Badminton कोर्टवर चुरशीच्या लढती; मुलांमध्ये रायगड, तर मुलींमध्ये…; सेमीफायनलमध्ये कोणाचा प्रवेश?

Badminton: नागपूर आणि छत्रपती संभाजीनगर यांच्यातील सामना चांगलाच रंगतदार झाला. नागपूर संघाने २-१ असा विजय मिळवत पुढील फेरीत प्रवेश केला. नागपूरकडून वैष्णवी मांगलेकर आणि सान्वी घाटे यांनी एकेरीच्या लढतीत प्रभावी खेळ केला.

• योनेक्स सनराईज एसबीए कप बॅडमिंटन स्पर्धेत महाराष्ट्राचे यश 
• मुलींच्या गटात पुणे, तर मुलांच्या गटात ठाणे
  
• उपांत्य फेरीत पुणे, नागपूर, रायगड, ठाणे संघांची धडक

पुणे/Badminton: सुधांशु बॅडमिंटन अकादमीच्या वतीने आणि समर्थ ग्रुपच्या सहकार्याने आयोजित योनेक्स सनराईज एसबीए कप राज्यस्तरीय सब-ज्युनियर आंतरजिल्हा सांघिक बॅडमिंटन अजिंक्यपद स्पर्धेत मुलांच्या आणि मुलींच्या गटातील उपांत्यपूर्व फेरीचे सामने चुरशीचे झाले. यामध्ये मुलांच्या गटातून रायगड, ठाणे, बुलढाणा आणि नागपूर, तर मुलींच्या गटातून पुणे, नागपूर, रायगड आणि मुंबई उपनगर या संघांनी प्रतिस्पर्ध्यांवर मात करत उपांत्य फेरीत प्रवेश केला.

शिवाजीनगर येथील पी. ई. सोसायटीच्या मॉडर्न पीडीएमबीए स्पोर्ट्स कॉम्प्लेक्समधील बॅडमिंटन कोर्टवर ही स्पर्धा सुरू आहे. मुलींच्या गटातील उपांत्यपूर्व फेरीत मनीषा तिरुकोंडा कुमार, शरयू रांजणे आणि सोयरा शेलार यांच्या उत्कृष्ट कामगिरीच्या जोरावर पुणे संघाने पालघर संघाचा २-० असा एकतर्फी पराभव केला. पुणे संघाने एकेरी आणि दुहेरी अशा दोन्ही लढती जिंकत उपांत्य फेरीतील स्थान निश्चित केले.

Asian Para Games : नितेश-थुलसिमथीची रौप्यपदकाला गवसणी; पॅरा बॅडमिंटनमध्ये भारताची दमदार कामगिरी!

एकेरीच्या लढतीत प्रभावी खेळ

नागपूर आणि छत्रपती संभाजीनगर यांच्यातील सामना चांगलाच रंगतदार झाला. नागपूर संघाने २-१ असा विजय मिळवत पुढील फेरीत प्रवेश केला. नागपूरकडून वैष्णवी मांगलेकर आणि सान्वी घाटे यांनी एकेरीच्या लढतीत प्रभावी खेळ केला. अन्य सामन्यांत रायगडने मुंबई शहर संघाचा २-० असा, तर मुंबई उपनगरने सोलापूर संघाचा २-० असा पराभव केला.

विजयी घोडदौड कायम राखली

मुलांच्या गटात ठाणे संघाने अमरावतीवर २-० अशी मात केली. विश्वजीत थविल आणि मयंक राजपूत यांनी विजयात मोलाचा वाटा उचलला. बुलढाणा संघानेही सांगलीचा २-० असा पराभव करत आपली विजयी घोडदौड कायम राखली. बुलढाण्याकडून देवव्रत खांडेकर आणि करण सावळे यांनी दमदार खेळाचे प्रदर्शन केले. रायगडने सातारा संघाचा २-० असा, तर नागपूरने मुंबई शहर संघाचा २-० असा पराभव करत उपांत्य फेरी गाठली.

Asian Games : टाईट शेड्युलचा सिंधुला फटका; क्वार्टर फायनलमध्येच आव्हान संपुष्टात, आयोजन समितीच्या कार्यभारावर प्रश्नचिन्ह

बॅडमिंटनमध्ये भारताची दमदार कामगिरी

आशियाई पॅरा गेम्स 2026 मध्ये भारतीय खेळाडूंची पदकांची कमाई सुरूच आहे. भारताच्या नितेश कुमार आणि थुलसिमथी मुरुगेसन या जोडीने बॅडमिंटनच्या मिश्र दुहेरी एसएल-3, एसयू-5 गटात रौप्यपदक पटकावले.