Dwayne Bravo's No. 47 jersey
वेस्ट इंडिजचा दिग्गज अष्टपैलू खेळाडू ड्वेन ब्राव्हो हा टी-२० क्रिकेटच्या इतिहासातील सर्वश्रेष्ठ खेळाडूंपैकी एक मानला जातो. ब्राव्होने आंतरराष्ट्रीय क्रिकेट तसेच जगभरातील विविध टी-२० लीगमध्ये आपल्या उत्कृष्ट कामगिरीने चाहत्यांची मने जिंकली आहेत. कॅरिबियन प्रीमियर लीग (CPL) मधील संघ ट्रिनबागो नाइट रायडर्सने ब्राव्होचा प्रसिद्ध जर्सी क्रमांक ४७ रिटायर केला आहे. सीपीएलमधील त्याच्या उत्कृष्ट योगदानासाठी नाइट रायडर्सने हा सन्मान दिला आहे. यासह, ब्राव्हो हा सीपीएलच्या इतिहासात आपला जर्सी क्रमांक रिटायर होणारा पहिला खेळाडू ठरला आहे.
कॅरिबियन प्रीमियर लीग (CPL) फ्रँचायझी ट्रिनबागो नाइट रायडर्सने रविवार, ३० ऑगस्ट रोजी ड्वेन ब्राव्होचा ४७ क्रमांकाचा जर्सी रिटायर केला. CPL च्या इतिहासात एखाद्या खेळाडूचा जर्सी निवृत्त करण्याची ही पहिलीच वेळ आहे. नाइट रायडर्स ग्रुपचे सीईओ वेंकी म्हैसूर म्हणाले की, ‘नाइट रायडर्स आणि CPL साठी ड्वेन ब्राव्होचे योगदान खूप मोठे आहे आणि ते शब्दांत किंवा आकड्यांमध्ये मोजता येणार नाही. त्याचा ४७ क्रमांकाचा जर्सी रिटायर करून, संघाला हे सुनिश्चित करायचे आहे की त्याची आठवण आणि ओळख कायमस्वरूपी फ्रँचायझीशी जोडलेली राहील. हा विशेष सन्मान मिळवणारा तो CPL च्या इतिहासातील सर्वात सन्मानित खेळाडू आहे.’
४२ वर्षीय ब्राव्हो हा सीपीएलच्या इतिहासातील सर्वात यशस्वी खेळाडू आहे. त्याने खेळाडू म्हणून पाच आणि टीकेआरचा मुख्य प्रशिक्षक म्हणून सहावे सीपीएल विजेतेपद पटकावले आहे. आपल्या शानदार सीपीएल कारकिर्दीत, ब्राव्होने १०७ सामन्यांमध्ये १२९ विकेट्स घेतले. तो स्पर्धेतील सर्वाधिक बळी घेणारा गोलंदाज ठरला. त्याने फलंदाजीतही उत्कृष्ट कामगिरी केली असून, १०७ सामन्यांमध्ये १२९ च्या स्ट्राइक रेटने १,१५५ धावा केल्या आहेत.
ड्वेन ब्राव्होने २०२४ मध्ये क्रिकेटच्या सर्व प्रकारातून निवृत्ती जाहीर केली. मात्र, निवृत्तीनंतरही ब्राव्हो ट्रिनबागो नाइट रायडर्स फ्रँचायझीशी जोडलेला राहिला आणि त्यांचा मुख्य प्रशिक्षक बनला. ब्राव्होने आपल्या आंतरराष्ट्रीय कारकिर्दीत ४० कसोटी सामन्यात ८६ , १६४ एकदिवसीय सामन्यात १९९ आणि ९१ टी-२० आंतरराष्ट्रीय सामन्यात ७८ विकेट्स घेतले आहेत. टी-२० क्रिकेटमध्ये त्याने ५८२ सामने खेळून ६३१ विकेट्स घेतले आहेत.
SL vs UAE: फक्त 7.5 षटके अन् गेम ओव्हर! UAE चा उडवला धुव्वा; श्रीलंकेचा T20I मधील सर्वात मोठा विजय
.png "Videos"){kind=small}
