हार्दिक पांड्याच्या मागे शुक्लकाष्ट (फोटो सौजन्य - Instagram)
BCCI च्या एका सूत्राने सांगितले, ‘ही दुर्दैवाची गोष्ट आहे की हार्दिकच्या ताज्या स्कॅनमध्ये त्याच्या उजव्या पायाच्या पोटरीला दुखापत झाल्याचे समोर आले आहे. त्याला दोन आठवड्यांच्या पूर्ण विश्रांतीचा सल्ला देण्यात आला आहे. बीसीसीआयच्या वैद्यकीय समितीचे प्रमुख डॉ. दिनशॉ परडीवाला यांनी जपानहून परतल्यानंतर त्याच्या अहवालाचे पुनरावलोकन केले आहे आणि पुनर्वसन कधी सुरू करता येईल हे ते ठरवतील.’
’10 ओव्हर्स करण्याइतपत देखील तो…’; Hardik Pandya बाबत गौतम गंभीरचे मोठे विधान
न्यूझीलंड दौरा २२ ऑक्टोबरला टी-२० मालिकेने सुरू होईल, त्यानंतर एकदिवसीय मालिका होईल. तोपर्यंत हार्दिकचे पुनरागमन होण्याची शक्यता कमी आहे. असे मानले जाते की, बीसीसीआयला हार्दिकने संघासोबत आशियाई खेळांसाठी प्रवास करावा अशी इच्छा होती आणि त्यासाठी व्हिसाकरिता त्याचा पासपोर्टही मिळवण्यात आला होता. तथापि, अफगाणिस्तानविरुद्धच्या टी-२० मालिकेच्या अगदी आधी, क्षेत्ररक्षणाच्या सरावादरम्यान त्याला गुडघ्यात वेदना जाणवू लागल्या. त्याने विश्रांती घेतली आणि तो फिटनेस प्रमाणपत्र मिळवणार होता, तेव्हाच वेदना पुन्हा सुरू झाल्या. स्कॅनमध्ये दुखापत असल्याचे उघड झाले.
या वर्षी मार्च महिन्यापासून दुखापतीमुळे हार्दिक पांड्याच्या खेळाला ब्रेक लागला आहे. हार्दिक शेवटचा टीम इंडियाकडून कोणत्याही फॉरमॅटमध्ये मार्च २०२६ मध्ये खेळला होता. त्यानंतर तो आयपीएलमध्ये मुंबई इंडियन्सकडून खेळला, पण त्या स्पर्धेसाठीही तो पूर्णपणे तंदुरुस्त नव्हता. परिणामी, तो आता टीम इंडियामध्ये परतण्यासाठी संघर्ष करत आहे. चांगल्या खेळासाठी तो बंगळुरूलादेखील शिफ्ट झाला होता असे वृत्त काही दिवसांपूर्वी आले होते. दरम्यान हार्दिक पांड्याच्या मागील शुक्लकाष्ट काही दूर होताना दिसून येत नाही हेच खरं!
.png "Videos"){kind=small}
