कोविड काळात इरफान पठाणने दिलेल्या एका जुन्या मुलाखतीचा व्हिडिओ आता 5 वर्षांनंतर व्हायरल झाला आहे. या व्हिडिओमध्ये इरफानने अप्रत्यक्षपणे महेंद्रसिंग धोनीवर टीका केल्याचा आरोप होत आहे. व्हिडिओ व्हायरल झाल्यानंतर सोशल मीडियावर वाद पेटला आणि इरफानला चाहत्यांच्या रोषाला सामोरे जावे लागले. वाद वाढल्यानंतर इरफान पठाणने अखेर आपली बाजू मांडली आहे आणि आता दुसऱ्याच व्यक्तीवर आरोप केले आहेत.
आंतरराष्ट्रीय क्रिकेटमधून निवृत्ती घेतल्यानंतर इरफान पठाणने ‘स्पोर्ट्स तक’ला एक मुलाखत दिली होती. 2008 च्या सीबी सिरीजला आठवून पठाण म्हणाला होता, “मला कोणाच्या खोलीत जाऊन हुक्का पिण्याची किंवा अशा गोष्टींवर बोलण्याची सवय नाही. हे सर्वांना माहीत आहे. कधी-कधी अशा गोष्टींवर न बोलणेच चांगले असते. एका क्रिकेटपटूचे काम मैदानात चांगली कामगिरी करणे असते आणि मी त्याच गोष्टीवर लक्ष केंद्रित करत होतो.” कोविड काळातला हा व्हिडिओ आता व्हायरल झाल्यानंतर चाहते दोन गटांत विभागले गेले. धोनीच्या चाहत्यांनी इरफान पठाणला ट्रोल करायला सुरुवात केली, तर धोनीच्या विरोधकांनी त्याची खिल्ली उडवली.
सोशल मीडियावर व्हायरल झालेल्या या जुन्या व्हिडिओमुळे सुरू झालेल्या वादावर इरफान पठाणने आता प्रतिक्रिया दिली आहे. तो म्हणाला, “अर्ध्या दशकापूर्वीचा व्हिडिओ आता संदर्भाबाहेर काढून सादर केला जात आहे. हे ‘फॅन वॉर’ आहे की ‘पीआर लॉबी’?”
Mein or @msdhoni sath Beth kar pienge;) — Irfan Pathan (@IrfanPathan) September 3, 2025
Half decade old video surfacing NOW with a twisted context to the Statement. Fan war? PR lobby? — Irfan Pathan (@IrfanPathan) September 3, 2025
जेव्हा एका चाहत्याने इरफानला विचारले की, “पठाण भाई, त्या हुक्क्याचे काय झाले?” त्यावर इरफानने उत्तर दिले, “मी आणि @msdhoni एकत्र बसून तो पिऊ.” एकेकाळी पठाण आणि धोनी खूप चांगले मित्र होते, ज्यामुळे इरफानला या टीकेचा अधिक सामना करावा लागला.
.png "Videos"){kind=small}
