bcci ban 64 players
क्रिकेट असोसिएशन ऑफ बंगालने आगामी हंगामासाठी आपल्या खेळाडूंची कागदपत्रे तपासण्यासाठी विशेष प्री-सीजन पडताळणी मोहीम राबवली होती. या प्रक्रियेत खेळाडूंनी दिलेल्या जन्मदाखल्यांमध्ये आणि कागदपत्रांमध्ये मोठ्या प्रमाणावर विसंगती आणि फेरफार असल्याचे आढळून आले. त्यानंतर बीसीसीआयने मोठी कारवाई केली आहे.
Big Breaking: वर्ल्डकप 2027 मध्ये Rohit Sharma खेळणार की नाही? बीसीसीआय सेक्रेटरी म्हणाले…
२०२२ च्या अंडर-१९ विश्वचषक विजेत्या भारतीय संघाचा प्रमुख वेगवान गोलंदाज रवी कुमार याचा या बंदी घातलेल्या खेळाडूंमध्ये समावेश आहे. त्याच्या या कारवाईमुळे क्रिकेट वर्तुळात मोठा धक्का बसला आहे. ऑस्ट्रेलिया अंडर-१९ संघाविरुद्धच्या आगामी मालिकेसाठी नुकतीच भारतीय अंडर-१९ संघात निवड झालेल्या रोहित यादव या लेग स्पिनरचाही या यादीत समावेश आहे. बीसीसीआयच्या कठोर धोरणानुसार, या सर्व ६४ खेळाडूंवर २ वर्षांची बंदी लादण्यात आली आहे. या कालावधीत हे खेळाडू बीसीसीआय किंवा कोणत्याही राज्य क्रिकेट असोसिएशनद्वारे आयोजित केल्या जाणाऱ्या अधिकृत स्पर्धांमध्ये भाग घेऊ शकणार नाहीत.
भारतीय क्रिकेट नियामक मंडळाने वयाशी संबंधित फसवणुकीच्या वाढत्या प्रकरणांना आळा घालण्यासाठी अत्यंत कठोर पावले उचलण्यास सुरुवात केली आहे. प्री-सीजन कागदपत्र पडताळणी दरम्यान लेग स्पिनर रोहित यादव याने वयाची फसवणूक केल्याचे उघडकीस आले आहे. या कारवाईनंतर रोहितची ऑस्ट्रेलिया अंडर-१९ विरुद्धच्या आगामी मालिकेतून तातडीने हकालपट्टी करण्यात आली आहे.
सीएबीच्या तपासणी अहवालात रोहित यादव याच्या वयात २७ महिन्यांची मोठी तफावत आणि फेरफार आढळून आली आहे. बीसीसीआयने या प्रकरणाची गंभीर दखल घेत रोहित यादववर बंदीची कारवाई केली आहे. मंडळाशी संलग्न असलेल्या सर्व राज्य क्रिकेट संघटनांना या निर्णयाची अधिकृत माहिती देण्यात आली असून ही बंदी तात्काळ लागू करण्यात आली आहे. कनिष्ठ स्तरावरील स्पर्धांमध्ये पारदर्शकता राखण्यासाठी आणि योग्य वयाच्या खेळाडूंवर अन्याय होऊ नये यासाठी बीसीसीआय अशा प्रकरणांमध्ये कठोर भूमिका घेताना दिसून येत आहे.
.png "Videos"){kind=small}
