Hardik Pandya असेल ट्रेंडिंगचा विषय; मुंबई इंडियन्सने ट्रेंट बोल्टला सोडावे, आकाश चोप्राचा अजब गजब सल्ला
आयपीएल (IPL) 2027 च्या लिलावापूर्वी मुंबई इंडियन्स (MI) संघाच्या रिटेन्शन आणि रिलीजच्या निर्णयांमध्ये हार्दिक पांड्याच्या (Hardik Pandya) संभाव्य ट्रेडची महत्त्वाची भूमिका असेल, असे मत भारतीय क्रिकेट संघाचा माजी सलामीवीर आणि प्रसिद्ध समालोचक आकाश चोप्राने व्यक्त केले आहे. हार्दिकला पंजाब किंग्जकडे पाठवून त्याच्या बदल्यात अर्शदीप सिंगला संघात घेण्याची चर्चा सुरू असताना चौप्राचे हे वक्तव्य समोर आले आहे.
एका संकेतस्थळाशी बोलताना आकाश चोप्रा म्हणाले की, मागील हंगामात मुंबई इंडियन्सची कामगिरी चांगली झाली असती, तर संघात मोठे बदल करण्याची गरज भासली नसती. संघाकडे चांगले संतुलन, अनुभवी खेळाडू आणि मोठी क्षमता आहे. त्यामुळे भारतीय फिरकीपटू किंवा वेगवान गोलंदाजाची गरज सोडली, तर फारसे बदल करण्याची आवश्यकता नव्हती.
मात्र, सध्या हार्दिक पांड्याच्या ट्रेडची सर्वाधिक चर्चा आहे. त्यामुळे मुंबई इंडियन्सचे रिटेन्शन आणि रिलीजचे निर्णय त्याच्याभोवती फिरतील. हार्दिकच्या बदल्यात दोन खेळाडू मिळू शकतात का, याचाही विचार संघाला करावा लागेल, असे चोप्रा यांनी नमूद केले.
चोप्रा यांनी न्यूझीलंडचा वेगवान गोलंदाज ट्रेंट बोल्टला संघातून रिलीज करण्याचा सल्लाही दिला. बोल्टची २०२६ मधील कामगिरी अपेक्षेप्रमाणे झाली नव्हती. त्याने पाच सामन्यांत केवळ दोन विकेट घेतल्या. त्यासाठी मुंबई इंडियन्सने १२.५ कोटी रुपये खर्च केले आहेत. या रकमेत अन्य चांगले खेळाडू संघात घेता येऊ शकतात, असे चोप्रा म्हणाले.
IND Vs NZ: न्यूझीलंडच्या विजयाच्या शक्यतेवर पावसाने फिरवले पाणी; तिसरा वनडे सामना रद्द, आता…
हार्दिक पांड्याबाबत बोलताना ते म्हणाले, “हार्दिक पांड्याचा निर्णय हा ट्रेडचा असेल, रिलीज किंवा रिटेन्शनचा नाही. त्याच्या बदल्यात खेळाडू मिळाले नाहीत, तर मुंबई इंडियन्सला त्याला संघात कायम ठेवावे लागेल. मात्र, ट्रेंट बोल्टला रिलीज करण्याबाबत कोणताही संभ्रम असण्याचे कारण नाही.”
दरम्यान, दक्षिण आफ्रिकेचा केशव महाराज आणि न्यूझीलंडचा मिचेल सँटनर हे दोघेही डावखुरे फिरकीपटू असल्याने त्यांच्यापैकी एकाला रिलीज करण्याची गरज असल्याचेही चोप्रा यांनी सांगितले. आपण केशव महाराजलाही संघातून सोडू शकतो, असे मत त्यांनी व्यक्त केले.
Juhi Chawla: IPL च्या वेळापत्रकाबाबत KKR ची सहमालकीण जूही चावलाने मांडली भूमिका, अभिनेत्रीच्या पोस्टने क्रिकेटविश्वात चर्चेत उधाण
.png "Videos"){kind=small}
