IND vs AUS: विराट कोहलीचा विक्रम मोडण्यासाठी अभिषेक शर्मा सज्ज! ऑस्ट्रेलियाविरुद्धच्या पुढील ३ डावांमध्ये करावी लागेल ‘ही’ कामगिरी

सूर्यकुमार यादवच्या नेतृत्वाखालील टीम इंडियाने आशिया कप २०२५ मध्ये शानदार कामगिरी केली होती, ज्यामध्ये डावखुरा सलामीवीर फलंदाज अभिषेक शर्माची (Abhisekh Sharma) कामगिरी सर्वाधिक चर्चेत होती.

विराट कोहलीचा विक्रम मोडण्यासाठी अभिषेक शर्मा सज्ज! (Photo Credit - X)

Follow Us

Follow Us:

• विराट कोहलीचा मोठा विक्रम मोडण्याची अभिषेक शर्माला संधी!
• पुढील ३ डावात करावे लागेल ‘हे’ काम
• २०२५ मध्ये अभिषेकचा दमदार फॉर्म

विराट कोहलीचा विक्रम मोडण्यासाठी अभिषेक शर्मा सज्ज!

सूर्यकुमार यादवच्या नेतृत्वाखालील टीम इंडियाने आशिया कप २०२५ मध्ये शानदार कामगिरी केली होती, ज्यामध्ये डावखुरा सलामीवीर फलंदाज अभिषेक शर्माची (Abhisekh Sharma) कामगिरी सर्वाधिक चर्चेत होती. आता, सर्वांचे लक्ष ऑस्ट्रेलियाविरुद्धच्या टी-२० मालिकेतील अभिषेकच्या कामगिरीवर असेल, कारण त्याला या मालिकेत विराट कोहलीचा एक मोठा विक्रम मोडण्याची संधी आहे.

रोहित शर्मा-विराट कोहलीचे कधी होणार पुनरागमन? जाणून घ्या संपूर्ण माहिती, घरच्या मैदानावर दिसणार खेळताना

विराटचा विक्रम मोडण्यासाठी १५१ धावांची गरज

टी-२० आंतरराष्ट्रीय क्रिकेटमध्ये पदार्पण केल्यापासून अभिषेक शर्माने प्रभावी फॉर्म दाखवला आहे. त्याने २४ सामन्यांमधील २३ डावांमध्ये ३६.९१ च्या सरासरीने ८४९ धावा केल्या आहेत. अभिषेकला आता १०,०० आंतरराष्ट्रीय टी-२० धावा पूर्ण करण्यासाठी फक्त १५१ धावांची गरज आहे.

• विक्रम मोडण्याची संधी: जर अभिषेक शर्माने पुढील तीन डावांमध्ये हा टप्पा (१००० धावा) गाठण्यात यश मिळवले, तर तो टी-२० आंतरराष्ट्रीयमध्ये सर्वात कमी डावांमध्ये हा आकडा गाठणारा भारतीय खेळाडू बनेल.
• विराट कोहलीचा विक्रम: सध्या हा विक्रम विराट कोहलीच्या नावावर आहे, ज्याने २७ डावांमध्ये १००० आंतरराष्ट्रीय टी-२० धावा पूर्ण केल्या होत्या.

२०२५ मध्ये अभिषेकचा दमदार फॉर्म

अभिषेक शर्माने नुकत्याच झालेल्या २०२५ च्या आशिया कपमध्ये तुफानी फलंदाजी केली. त्याने सहा डावांमध्ये ४४ च्या सरासरीने ३१४ धावा केल्या होत्या, ज्यात त्याचा स्ट्राइक रेट २०० च्या जवळपास होता. २०२५ या संपूर्ण वर्षातील त्याची कामगिरी खूपच प्रभावी आहे. त्याने १२ डावांमध्ये फलंदाजी करताना ४९.४१ च्या सरासरीने ५९३ धावा केल्या आहेत, ज्यात २०० हून अधिकचा स्ट्राइक रेट, ४१ षटकार आणि ५६ चौकारांचा समावेश आहे. त्यामुळे, ऑस्ट्रेलियाविरुद्धच्या मालिकेत तो विराटचा विक्रम मोडतो की नाही, याकडे चाहत्यांचे लक्ष लागून राहील.

Rohit Sharma: ‘एक आखिरी बार…’! रोहित शर्माच्या पोस्टने वाढवली चाहत्यांची चिंता; निवृत्तीच्या चर्चांना पुन्हा जोर

Web Title: Abhishek sharma gets a chance to break virat kohlis big record against australia

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Oct 27, 2025 | 05:43 PM

Topics:  

• Abhisekh Sharma
• IND VS AUS
• Virat Kohli

संबंधित बातम्या