Dinesh Karthik पुन्हा एकदा झाला वडील, पत्नी दीपिकाने दिला मुलीला जन्म! सोशल मिडियावर शेअर केली गुड न्यूज

२८ ऑक्टोबर २०२१ रोजी दिनेश कार्तिक आणि दीपिका पहिल्यांदा पालक झाले होते. त्यावेळी दीपिकाने जुळ्या मुलांना जन्म दिला होता. आता दिनेश कार्तिकने आपल्या लहान मुलीचे नावही जाहीर केले आहे.

Dinesh Karthik and Deepika Pallikal became parents again : नुकत्याच झालेल्या विश्वचषकामध्ये दिनेश कार्तिकने काॅमेंटेटरची भूमिका साकारली होती. त्याने क्रिकेटला अलविदा केल्यानंतर तो सध्या काॅमेंट्री करत आहे. आता त्याने सोशल मिडियावर शेअर करुन चाहत्यांना आनंदाची बातमी दिली आहे. भारताचा माजी यष्टीरक्षक-फलंदाज दिनेश कार्तिक दुसऱ्यांदा वडील झाला आहे. त्याची पत्नी दीपिका पल्लीकलने एका मुलीला जन्म दिला आहे. दिनेश कार्तिकने ही आनंदाची बातमी त्याच्या अधिकृत इंस्टाग्राम अकाउंटवर चाहत्यांसोबत शेअर केली. 

यापूर्वी, २८ ऑक्टोबर २०२१ रोजी दिनेश कार्तिक आणि दीपिका पहिल्यांदा पालक झाले होते. त्यावेळी दीपिकाने जुळ्या मुलांना जन्म दिला होता. आता दिनेश कार्तिकने आपल्या लहान मुलीचे नावही जाहीर केले आहे.

दिनेश कार्तिक-दीपिका यांच्या घरी झाले मुलीचे स्वागत 

दिनेश कार्तिकने त्याच्या इंस्टाग्राम अकाउंटवर मुलीच्या जन्माची आनंदाची बातमी शेअर केली. त्याने त्याची पत्नी दीपिका पल्लीकलला टॅग केले आणि एक टेक्स्ट इमेज शेअर केली, ज्यावर लिहिले होते, “मनात आशीर्वाद आणि शब्दातीत कृतज्ञतेसह, आम्ही आमच्या गोड मुलीचे जगात स्वागत करतो. कबीर आणि जियान त्यांच्या लहान बहिणीला भेटण्यासाठी उत्सुक आहेत. प्रेम, दीपिका आणि दिनेश.” कार्तिक आणि दीपिका आता तीन मुलांचे पालक आहेत: कबीर पल्लीकल कार्तिक नावाचा मुलगा, ग्यान पल्लीकल कार्तिक नावाचा दुसरा मुलगा आणि राहा पल्लीकल कार्तिक नावाची मुलगी.

See more

दीपिका पल्लीकल ही दिनेश कार्तिकची दुसरी पत्नी आहे. कार्तिकने आपल्या पहिल्या पत्नीला घटस्फोट दिल्यानंतर 2015 मध्ये स्क्वॅशपटू दीपिका पल्लीकलशी लग्न केले.

एकदिवसीय क्रिकेटमध्ये, या यष्टीरक्षक-फलंदाजाने सप्टेंबर २००४ मध्ये लॉर्ड्सवर इंग्लंडविरुद्ध पदार्पण केले. या उजव्या हाताच्या फलंदाजाने आयसीसी पुरुष क्रिकेट विश्वचषक २०१९ दरम्यान न्यूझीलंडविरुद्ध आपला शेवटचा एकदिवसीय सामना खेळला. एकदिवसीय सामन्यांमध्ये, कार्तिकने ९४ सामन्यांत ७९ डावांमध्ये १,७५२ धावा केल्या. या यष्टीरक्षक-फलंदाजाची सरासरी ३०.२० असून, त्यात नऊ अर्धशतकांचा समावेश आहे.

फिल्मी स्टाईलमध्ये एन्ट्री! राम चरणने तिलक वर्माला दिली खास भेट! सोशल मिडियावर Video Viral

टी२० आंतरराष्ट्रीय सामन्यांमध्ये, कार्तिकने २००६ मध्ये दक्षिण आफ्रिकेविरुद्ध पदार्पण केले आणि नोव्हेंबर २०२२ मध्ये बांगलादेशविरुद्ध आपला शेवटचा सामना खेळला. या सर्वात लहान फॉरमॅटमध्ये, कार्तिकने ६० सामन्यांमध्ये ४८ डावांत २६.३८ च्या सरासरीने ६८६ धावा केल्या आहेत. या यष्टीरक्षक-फलंदाजाने एक अर्धशतक झळकावले आहे.