयने हा निर्णय घेतला आहे.

🚨 Announcement 🚨 Mr Ramesh Powar @imrameshpowar appointed to Men’s Selection Committee. Based on seniority (most Tests), Mr Pragyan Ojha @pragyanojha will chair the Committee. BCCI appreciates Mr Ajit Agarkar @imAagarkar for his commitment, conviction and contribution during his tenure as Chairman of the Committee. Details ▶️ https://t.co/z0jcyPWkr0 #TeamIndia — BCCI (@BCCI) October 19, 2026

प्रज्ञान ओझा यांच्यासोबतच भारताचे माजी क्रिकेटपटू आणि फिरकी गोलंदाज रमेश पोवार यांची देखील निवड समितीमध्ये सदस्य म्हणून निवड करण्यात आली आहे. पोवार यांच्याकडे आंतरराष्ट्रीय क्रिकेटसह देशांतर्गत क्रिकेटचा आणि प्रशिक्षकपदाचाही मोठा अनुभव आहे. त्यांनी यापूर्वी भारतीय महिला क्रिकेट संघाचे मुख्य प्रशिक्षक म्हणूनही काम पाहिले आहे. त्यांच्या समावेशामुळे निवड समितीला फायदा होणार आहे.

सीएसीचे सदस्य अशोक मल्होत्रा आणि जतिन परांजपे यांनी निवड प्रक्रियेची जबाबदारी पार पाडत मुंबई येथील बीसीसीआय मुख्यालयात प्राप्त झालेल्या सर्व अर्जांची कसून छाननी केली आणि उमेदवारांच्या मुलाखती घेतल्या. त्यानंतर,  आज हा निर्णय घोषित करण्यात आला आहे.