Megan schutt ban for 2 matches
Megan Schutt Ban for 2 matches: ऑस्ट्रेलियाची अनुभवी वेगवान गोलंदाज मेगन शटवर कारवाई करण्यात आलेली आहे. डॉक्टरांनी लिहून दिलेल्या औषधांच्या नियमांचे उल्लंघन केल्याबद्दल मेगनवर दोन सामन्यांची बंदी घालण्यात आली आहे. क्रिकेट ऑस्ट्रेलियाने एक निवेदन जारी करून याची पुष्टी केली आहे. मंडळाने स्पष्ट केले की, ही घटना स्पर्धेबाहेर घडली असून तिचा कामगिरी सुधारणाऱ्या औषधांशी संबंध नाही.
क्रिकेट ऑस्ट्रेलियाच्या म्हणण्यानुसार, मेगन शटवर लादलेली बंदी आंतरराष्ट्रीय आणि देशांतर्गत क्रिकेट या दोन्हीसाठी समान लागू होईल. यामुळे, ती गुरुवारी नॉर्थ सिडनी ओव्हलवर न्यूझीलंडविरुद्ध होणाऱ्या तिसऱ्या आणि अंतिम टी-२० आंतरराष्ट्रीय सामन्याला मुकणार आहे. तसेच, ती ३१ ऑक्टोबर रोजी होणाऱ्या महिला बिग बॅश लीगच्या पहिला सामना देखील खेळू शकणार नाही. ( Megan schutt ban for 2 matches Regarding Prescription)
‘मिया मॅजिक’ चा कॅप्टन्सी स्वॅग! Mohammed Siraj च्या नेतृत्वात हैदराबादचा कहर; सलग दुसरा दणदणीत विजय
ऑस्ट्रेलियाची महिला वेगवान गोलंदाज मेगन शट हिच्यावर केलेल्या कारवाईबाबत, क्रिकेट ऑस्ट्रेलियाने सांगितले की, हे उल्लंघन स्पोर्ट्स सायंस आणि स्पोर्ट्स मेडिसन मार्गदर्शक तत्त्वांनुसार डॉक्टरांनी लिहून दिलेल्या प्रिस्क्रिप्शन औषधांसंदर्भात आहे. मेगनने औषधांच्या वापरासंबंधीच्या आवश्यकतांचे पालन केले नाही. ही घटना ऑस्ट्रेलियन संघाच्या बांगलादेश दौऱ्यापूर्वी घडली. ती स्पर्धेबाहेर असताना तिच्याकडून झालेले हे नियमांचे एकमेव उल्लंघन होते.मंडळाने म्हटले आहे की, ते खेळाडूला आवश्यक ते सहकार्य देत राहतील. तसेच, राष्ट्रीय संघाचे प्रतिनिधित्व करताना खेळाडूंसाठी निर्धारित केलेल्या मानकांचे आणि जबाबदाऱ्यांचे पालन करण्याच्या महत्त्वाविषयी त्यांना शिक्षित करत राहतील.
ऑस्ट्रेलियाची महिला वेगवान गोलंदाज मेगन शटने तिच्यावरील कारवाई स्वीकारली आहे. नियमांचे पालन न केल्याबद्दल तिने माफी मागितली. सार्वजनिक रोषाबद्दल तिने खेद व्यक्त केला आणि तिला मिळालेल्या पाठिंब्याबद्दल आभार मानले. शटने सांगितले की, स्पोर्ट्स सायंस आणि स्पोर्ट्स मेडिसनच्या मार्गदर्शक तत्त्वांचे पालन करण्याची तिची जबाबदारी होती आणि तिने या नियमांचे पालन करायला हवे होते.
३३ वर्षीय मेगन शूट २२ ऑक्टोबर रोजी सिडनीतील नॉर्थ सिडनी ओव्हल येथे न्यूझीलंडविरुद्ध होणारा तिसरा आणि अंतिम टी२० सामना खेळू शकणार नाही. तसेच, ती ३१ ऑक्टोबर रोजी ॲडलेड स्ट्रायकर्स आणि मेलबर्न स्टार्स यांच्यात होणारा डब्ल्यूबीबीएल २०२६ चा सलामीचा सामनाही खेळू शकणार नाही. तीन सामन्यांच्या टी२० मालिकेत ऑस्ट्रेलियाने आधीच २-० अशी आघाडी घेतली आहे. त्यामुळे, अंतिम सामना जिंकून न्यूझीलंडवर क्लीन स्वीप पूर्ण करण्याचा संघाचा प्रयत्न असेल.
३३ वर्षीय ऑस्ट्रेलियन महिला वेगवान गोलंदाज मेगन शटने ४ महिला कसोटी सामन्यांमध्ये एकूण ९ विकेट्स घेतले आहेत. कसोटी क्रिकेटमधील तिची सर्वोत्तम कामगिरी २६ धावांत ४ विकेट्स अशी आहे. त्याचबरोबर, तिने ११४ एकदिवसीय सामन्यांमध्ये एकूण १५८ विकेट्स घेतले आहेत. महिला एकदिवसीय क्रिकेटमधील तिची सर्वोत्तम कामगिरी १९ धावांत ५ विकेट्स अशी आहे. महिला टी-२० आंतरराष्ट्रीय क्रिकटमध्ये मेगन शटने १२६ सामन्यांमध्ये एकूण १५२ विकेट्स घेतले आहेत. महिला टी-२० आंतरराष्ट्रीय क्रिकेटमधील तिची सर्वोत्तम गोलंदाजी कामगिरी १५ धावांत ५ विकेट्स अशी आहे.
.png "Videos"){kind=small}
