9 चौकार, 6 षटकार….., विजय हजारे ट्रॉफीमध्ये अब्दुल समदची वादळी खेळी; लखनऊ सुपर जायंट्सचा विजयी रथ वेगात

विजय हजारे ट्रॉफीमध्ये जम्मू काश्मीरकडून खेळताना अब्दुल समदने मिझोरामविरुद्ध धमाकेदार खेळी करीत 64 चेंडूत 112 धावांची मोठी खेळी करीत पुन्हा एकदा बीसीसीआयचे लक्ष वेधून घेतले आहे.

Vijay Hazare Trophy : विजय हजारे ट्रॉफीमध्ये जम्मू-काश्मीरकडून खेळताना अब्दुल समदने मिझोरामविरुद्ध केवळ 64 चेंडूत 112 धावा केल्या, ज्यात 9 चौकार आणि 6 षटकारांचा समावेश होता. IPL 2025 च्या मेगा लिलावात लखनऊ सुपर जायंट्सने त्याला 4.20 कोटी रुपयांना विकत घेतले.
लखनौ सुपर जायंट्सचा स्टार खेळाडू अब्दुल समदने भारताच्या देशांतर्गत एकदिवसीय स्पर्धेत विजय हजारे ट्रॉफीमध्ये गोंधळ घातला. जम्मू-काश्मीरकडून खेळताना त्याने मिझोरामविरुद्ध दमदार शतक झळकावले आहे. समदने अवघ्या 64 चेंडूत 112 धावा केल्या आहेत. या खेळीत त्याने 9 चौकार आणि 6 षटकारही मारले.

लखनऊ सुपर जायंट्सने मोठी रक्कम देऊन केले खरेदी

या काळात त्याचा स्ट्राइक रेट १७५ होता. IPL 2025 च्या मेगा लिलावात लखनौ सुपर जायंट्सने अब्दुल समदला 4.20 कोटी रुपयांची मोठी रक्कम देऊन खरेदी केले. समदला सनरायझर्स हैदराबादने लिलावापूर्वी रिलीज केले होते. हैदराबादनेही त्याच्यासाठी राईट टू मॅच कार्ड वापरले नाही. समद आता आयपीएल 2025 मध्ये लखनऊच्या जर्सीमध्ये खेळताना दिसणार आहे.
अब्दुल समदची कारकीर्द
23 वर्षीय अब्दुल समदने 2020 मध्ये सनरायझर्स हैदराबादकडून खेळून आयपीएलमध्ये पदार्पण केले. मात्र, तो अद्याप आयपीएलमध्ये स्वत:ला पूर्णपणे सिद्ध करू शकलेला नाही. त्याने 50 सामन्यांमध्ये 146 च्या स्ट्राईक रेटने फलंदाजी करताना 577 धावा केल्या आहेत. IPL व्यतिरिक्त अब्दुल समदने 28 प्रथम श्रेणी सामन्यांमध्ये 6 शतके आणि अर्धशतकांसह 1567 धावा केल्या आहेत.
जम्मू-काश्मीरने 378 धावांचे दिले लक्ष्य 

मिझोरमच्या कर्णधाराने नाणेफेक जिंकून जम्मू-काश्मीरविरुद्ध प्रथम गोलंदाजी करण्याचा निर्णय घेतला होता. मात्र, हा निर्णय अत्यंत चुकीचा ठरला. तुफानी फलंदाजीमुळे जम्मू-काश्मीरने 50 षटकांत 6 बाद 377 धावा केल्या. अब्दुल समदने सर्वाधिक 112 धावा केल्या. याशिवाय लोन नसीर (72 धावा), शुभम खजुरिया (60 धावा) आणि विवरांत शर्मा (57 धावा) यांनी अर्धशतके झळकावली. कर्णधार पारस डोगरानेही 39 धावांची खेळी केली. मिझोरामकडून बॉबी जोथनसांगा याने सर्वाधिक २ बळी घेतले. मोहित जांगरा, केसी करिअप्पा आणि ललह्रित्रेंगा यांना प्रत्येकी एक यश मिळाले.

हेही वाचा : Champions Trophy 2025 : रोहित-विराट-बुमराहला इंग्लंड वनडे मालिकेतून देणार विश्रांती, सरावाशिवाय खेळणार चॅम्पियन्स ट्रॉफी!