लट्ठ गाड़ दिया! Haryana च्या वाघिणींनी पुणे हादरवले; हॉकी इंडिया स्पर्धेत झारखंडला लोळवले

अंतिम सामन्यात हॉकी झारखंड आणि हॉकी हरियाणा यांच्यात सुरुवातीपासूनच चुरशीची लढत पाहायला मिळाली. हॉकी झारखंडने आक्रमक सुरुवात करत मुंद्री सरोजने १९व्या मिनिटाला गोल नोंदवत हॉकी हरियाणाला धक्का दिला.

• हरियाणा हॉकी संघाला राष्ट्रीय स्पर्धेचे अजिंक्यपद
• झारखंडवर २-१ अशी पिछाडीवरून मात करत पटकावले विजेतेपद
• हॉकी झारखंड आणि हॉकी हरियाणा यांच्यात सुरुवातीपासूनच चुरशीची लढत

पुणे: हॉकी हरियाणाने हॉकी झारखंडवर २-१ अशी शानदार पिछाडीवरून मात करत १६व्या हॉकी इंडिया कनिष्ठ महिला राष्ट्रीय अजिंक्यपद स्पर्धा २०२६ मध्ये अजिंक्यपद पटकावले. नेहरूनगर-पिंपरी येथील मेजर ध्यानचंद हॉकी स्टेडियमवर रविवारी झालेल्या रोमांचक अंतिम सामन्यात हॉकी हरियाणाने दमदार पुनरागमन करत विजेतेपदावर आपले नाव कोरले.

या स्पर्धेचे आयोजन हॉकी इंडियाच्या मार्गदर्शनाखाली हॉकी महाराष्ट्रातर्फे करण्यात आले असून ही स्पर्धा हॉकी महाराष्ट्र आणि पिंपरी-चिंचवड महानगरपालिका यांच्या संयुक्त विद्यमाने आयोजित करण्यात आली. भारतीय स्टेट बँक हे स्पर्धेचे प्रस्तुतकर्ता प्रायोजक असून युनियन बँक ऑफ इंडिया पॉवरिंग पार्टनर आहे. एमक्युअर फार्मास्युटिकल्स अधिकृत भागीदार, बिसलेरी हायड्रेशन पार्टनर, तर अस्वानी असोसिएट्स आणि सुहाना मसाला हे सपोर्ट पार्टनर्स आहेत.

‘Hockey स्पर्धेत उडाली खळबळ! फायनलच्या ट्रॉफीवर कोण कोरणार नाव? झारखंड की हरियाणा?

रोमांचक अंतिम लढत

अंतिम सामन्यात हॉकी झारखंड आणि हॉकी हरियाणा यांच्यात सुरुवातीपासूनच चुरशीची लढत पाहायला मिळाली. हॉकी झारखंडने आक्रमक सुरुवात करत मुंद्री सरोजने १९व्या मिनिटाला गोल नोंदवत हॉकी हरियाणाला धक्का दिला. मात्र, पिछाडीवर पडलेल्या हरियाणाने शानदार पुनरागमन करत दुसऱ्या सत्रात सामन्यावर पकड मिळवली. भाव्याने २३व्या मिनिटाला पेनल्टी कॉर्नरचे गोलमध्ये रूपांतर करत सामना १-१ असा बरोबरीत आणला. मध्यंतरापर्यंत दोन्ही संघ १-१ असे बरोबरीत होते. तिसऱ्या सत्रात दोन्ही संघांकडून गोल करण्यासाठी जोरदार प्रयत्न झाले; मात्र कोणत्याही संघाला यश आले नाही. चौथ्या सत्राच्या सुरुवातीलाच खुशीने ४२व्या मिनिटाला निर्णायक गोल करत हॉकी हरियाणाला २-१ अशी आघाडी मिळवून दिली. अखेरपर्यंत ही आघाडी कायम राखत हॉकी हरियाणाने प्रतिष्ठेचे विजेतेपद आपल्या नावे केले.

हॉकी मध्य प्रदेश संघाला कांस्यपदक

तृतीय क्रमांकाच्या सामन्यात हॉकी मध्य प्रदेशने छत्तीसगड हॉकीवर ३-१ असा विजय मिळवत कांस्यपदकावर आपले नाव कोरले. पहिल्या सत्रात दोन्ही संघांना गोल करण्यात अपयश आले आणि मध्यंतरापर्यंत सामना गोलशून्य बरोबरीत होता. मात्र, दुसऱ्या सत्रात हॉकी मध्य प्रदेशने सामन्याची दिशा बदलली. काजलने ३५व्या आणि ३७व्या मिनिटाला सलग दोन गोल करत मध्य प्रदेशला आघाडी मिळवून दिली. हे दोन्ही गोल पेनल्टी स्ट्रोकवर झाले. त्यानंतर तन्वीने ४२व्या मिनिटाला तिसरा गोल करत मध्य प्रदेशची आघाडी ३-० अशी भक्कम केली. छत्तीसगड हॉकीकडून शीतल यादवने ५४व्या मिनिटाला एक गोल परत केला; मात्र त्यानंतर मध्य प्रदेशने बचाव भक्कम ठेवत ३-१ असा विजय निश्चित केला.

Hockey India स्पर्धेत ‘या’ चार संघाची सेमीफायनलमध्ये धडक; पिंपरीत पाहायला मिळतोय हॉकीचा संग्राम

भव्य पारितोषिक वितरण समारंभ

पारितोषिक वितरण समारंभाला प्रमुख पाहुणे म्हणून भारत सरकारचे नागरी विमान वाहतूक व सहकार राज्यमंत्री तथा महाराष्ट्र ऑलिम्पिक संघटनेचे अध्यक्ष मुरलीधर मोहोळ उपस्थित होते. कार्यक्रमाच्या अध्यक्षस्थानी महाराष्ट्र पोलिसांचे अतिरिक्त महासंचालक तथा हॉकी महाराष्ट्राचे अध्यक्ष कृष्ण प्रकाश होते. याप्रसंगी महाराष्ट्र विधानसभेचे उपाध्यक्ष अण्णा बनसोडे, पिंपरी-चिंचवडचे महापौर तथा आयोजन समितीचे अध्यक्ष रवि लांडगे आणि महाराष्ट्र ऑलिम्पिक संघटनेचे वरिष्ठ उपाध्यक्ष तथा माजी आमदार संदीप जोशी यांच्या प्रमुख उपस्थितीत पारितोषिक वितरण करण्यात आले.