हेन्री निकोल्सची भारताविरुद्ध संयमी खेळी, ठोकले शतक (फोटो सौजन्य - X.com)
HUNDRED BY HENRY NICHOLLS! 🔥 What a brilliant knock! New Zealand were 71/5, and now India desperately need this partnership broken! 🇮🇳 https://t.co/Mrk3kmkEVv — VARAHA WARRIOR (@VarahaWarrior) November 19, 2026
हे हेन्री निकोल्सचे १२ वे कसोटी शतक आहे, जे त्याने अत्यंत कठीण परिस्थितीत पूर्ण केले. दिवसाच्या सुरुवातीला टॉम लॅथम, डेव्हन कॉनवे, रचिन रवींद्र, डॅरिल मिचेल आणि टॉम ब्लंडेल हे स्वस्तात बाद झाल्यामुळे यजमान संघ प्रचंड दबावाखाली होता. तथापि, निकोल्स शांत राहिला आणि आपली जागा टिकवून त्याने भारतीय गोलंदाजांना कोणतीही संधी दिली नाही.
पहिले खेळाडू बाद झाल्यानंतरही हेन्रीने संयमी खेळी केली आणि न्यूझीलंडचा डाव सावरला. बुमराहला मात्र हेन्रीची विकेट काढता आली नाही. दिवसाच्या शेवटपर्यंत हेन्री झुंजत राहिला आण त्याला फिलिप्सची चांगली साथ मिळाली
हेन्री निकोल्सला वेलिंग्टनचे बेसिन रिझर्व्ह मैदान नेहमीच आवडते आणि या शतकामुळे त्याने तेथील आपला प्रभावी विक्रम आणखी मजबूत केला आहे. या ऐतिहासिक मैदानावर केवळ १५ डावांमध्ये निकोल्सचे हे पाचवे शतक आहे, तसेच त्याने येथे चार अर्धशतकेही झळकावली आहेत. घरच्या परिस्थितीची त्याची सखोल जाण आणि या खेळपट्टीवर धावा करण्याची त्याची प्रचंड भूक यामुळे न्यूझीलंडला पुन्हा एकदा कठीण परिस्थितीतून बाहेर काढले आहे.
तथापि, शतक पूर्ण केल्यावर लगेचच भारतीय संघाला निकोल्सला बाद करण्याची एक उत्तम संधी मिळाली होती, परंतु खराब क्षेत्ररक्षणामुळे भारताने ती गमावली. १०२ धावांवर खेळत असलेल्या निकोल्सने पुल शॉट मारण्याचा प्रयत्न केला आणि चेंडू हवेत उंच उडवला, परंतु शॉर्ट लेगला तैनात असलेल्या देवदत्त पडिक्कलला तो सोपा झेल घेता आला नाही.
Ans: हेन्रीने वेलिंग्टनमध्ये आज करिअरमधील १२ वे शकत पूर्ण केले
Ans: दिवस संपताना हेन्री ११३ धावांवर खेळत होता
Ans: न्यूझीलंडचे पहिले ५ खेळाडू आऊट झाल्यानंतर हेन्रीने संयमी खेळी करत शतक झळकावले






