‘ओल्ड इज गोल्ड’! Imran Tahir च्या फिरकीसमोर फलंदाज बेहाल; 47 व्या वर्षी Fifer घेत रचला विश्वविक्रम

Imran Tahir record five-wicket haul at 47: दक्षिण आफ्रिकेचा अनुभवी फिरकी गोलंदाज इमरान ताहीरने कॅरिबियन प्रीमियर लीगमध्ये (CPL) आपल्या शानदार गोलंदाजीने इतिहास रचला आहे.

• इमरान ताहिरचा ऐतिहासिक पराक्रम
• T20 मध्ये 5 विकेट्स घेत रचला इतिहास
• ठरला सर्वात वयस्कर गोलंदाज

Imran Tahir record five-wicket haul at 47: दक्षिण आफ्रिकेचा माजी खेळाडू आणि कॅरिबियन प्रीमियर लीग हंगामात गयाना ॲमेझॉन वॉरियर्स संघाचे कर्णधारपद भूषवणाऱ्या इमरान ताहीरने आपल्या गोलंदाजीने पुन्हा एकदा कहर केला आहे. सेंट लुसिया किंग्सविरुद्धच्या सामन्यात आपल्या गोलंदाजीने ताहीरने विश्वविक्रम रचला आहे. इमरान ताहीर आता पुरुष टी-२० क्रिकेटच्या इतिहासात एका सामन्यात ५ विकेट्स घेणारा सर्वात वयस्कर खेळाडू ठरला आहे. सेंट लुसिया किंग्सविरुद्धच्या सामन्यात इमरान ताहीरने आपल्या ४ षटकांत १७ धावा देऊन ५ विकेट्स घेतले.

Asian Games 2026: जपानमधील हॉटेल्सवरून प्रश्नचिन्ह; टीम इंडिया कुठे राहणार? BCCI ने स्पष्ट सांगितलं

इमरान ताहीरने रचला विश्वविक्रम

आंतरराष्ट्रीय क्रिकेटमधून निवृत्त झाल्यापासून फ्रँचायझी टी२० क्रिकेट खेळत असलेला इमरान ताहीर, कॅरिबियन प्रीमियर लीगच्या २०२६ च्या हंगामात गयाना ॲमेझॉन वॉरियर्स संघाचे कर्णधारपद भूषवत आहे. सेंट लुसिया किंग्सविरुद्धच्या सामन्यात, फिरकीपटू इमरान ताहीरने उत्कृष्ट गोलंदाजी करत आपल्या चार षटकांच्या स्पेलमध्ये केवळ १७ धावा देऊन पाच फलंदाजांना पव्हेलियनचा रस्ता दाखवला. त्याचा इकॉनॉमी रेट ४.२५ धावा होता. यासह, तो सीपीएलमध्ये कर्णधार म्हणून पाच विकेट्स घेणारा पहिला खेळाडू ठरला. त्याच्या सीपीएल कारकिर्दीतील ही दुसरी आणि टी-२० कारकिर्दीतील सहावी ५ विकेट्स हॉल कामगिरी आहे.

एका सामन्यात ५ विकेट्स घेणारा सर्वात वयस्कर खेळाडू

वयाच्या ४७ व्या वर्षी ताहीरने टी-२० क्रिकेटमध्ये पाच विकेट्स घेऊन एक नवीन विश्वविक्रम प्रस्थापित केला आहे. तो आता टी-२० क्रिकेटच्या इतिहासातील पाच विकेट्स घेणारा सर्वात वयस्कर खेळाडू ठरला आहे. त्याने वयाच्या ४७ वर्षे आणि १६६ दिवसांत ही कामगिरी केली. याबाबतीत, त्याने कुक आयलंड्सचा गोलंदाज तोमाकंते रिटावाचा विक्रम मोडला आहे, ज्याने वयाच्या ४६ वर्षे आणि २९९ दिवसांत टी-२० मध्ये पाच विकेट्स घेतले होते.

🚨 HISTORY BY 47-YEAR-OLD IMRAN TAHIR 🔥 – He becomes the oldest player ever to take a five-wicket haul in T20 Cricket. Captain of Guyana Amazon Warriors on Prime touch. pic.twitter.com/xF5OaGvQ0M — Johns. (@CricCrazyJohns) September 10, 2026

टी२० क्रिकेटमध्ये ५ विकेट्स घेणारा सर्वात वयस्कर खेळाडू

• इमरान ताहीर -४७ वर्षे १६६ दिवस (२०२६)
• तोमकानुते रिटावा – ४६ वर्षे २९९ दिवस (२०२२)
• इमरान ताहीर – ४६ वर्षे १४८ दिवस (२०२५)
• इमरान ताहीर – ४४ वर्षे ३२३ दिवस (२०२४)
• प्रकाश मिश्रा – ४४ वर्षे १६५ दिवस (२०२३)
• इमरान ताहीर – ४२ वर्षे १३५ दिवस (२०२१

गियानाने जिंकला सामना

या सामन्यात सेंट लुसिया किंग्सने नाणेफेक जिंकून प्रथम फलंदाजी करण्याचा निर्णय घेतला. प्रथम फलंदाजी करताना, सेंट लुसिया किंग्सला पूर्ण २० षटके खेळता आली नाहीत आणि १८.५ षटकांत ११९ धावांवर त्यांचा डाव कोसळला. गयानासाठी कर्णधार इमरान ताहीरने सर्वाधिक पाच विकेट्स घेतले.याव्यतिरिक्त, मेहिदी हसन मिराझने तीन विकेट्स घेतले, तर ड्वेन प्रिटोरियस आणि रोमारियो शेफर्ड यांनी प्रत्येकी एक विकेट्स घेतला. प्रत्युत्तरात, गयानाने १८.३ षटकांत सहा विकेट्स गमावून १२२ धावा करत सामना सहज जिंकला. गयानाकडून ग्लेन फिलिप्सने ३७ धावा केल्या आणि क्वेंटिन सॅम्पसनने नाबाद ३७ धावा केल्या.

IND A vs AUS A: हार्दिक पांड्याची टीम इंडियात एन्ट्री? ऑस्ट्रेलिया ‘अ’ मालिकेसाठी भारत ‘अ’ संघाची घोषणा; ‘हा’ खेळाडू कर्णधार