MI vs LSG सामन्याआधी एकाना स्टेडियमजवळ आग, गोंधळ उडाला, प्रशासन सतर्क, वाचा सविस्तर

लखनौ आणि मुंबई यांच्यातील सामना संध्याकाळी ७:३० वाजता सामना सुरु झाला, याआधी स्टेडियमच्या शेजारी आग लागली त्याआधी अग्निशमन दल तात्काळ घटनास्थळी पोहोचले जवानांनी आग आटोक्यात आणली.

Fire breaks out near Ekana Stadium : आज मुंबई इंडियन्स विरुद्ध लखनौ सुपर जायंट्स यांच्यामध्ये सामना रंगला आहे. याआधी या मैदानाच्या शेजारी धक्कादायक घटना झाली हे ऐकून तुम्हालाही नक्कीच धक्का बसेल. आयपीएल सामन्यापूर्वी लखनौमधील एकाना स्टेडियमजवळील झुडुपांना आग लागली, ज्यामुळे काही काळ भीतीचे वातावरण पसरले आहे. झुडुपांना लागलेली आग आणि धूर पाहून प्रशासन तात्काळ सतर्क झाले. लखनौ आणि मुंबई यांच्यातील सामना संध्याकाळी ७:३० वाजता खेळवला जाणार असल्याने अग्निशमन दल तात्काळ घटनास्थळी पोहोचले आणि अग्निशमन दलाच्या जवानांनी आग आटोक्यात आणली.

MI vs LSG : रोहित शर्मा जखमी, आजचा सामना खेळणार नाही! हार्दिक पंड्याने नाणेफेक जिंकून घेतला गोलंदाजीचा निर्णय

सामन्याच्या पार्श्वभूमीवर सुरक्षा व्यवस्था आणखी कडक करण्यात आली आहे. सध्या परिस्थिती नियंत्रणात आहे आणि प्रशासन सतर्क आहे. मुंबई इंडियन्सचा एलएसजीविरुद्धचा रेकॉर्ड कमकुवत आहे. पॉइंट्स टेबलमध्ये, मुंबई इंडियन्स लखनौ सुपरजायंट्सच्या वर आहे – मुंबई सहाव्या स्थानावर आहे आणि लखनौ सातव्या स्थानावर आहे आणि दोघांचेही 2-2 गुण आहेत, परंतु जर आपण हेड-टू-हेड सामन्यांबद्दल बोललो तर लखनौचा वरचढ आहे. आतापर्यंत दोन्ही संघांमध्ये ६ सामने झाले आहेत, त्यापैकी लखनौने ५ वेळा विजय मिळवला आहे, तर मुंबईने फक्त एकदाच विजय मिळवला आहे. गेल्या तीन सामन्यांमध्येही एलएसजीने एमआयला पराभूत केले आहे.

See more

All smiles before the 🔥 contest! 😁 Who are you backing in tonight’s #LSGvMI encounter?#TATAIPL | @LucknowIPL | @mipaltan pic.twitter.com/AH1ABpDJI8 — IndianPremierLeague (@IPL) April 4, 2025

लखनौ सुपरजायंट्सकडे मिशेल मार्श, एडन मार्कराम आणि निकोलस पूरन यासारख्या मजबूत परदेशी फलंदाजांची त्रिकूट आहे. यापैकी निकोलस पूरनने आतापर्यंत सर्वाधिक चौकार आणि षटकार मारून संघासाठी उत्कृष्ट कामगिरी केली आहे. तो स्पर्धेत सर्वाधिक धावा करून ऑरेंज कॅपच्या शर्यतीत आघाडीवर आहे. अशा परिस्थितीत, एलएसजीला मुंबईविरुद्धही पूरनकडून मोठ्या खेळीची अपेक्षा असेल.

मुंबई इंडियन्ससाठी, हार्दिक पंड्याच्या पुनरागमनामुळे संघ बळकट झाला आहे. मुंबईने त्यांच्या घरच्या मैदानावर कोलकाता नाईट रायडर्सविरुद्ध शानदार विजय मिळवला होता. संघात रोहित शर्मा, रायन रिकेल्टन आणि सूर्यकुमार यादवसारखे स्टार फलंदाज आहेत, जे एकट्याने सामन्याचे चित्र उलथवून टाकू शकतात.

LSG VS MI : सामन्याआधी रोहित शर्मा आणि झहीर खानमधील संभाषण लीक, ‘जब करना था मैंने किया…’ Video Viral

जर आपण गोलंदाजीबद्दल बोललो तर लखनौची गोलंदाजी मुंबईपेक्षा थोडी कमकुवत आणि कमी अनुभवी दिसते. लखनौच्या गोलंदाजांना आतापर्यंत विरोधी फलंदाजांवर फारसा दबाव आणता आलेला नाही. दुसरीकडे, मुंबईला अश्विनी कुमारच्या रूपात एक नवा स्टार मिळाला आहे, ज्याने कोलकाताविरुद्ध शानदार गोलंदाजी केली आणि वानखेडेवर फलंदाजांना टिकू दिले नाही.