Australia A beat India A
पुदुचेरी येथे भारत ‘अ’ संघाला ऑस्ट्रेलिया ‘अ’ संघात दुसरा अनधिकृत एकदिवसीय सामना खेळण्यात आला. ऋतुराज गायकवाडच्या नेतृत्वाखालील भारत ‘अ’ संघाला ऑस्ट्रेलिया ‘अ’ संघाकडून ६९ धावांनी दारुण पराभव पत्करावा लागला. प्रथम फलंदाजी करताना ऑस्ट्रेलियाने २७५ धावा केल्या. प्रत्युत्तरात, भारतीय संघ ४५.२ षटकांत फक्त २०६ धावा करु शकला. या सामन्यात भारताची फलंदाजी खराब झाली आणि कर्णधार ऋतुराजसह पहिले तीन फलंदाज पुन्हा अपयशी ठरले. या विजयासह ऑस्ट्रेलियन संघाने तीन सामन्यांची एकदिवसीय मालिका २-१ ने जिंकली. यापूर्वी, पहिल्या सामन्यात ऑस्ट्रेलियाने भारताला १२५ धावांच्या मोठ्या फरकाने पराभूत केले होते.(Australia A beat India A By 69 Runs)
SA vs AUS: स्टीव्ह स्मिथने डरकाळी फोडली; ऑस्ट्रेलियाच्या कसोटी इतिहासात घातला ‘हा’ धुमाकूळ
ऑस्ट्रेलियाने नाणेफेक जिंकून प्रथम फलंदाजी करण्याचा निर्णय घेतला. ऑस्ट्रेलिया ‘अ’ संघ ४९.५ षटकांत २७५ धावांवर सर्वबाद झाला. ऑस्ट्रेलियाकडून सॅम कॉन्स्टासने ८८ चेंडूंमध्ये सात चौकार आणि एका षटकारासह सर्वाधिक ६७ धावा केल्या. जोश फ्लिपनेही आठ चौकारांसह ५८ चेंडूंमध्ये ५८ धावा केल्या, तर नॅथन मॅकस्वीनीने ३९ चेंडूंमध्ये ३२ धावा केल्या. दुसरीकडे, भारताकडून अर्शद खानने उत्कृष्ट गोलंदाजी करत तीन विकेट्स घेतले. यश ठाकूरनेही दोन विकेट्स घेतले, तर विप्रज निगम, निशांत सिंधू, सूर्यांश शेडगे आणि अनुकूल रॉय यांनी प्रत्येकी एक विकेट घेतला.
२७६ धावांचे लक्ष्य गाठताना भारतीय संघाची सुरुवात खराब झाली. ऑस्ट्रेलियन गोलंदाजांसमोर भारतीय संघाची आघाडीची फळी कोसळली. सलामीवीर साई सुदर्शन आणि देवदत्त पडिक्कल दोघेही अपयशी ठरले. पडिक्कल केवळ एका धावेवर बाद झाला, तर सुदर्शन १३ धावा करून पॅव्हेलियनमध्ये परतला. दरम्यान, तिसऱ्या क्रमांकावर फलंदाजी करणारा कर्णधार ऋतुराज गायकवाडही पाच चेंडूंमध्ये केवळ १२ धावा करून स्वस्तात बाद झाला. भारताने अवघ्या ३० धावांत तीन विकेट्स गमावले. त्यानंतर ५९ धावांवर कुमार कुशाग्रही १७ धावांवर बाद झाला.
चौथ्या क्रमांकावर फलंदाजी करणाऱ्या रजत पाटीदारने ८१ चेंडूंमध्ये ६७ धावा करून शानदार अर्धशतक झळकावले. परंतु, त्याच्या या खेळीने भारताला विजय मिळवता आला नाही. अखेरीस, अनुकूल रॉयने नाबाद ३४ धावा करून भारताला २०० धावांच्या पुढे नेले, परंतु तो संघाला विजयाच्या उंबरठ्यावर नेऊ शकला नाही. भारतीय संघ ४५.२ षटकांत २०६ धावांवर सर्वबाद झाला. ऑस्ट्रेलियाकडून स्पेन्सर जॉन्सनने सर्वाधिक तीन विकेट्स घेतले. तर, मेरेडिथ आणि तनवीर यांनी प्रत्येकी दोन विकेट्स घेतले. या मालिकेतील तिसरा आणि अंतिम एकदिवसीय सामना ११ ऑक्टोबर रोजी त्याच मैदानावर खेळला जाईल.
.png "Videos"){kind=small}
