अश्मिता चलिहाचा धमाका! Korea Masters Super 300 च्या फायनलमध्ये दिमाखात प्रवेश

Asmita Chaliha enter korean masters badminton Supe 300 final: भारताच्या अश्मिताने कोरिया मास्टर्स सुपर 300 च्या महिला एकेरीच्या अंतिम फेरीत धडक मारली आहे. उपांत्य फेरीत तिने रक्षिता रामराजचा 21-13, 16-21, 21-13 असा पराभव केला. अंतिम फेरीत अश्मिताचा सामना चीनच्या हान कियानक्सीशी होईल.

• अश्मिता चलिहाचा धमाका
• फायनलमध्ये दिमाखात प्रवेश
• दुसरा गेम हरल्यानंतर शानदार पुनरागमन

भारतीय बॅडमिंटनपटू अश्मिता चालिहाची कोरिया मास्टर्स २०२६ ( Korea Masters 2026) मध्ये प्रभावी कामगिरी सुरूच आहे. अश्मिताने महिला एकेरीच्या अंतिम फेरीत धडाकेबाज प्रवेश केला आहे. शनिवारी दक्षिण कोरियातील आसन येथे झालेल्या उपांत्य फेरीच्या सामन्यात, अश्मिताने तीन गेमच्या अटीतटीच्या लढतीत भारताच्याच रक्षिता रामराजचा २१-१३, १६-२१, २१-१३ असा पराभव केला. या दोन भारतीय खेळाडूंमधील सामना ४८ मिनिटे चालला.

IND Vs SL: टीम इंडियाला Back to Back झटके! बुमराहनंतर ‘हा’ खेळाडूही टेस्ट सीरीजमधून बाहेर

दुसरा गेम हरल्यानंतर शानदार पुनरागमन

अश्मिताने पहिला गेम २१-१३ ने जिंकून सामन्याची शानदार सुरुवात केली. मात्र, रक्षिताने दुसऱ्या गेममध्ये २१-१६ ने विजय मिळवत पुनरागमन केले आणि सामना निर्णायक गेममध्ये नेला. त्यानंतर अश्मिताने आपल्या अनुभवाचा आणि आक्रमक खेळाचा पुरेपूर फायदा घेतला. तिने निर्णायक गेममध्ये रक्षिताला कोणतीही संधी न देता २१-१३ ने विजय मिळवला आणि अंतिम फेरीत आपले स्थान निश्चित केले.आता जागतिक क्रमवारीत ५० व्या क्रमांकावर असलेली २६ वर्षीय अश्मिताचे लक्ष विजेतेपदावर असून , विजेतेपदासाठी तिचा सामना चीनच्या हानशी होणार आहे.

गुवाहाटीची ही खेळाडू अंतिम सामन्यात चीनच्या हान चियानक्सीशी सामना करेल. दुसऱ्या उपांत्य सामन्यात दक्षिण कोरियाच्या किम गा रामला २२-२०, १८-२१, २१-१४ असे पराभूत करून या चिनी खेळाडूने विजेतेपदाच्या लढतीत आपले स्थान निश्चित केले आहे. उपांत्यपूर्व फेरीत जपानच्या अव्वल मानांकित हिना अकेचीला २०-२२, २१-१५, २१-१९ असे पराभूत करून अश्मिताने एक मोठा उलटफेर घडवला होता. रक्षिता रामराजनेही स्पर्धेत उत्कृष्ट कामगिरी केली . उपांत्यपूर्व फेरीत तिने चायनीज तैपेई ओपन चॅम्पियन तन्वी शर्माला १८-२१, २१-१९, २१-१८ असे पराभूत करून उपांत्य फेरीत प्रवेश केला. उपांत्यपूर्व फेरीनंतर, महिला एकेरीमध्ये या दोन्ही भारतीय खेळाडू भारताची शेवटची आशा होत्या आणि दोघींनीही एका तासाहून अधिक काळ चाललेले सामने जिंकले.

पुरुष दुहेरीमध्ये भारताचा पराभव

पुरुष दुहेरीमधील भारताचा प्रवास उपांत्यपूर्व फेरीतच संपला. पृथ्वी के. रॉय आणि कृष्णा प्रसाद जी या भारतीय जोडीला मलेशियाच्या मॅन वेई चोंग आणि सोह वूई यिक यांच्याकडून पारभव पत्कावा लागला. त्यांनी भारताचा २१-७, २१-८ अशा सरळ गेममध्ये पराभव केला. कोरिया मास्टर्स सुपर ३०० स्पर्धा रविवारी ९ ऑगस्ट रोजी संपेल. या स्पर्धेचे एकूण बक्षीस २.५ लाख अमेरिकी डॉलर आहे. ही स्पर्धा २००७ मध्ये सुरू झाली आणि २०१० पर्यंत आंतरराष्ट्रीय चॅलेंज स्तराची स्पर्धा होती, त्यानंतर २०११ मध्ये ती बीडब्ल्यूएफ ग्रँड प्रिक्स गोल्ड स्पर्धा बनली. २०१७ मध्ये ग्रँड प्रिक्स गोल्ड स्पर्धा बंद झाल्यानंतर, कोरिया मास्टर्सला बीडब्ल्यूएफ वर्ल्ड टूर सुपर ३०० चा भाग बनवण्यात आले.

क्रिकेट विश्वात अफगाण ‘वादळ’! ODI World Cup 2027 साठी थेट क्वालिफाय, ‘हा’ संघ पडला बाहेर?