IND vs WI 5th T20: आता आरपारची लढाई! भारत की वेस्ट इंडिज, कोण मारणार बाजी? कधी अन् कुठे रंगणार अंतिम सामना?

IND Vs WI 5th T20 Schedule Bengaluru: भारत आणि वेस्ट इंडिज यांच्यात पाचवा आणि शेवटचा टी-२० सामना कधी आणि कुठे खेळला जाणार, जाणून घेऊयात.

• भारत-वेस्ट इंडिजमध्ये ‘करो या मरो’ची लढत
• पाचवा T20 सामना कधी अन् कुठे होणार?
• लाईव्ह सामना कुठे पाहता येणार?

IND Vs WI 5th T20: भारत आणि वेस्ट इंडिज यांच्यातील पाच सामन्यांची टी-२० मालिका आता शेवटच्या टप्प्यात आहे. आतापर्यंत, या मालिकेत चार सामने खेळले गेलेत. यापैकी दोन सामने भारताने तर दोन सामने वेस्ट इंडिजने जिंकले आहेत. चौथ्या सामन्यात वेस्ट इंडिजने फलंदाजी आणि गोलंदाजी दोन्ही विभागात उत्कृष्ट कामगिरी केली. त्यांनी भारताला २४ धावांनी हरवले. यासह, त्यांनी मालिकेत २-२ अशी बरोबरी साधली. आता, दोन्ही संघांमध्ये पाचवा आणि निर्णायक सामना होणार आहे. शेवटचा सामना जिंकून दोन्ही संघ मालिका खिशात घालण्याचा प्रयत्न करतील.हा सामना कधी, कुठे आणि किती वाजता रंगणार, जाणून घेऊयात. (IND Vs WI 5th T20 Schedule)

सूर्यकुमार यादवचा विक्रम आता इतिहासजमा! T20I मध्ये Abhishek Sharma बनला नवा ‘सिक्सर किंग’

भारतविरुद्ध वेस्ट इंडिज पाचवा टी-२० सामना कधी?

भारत आणि वेस्ट इंडिज यांच्यातील पाचवा टी२० आंतरराष्ट्रीय सामना शनिवार, १७ ऑक्टोबर रोजी खेळला जाईल. दोन्ही संघ बंगळुरु येथील चिन्नास्वामी स्टेडियमवर आमनेसामने येतीलहा सामना नेहमीप्रमाणे संध्याकाळी ७:०० वाजता सुरू होईल. त्याआधी ६:३० वाजता नाणेफेक होईल. चिन्नास्वामीची खेळपट्टी नेहमीच फलंदाजांसाठी फायदेशीर मानली असते. आयपीएलमध्ये या खेळपट्टीवर २५० पेक्षा जास्त धावा करण्यात आल्या आहेत. त्यामुळे भारत आणि वेस्ट इंडिज यांच्यात देखील आणखी एका मोठ्या धावसंख्येच्या सामन्याची अपेक्षा आहे.

तुम्ही हा सामना लाइव्ह कुठे पाहू शकता?

भारत आणि वेस्ट इंडिज यांच्यातील टी२० आंतरराष्ट्रीय मालिकेतील सर्व सामने स्टार स्पोर्ट्स नेटवर्कवर टेलिकास्ट होत आहेत. तुम्ही पाचवा टी२० सामना स्टार स्पोर्टसवर पाहू शकता. याशिवाय, हा सामना जिओहॉटस्टार ॲप आणि वेबसाइटवरही प्रसारित केला जाईल. जर तुम्हाला मोफत सामना पाहायचा असेल तर डीडी फ्री डिशवरील डीडी स्पोर्ट्स चॅनलवर हा सामना विनामूल्य पाहता येईल.

भारतीय संघ : श्रेयस अय्यर (कर्णधार), तिलक वर्मा (उपकर्णधार), शिवम दुबे, नितीश कुमार रेड्डी, अभिषेक शर्मा, कुलदीप यादव, वैभव सूर्यवंशी, ईशान किशन, संजू सॅमसन, अक्षर पटेल, रवी बिश्नोई, अर्शदीप सिंग, प्रिन्स यादव, मयंक यादव, नमन धीर.

वेस्ट इंडिजचा संघ: शे होप (कर्णधार), कामिल पूरन, शिमरॉन हेटमायर, शेरफेन रदरफोर्ड, रोव्हमन पॉवेल, रोस्टन चेस, रोमॅरियो शेफर्ड, क्वेंटिन सॅम्पसन, अकील हुसैन, शमार जोसेफ, अमीर जांगू, गुडाकेश मोती, कीमो पॉल, मॅथ्यू फोर्ड, शमार स्प्रिंगर.

न्यूझीलंड मालिकेआधी रवींद्र जडेजाची गर्जना! रणजीत शतक ठोकत गोलंदाजीतही दाखवला दम, टीम इंडियाची चिंता मिटणार?