india Beat New Zealand
प्रत्युत्तरात, टीम इंडियाने २२.४ षटकांत ५ विकेट्स गमावून १४३ धावा केल्या. यानंतर, डकवर्थ-लुईस-स्टर्न (DLS) पद्धतीनुसार भारताला ३२ षटकांत १४३ धावांचे लक्ष्य देण्यात आले. या सामन्यात स्टार वेगवान गोलंदाज अर्शदीप सिंगने किवी फंलदाजांना रडवलं. त्याने चार विकेट्स घेतले. यानंतर त्याने भर सामन्यात आपल्या प्रेयसीसाठी एका खास सेलिब्रेशनही केला. (Arshdeep Singh)
टीम इंडियाचा स्टार वेगवान गोलंदाज अर्शदीप सिंगने न्यूझीलंडविरुद्धच्या पहिल्या एकदिवसीय सामन्यात शानदार कामगिरी केली. त्याने १० षटकांत चार विकेट्स घेत महत्त्वपूर्ण विकेट्स घेतल्या. अर्शदीपने विल यंगला सुरुवातीलाच बाद केले. त्याने हेन्री निकोल्सलाही बाद केले. इतकेच नाही, तर त्याने फॉर्मात असलेल्या ग्लेन फिलिप्सलाही बाद केले.
याव्यतिरिक्त, अर्शदीप सिंगने काईल जेमिसनला बाद करून टीम इंडियाला न्यूझीलंडला २०० धावांपर्यंत पोहोचण्यापूर्वीच रोखण्यास मदत केली. अर्शदीप सिंगला गुरनूर ब्रार आणि अंशुल कंबोज यांनीही चांगली साथ दिली, ज्यामुळे न्यूझीलंडच्या फलंदाजांना पुनरागमन करण्याची संधीच मिळाली नाही. या सामन्यात अर्शदीप सिंगने भारतीय गोलंदाजीचे नेतृत्व केले.
Arshdeep gets Jamieson, and adds another celebration to his ever-growing collection! 😂 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony LIV & Sony Vizha.#SonySportsNetwork #SonyLIV #SonyVizha #NZvIND pic.twitter.com/GvQa8ukMcm — Sony Sports Network (@SonySportsNetwk) November 4, 2026
आपल्या प्रभावी कामगिरीबद्दल बोलताना, अर्शदीप सिंग ‘मिड-इनिंग्ज शो’मध्ये म्हणाला, ‘इथलं हवामान चांगलं आहे आणि गोलंदाजी करणं सोपं जातं. सबकॉन्टिनेंटमधून आल्यानंतर, जेव्हा विकेट खेळपट्टीवर चांगली बाउन्स घेतो, तेव्हा इथे गोलंदाजी करायला नेहमीच छान वाटतं. हो, वाऱ्याचीही मदत होत आहे. शेवटी, मी म्हणेन की आम्ही थोडे जास्तच लालची होतो आणि फक्त विकेट्स घेण्याच्या प्रयत्नात होतो. आम्ही संपूर्ण डावात जे करत होतो तेच पुढे चालू ठेवायला हवं होतं, म्हणजे आम्हाला विकेट्स मिळाल्या असत्या. पण शेवटी, आम्ही थोडे जास्तच लालची झालो. मला वाटलं की खेळपट्टीमध्ये काहीतरी विशेष आहे, त्यामुळे आम्ही फक्त सीमवर फटके मारून जोरदार गोलंदाजी करण्याचा प्रयत्न करत होतो.’
आपल्या आवडत्या विकेटबद्दल विचारले असता, अर्शदीप सिंग म्हणाला, ‘माझी आवडती विकेट पाचवी असती, जी मला मिळाली नाही. त्यामुळे मी अजूनही तिच्या शोधात आहे. हे सेलिब्रेशन माझ्या गर्लफ्रेंडसाठी आहे. आम्ही बाहेर असताना अशा डान्स स्टेप्स करतो. जेव्हा कधी आमचा मूड खराब असतो, तेव्हा आम्ही त्या सेलिब्रेशनने एकमेकांना खुश करतो, म्हणून हे तिच्यासाठी होतं. मला वाटतं ही एक चांगली धावसंख्या आहे. आम्हाला फक्त खेळपट्टीनुसार फलंदाजी करायची आहे आणि आम्ही हे काम पूर्ण करू.’
.png "Videos"){kind=small}
