भारतीय क्रिकेट नियामक मंडळ बंगळुरू येथील सेंटर ऑफ एक्सीलन्स (CoE) मधील खेळाडूंच्या फिटनेस सिस्टिम आणि निकषांमध्ये मोठा बदल करण्याच्या तयारीत आहे. या नव्या नियमांनुसार, खेळाडूंना केवळ मैदानावरील कामगिरीच्या जोरावर किंवा सामान्य फिटनेसवर संघात स्थान मिळणार नाही, तर बीसीसीआयने ठरवून दिलेल्या कठोर आणि समान मानकांवर स्वतःला सिद्ध करावे लागणार आहे.
गेल्या काही वर्षांपासून भारतीय संघात निवड होण्यासाठी फिटनेस टेस्टमध्ये ‘यो-यो टेस्टचा मुख्य आधार मानला जायचा. मात्र आता याची जागा ब्रॉन्को टेस्टने घेतली आहे. बीसीसीआय या टेस्टला प्राथमिक फिटनेस टेस्ट म्हणून स्वीकारणार असल्याचे समजते आहे. बीसीसीआयने सर्वांसाठी समान नियम लागू केल्याचे समोर येत आहे.
काय आहे ब्रॉन्को टेस्ट?
या चाचणीमध्ये खेळाडूला सलग ५ सेट्स पूर्ण करावे लागतात. एका सेटमध्ये २० मीटर, ४० मीटर आणि ६० मीटरचे शटल रन (धावणे) असतात. म्हणजे एका सेटमध्ये २४० मीटर अंतर पार करावे लागते. विश्रांतीशिवाय सलग ५ सेट्स पूर्ण करताना खेळाडूला एकूण १२०० मीटर अंतर धावून पार करावे लागते. सर्व खेळाडूंना ब्रॉन्को टेस्ट ५ मिनिटे १५ सेकंद ते ५ मिनिटे २० सेकंद या कालावधीतच पूर्ण करणे अनिवार्य असणार आहे. ब्रॉन्को टेस्टनंतर होणाऱ्या २ किलोमीटर धावण्याच्या चाचणीसाठी आता ९ ते १० मिनिटांचा स्थिर वेळ ठरवून दिला जाणार आहे.
काही वरिष्ठ खेळाडूंना किंवा विशिष्ट सिरिजमध्ये खेळाडूंना फिटनेस टेस्टमध्ये सूट किंवा साधे सोपे टार्गेट दिले जात असल्याचा ठपका ठेवण्यात आला होता. काही खेळाडूंना वजनाची मर्यादा किंवा तंदुरुस्ती पूर्ण नसतानाही संघात स्थान मिळाल्यामुळे सामन्यांदरम्यान ‘क्रॅम्प्स’ (स्नायू खेचले जाणे) आणि दुखापतींचे प्रमाण वाढले होते. हे टाळण्यासाठी आता बीसीसीआयने काही नवे नियम लागू करण्याचे ठरवले आहे.
३ कोटी की त्याहूनही जास्त? Team India चा चीफ सिलेक्टर झाल्यास VVS Laxman यांना किती पगार मिळणार?
.png "Videos"){kind=small}
