Aparna Upadhyay
‘टॉवर रनिंग वर्ल्ड असोसिएशन’ (TWA) अंतर्गत आयोजित केल्या जाणाऱ्या ‘व्हर्टिकल रनिंग’ (गगनचुंबी इमारतींच्या पायऱ्या चढण्याची शर्यत) प्रकारात अपर्णा गेल्या ५ वर्षांपासून सक्रिय आहेत. मर्डेका ११८ च्या आधी, २० ऑगस्ट २०२६ रोजी त्यांनी सिंगापूर येथील ३९ मजली व १२५६ पायऱ्यांचा ‘फ्रेझर टॉवर’ सलग तिसऱ्यांदा सर केला. त्यानंतर अवघ्या दोनच दिवसांत (२२ ऑगस्ट रोजी) क्वालालंपूर गाठत त्यांनी ‘मर्डेका ११८’ टॉवरची शर्यत पूर्ण केली. अवघ्या ४८ तासांच्या कालावधीत दोन अत्यंत खडतर आंतरराष्ट्रीय शर्यती पूर्ण करून त्यांनी आपल्या शारीरिक तंदुरुस्तीची आणि मानसिक कणखरतेची प्रचिती दिली.
मूळच्या मुंबईतील डोंबिवली येथे शिक्षण घेतलेल्या अपर्णा २०२० पासून पुणेकर झाल्या. या आव्हानात्मक शर्यतींसाठी त्यांनी पुण्यातील हडपसर भागातील ‘गेटवे टॉवर १००’ येथे नियमित सराव केला. उच्चशिक्षणासाठी सिंगापूरला गेल्यानंतर त्यांनी व्हर्टिकल रनिंग स्पर्धांमध्ये भाग घेण्यास सुरुवात केली. सध्या ‘टॉवर रनिंग वर्ल्ड असोसिएशन’च्या जागतिक क्रमवारीत नोंदणीकृत १११ महिला धावपटूंमध्ये अपर्णा यांनी ९८ वे मानांकन पटकावले आहे.
आंतरराष्ट्रीय टॉवर रनर, अपर्णा उपाध्याय म्हणाले की, ‘अशा साहसी क्रीडा प्रकारांमध्ये अधिकाधिक महिलांनी पुढे यायला हवे. त्यामुळे आरोग्याविषयी जागरूकता वाढेल आणि आव्हानांना सामोरे जाण्याचे बळ मिळेल. जेव्हा एखादी स्त्री स्वतःच्या सामर्थ्यावर विश्वास ठेवून पुढे जाते, तेव्हा कोणतीही इमारत खूप उंच वाटत नाही आणि कोणतेही ध्येय आवाक्याबाहेर राहत नाही. सुरक्षित मार्ग निवडण्याचा सल्ला समाज देईल, पण तुमची खरी क्षमता तुम्हाला उंच भरारी घेण्यास प्रवृत्त करते.’
.png "Videos"){kind=small}
