योद्धा पुन्हा मैदानात! भारतासाठी आनंदाची बातमी; ऋषभ पंतच्या दुखापतीचे मोठे अपडेट; फलंदाजीसा़ठी पुन्हा दिसणार

Rishabh Pant IND vs NZ 1st Test : भारत विरुद्ध न्यूझीलंड कसोटी सामन्यादरम्यान ऋषभ पंत दुखापतीमुळे मैदानाबाहेर होता. पण बंगळुरू कसोटीच्या चौथ्या दिवशी तो फलंदाजीसाठी मैदानात उतरू शकतो. 

Rishabh Pant IND vs NZ 1st Test : ऋषभ पंत टीम इंडियासाठी फलंदाजीसाठी सज्ज आहे. भारत आणि न्यूझीलंड यांच्यातील कसोटी मालिकेतील पहिला सामना बेंगळुरू येथे खेळला जात आहे. या सामन्याच्या दुसऱ्या दिवशी पंत दुखापतीमुळे मैदानाबाहेर गेला होता. ऋषभ पंतच्या गुडघ्याला दुखापत झाली होती. ज्या गुडघ्यावर शस्त्रक्रिया झाली त्याच गुडघ्यात ही दुखापत झाली. मात्र, तो आता सामन्याच्या चौथ्या दिवशी शनिवारी फलंदाजीसाठी मैदानात उतरू शकतो. पंत टीम इंडियाच्या ड्रेसिंग रूममध्ये पॅड घालून बसलेला दिसला.

ऋषभ पंत पुन्हा दिसणार मैदानात

See more

Indian captain Rohit Sharma provides an update on Rishabh Pant's injury status 👆 pic.twitter.com/ivoG1AilTl — CricTracker (@Cricketracker) October 17, 2024

भारताने 3 गडी गमावून 231 धावा

न्यूझीलंडविरुद्धच्या कसोटी सामन्याच्या तिसऱ्या दिवसअखे भारताने 3 गडी गमावून 231 धावा केल्या होत्या. यादरम्यान विराट कोहली तिसऱ्या क्रमांकावर आणि सर्फराज खान चौथ्या क्रमांकावर फलंदाजीला आला. ऋषभ पंत पाचव्या क्रमांकावर फलंदाजीला येणार होता. मात्र कोहली बाद झाल्यानंतर यष्टिचीत घोषित करण्यात आली. त्यामुळे पंत फलंदाजीसाठी मैदानात येऊ शकला नाही. मात्र तो चौथ्या दिवशी फलंदाजीला येईल. ब्रेक दरम्यान त्याने सरावही केला. पंतला फलंदाजीत कोणतीही अडचण नाही.

बंगळुरू कसोटीत टीम इंडियाने जोरदार पुनरागमन

बंगळुरू कसोटीत टीम इंडियाने शानदार पुनरागमन केले आहे. पहिल्या डावात अवघ्या 46 धावांवर ती ऑलआऊट झाली. मात्र दुसऱ्या डावात 3 गडी गमावून 231 धावा केल्या. विराटने 102 चेंडूंचा सामना करत 70 धावा केल्या आहेत. कोहलीने 8 चौकार आणि 1 षटकार मारला आहे. सर्फराज खान 70 धावा करून नाबाद आहे. त्याने 78 चेंडूत 7 चौकार आणि 3 षटकार ठोकले. रोहित शर्माने अर्धशतक झळकावले. त्याने 52 धावांची खेळी खेळली.