परं वैभवं नेतुमेतत् स्वराष्ट्रम्! माजी क्रिकेटपटू केदार जाधव RSS च्या पथसंचलनात सहभागी, फोटो Viral

Kedar Jadhav: केदार जाधव यांनी शेअर केलेल्या या छायाचित्रामध्ये ते संघाच्या पारंपरिक गणवेशात पाहायला मिळत आहे. त्याने पांढरा शर्ट, खाकी पॅंट आणि डोक्यावर काळी टोपी आणि हातात दंड असा गणवेश परिधान केल्याचे दिसून येत आहे.

• क्रिकेटर केदार जाधवने शेअर केले पथसंचलनातले फोटो
• देशभरात पार पडला आरएसएसचे संचलन 
• सोशल मिडियावर शेअर केले फोटो 

Kedar Jadhav/RSS: काल देशभरात विजयादशमीचा उत्साह सर्वत्र पाहायला मिळाला. तसेच काल राष्ट्रीय स्वयंसेवक संघाचा स्थापना दिवस देखील होता. पुणे शहरासह देशभरात अनेक ठिकाणी आरएसएसचे पथ संचलन पार पडले. दरम्यान भारताचा माजी क्रिकेटपटू केदार जाधव देखील संघाच्या विजयादशमीच्या उत्सवात सहभागी झाल्याचे पाहायला मिळाले. त्याने आपले फोटो सोशल मिडियावर शेअर केले आहेत.

भारताचा माजी क्रिकेटपटू केदार जाधव त्याच्या क्रिकेट कामगिरीमुळे नव्हे, तर एका वेगळ्याच कारणामुळे चर्चेत आला आहे.  केदार जाधव नुकताच राष्ट्रीय स्वयंसेवक संघाच्या विजयादशमीच्या संचलनात सहभाग घेतल्याचे पाहायला मिळाले. याचे फोटो त्याने सोशल मिडियावर शेअर केले आहेत.

Mohan Bhagwat: ‘बांगलादेशप्रमाणे भारतातही प्रयत्न…’, रिजीम चेंजबाबत मोहन भागवतांचे परखड मत

Former Indian cricketer Kedar Jadhav spotted at an RSS rally 🚩 https://t.co/eXXEKJMSFE — TEJASH 🚩 (@Tejashyy) October 20, 2026

केदार जाधव २० ऑक्टोबर रोजी पुण्याच्या डेक्कन जिमखाना कॉलनी येथे आयोजित करण्यात आलेल्या राष्ट्रीय स्वयंसेवक संघाच्या विजयादशमी उत्सवात सहभागी झाला होता. यावेळी त्याने संघाचा गणवेश परिधान केला होता. संघाच्या गणवेशातील आपला हा फोटो सोशल मीडिया प्लॅटफॉर्म इन्स्टाग्राम  वर शेअर केले. हा फोटो समोर आल्यानंतर क्रीडा वर्तुळात आणि राजकीय-सामाजिक वर्तुळात मोठ्या प्रमाणात चर्चांना उधाण आले असून, त्यांच्या या सहभागाबद्दल संमिश्र प्रतिक्रिया उमटत आहेत.

‘पावले शिस्तीची, दिशा राष्ट्रनिर्माणाची’! महाबळेश्वरमध्ये उत्साहात पार पडले RSS चे संचलन

केदार जाधव यांनी शेअर केलेल्या या छायाचित्रामध्ये ते संघाच्या पारंपरिक गणवेशात पाहायला मिळत आहे. त्याने पांढरा शर्ट, खाकी पॅंट आणि डोक्यावर काळी टोपी आणि हातात दंड असा गणवेश परिधान केल्याचे दिसून येत आहे. क्रिकेटच्या मैदानावर आपल्या अष्टपैलू खेळाने भारताला अनेक विजय मिळवून देणारा केदार जाधव संघाच्या कार्यक्रमात दिसून आला.

केदार जाधव याने आपल्या क्रिकेट कारकिर्दीत भारतीय संघासाठी अत्यंत मोलाचे योगदान दिले आहे. ३ जून २०२४ रोजी त्यांनी क्रिकेटच्या सर्व प्रकारांतून निवृत्ती जाहीर केली होती. त्याने आपल्या इंटरनॅशनल क्रिकेटची सुरुवात 16 नोव्हेंबर 2014 मध्ये केली होती. मिडल ऑर्डरमध्ये येऊन त्याने अनेकदा शानदार खेळी करत संघाचा डाव सावरला आहे. तो क्रिकेटच्या क्षेत्रात ऑलराऊंडर म्हणून ओळखला जायचा.