IND A vs SA A Test : दुखापतीनंतर परतलेला ऋषभ पंतची बॅट चालली, टीम इंडिया दक्षिण आफ्रिकेला हरवण्याच्या मार्गावर!

तिसऱ्या दिवशी भारतीय संघ पराभवाच्या दिशेने वाटचाल करत होता, परंतु कर्णधार ऋषभ पंतच्या प्रभावी कामगिरीमुळे सामना चौथ्या दिवशी पोहोचला. या सामन्याचा निकाल २ नोव्हेंबर रोजी जाहीर केला जाईल.

• भारत A आणि दक्षिण आफ्रिका A याच्यात पहिला कसोटी सामना
• भारताने सुरुवातीचे विकेट्स गमावल्यानंतर संघाची दमदार कामगीरी
• दुखापतीतून बराच काळ बाहेर राहिल्यानंतर पुनरागमन करणाऱ्या पंतने आपल्या फलंदाजीने धुमाकूळ घातला

आज भारत A आणि दक्षिण आफ्रिका A यांच्यातील चार दिवसांच्या सामन्याचा तिसरा दिवस होता. दक्षिण आफ्रिका A संघ खूपच मजबूत स्थितीत असल्याचे दिसून येत आहे. तिसऱ्या दिवशी भारतीय संघ पराभवाच्या दिशेने वाटचाल करत होता, परंतु कर्णधार ऋषभ पंतच्या प्रभावी कामगिरीमुळे सामना चौथ्या दिवशी पोहोचला. या सामन्याचा निकाल २ नोव्हेंबर रोजी जाहीर केला जाईल. दुखापतीतून बराच काळ बाहेर राहिल्यानंतर पुनरागमन करणाऱ्या पंतने आपल्या फलंदाजीने धुमाकूळ घातला आहे.

कर्णधार ऋषभ पंतच्या नाबाद अर्धशतकामुळे, भारतीय अ संघ पहिल्या अनधिकृत कसोटी सामन्यात विजयाच्या जवळ पोहोचला. २७५ धावांच्या लक्ष्याचा पाठलाग करताना, भारताने तिसऱ्या दिवशी ४ बाद ११९ धावा केल्या. भारताला विजयासाठी अजूनही १५६ धावांची आवश्यकता आहे. दक्षिण आफ्रिकेचा दुसरा डाव १९९ धावांतच संपुष्टात आला. भारताकडून तनुश कोटियनने चार आणि अंशुल कंबोजने तीन बळी घेतले. लक्ष्याचा पाठलाग करताना भारताची सुरुवात खराब झाली. 

See more

🚨ALL EYES ON PANT🚨 Rishabh Pant smashes 64* in the run chase against South Africa A. With India A already losing 4 wickets in the run chase, Pant will be the key on the final day. pic.twitter.com/YglHJ9T8qv — Cricbuzz (@cricbuzz) November 1, 2025

पहिल्या डावात अर्धशतक झळकावणारा आयुष म्हात्रे सहा धावांवर बाद झाला. साई सुदर्शन (६) आणि देवदत्त पडिकल (५) पुन्हा एकदा गप्प राहिले. एके क्षणी भारताने ३२ धावांवर तीन विकेट गमावल्या. ऋषभ पंतला रजत पाटीदार (२८) ने साथ दिली. दोघांनी संयम दाखवला आणि १४७ चेंडूत ८७ धावांची भागीदारी केली. पंतनेही डावादरम्यान आपले अर्धशतक पूर्ण केले. पहिल्या डावात तो १७ धावांवर बाद झाला होता.

दुसऱ्या डावात त्याने ८१ चेंडू खेळले, संयम आणि उसळी घेत चेंडूचा सामना केला, त्यात आठ चौकार आणि दोन षटकार मारले. दिवसाचा खेळ संपण्यापूर्वी भारताने रजत पाटीदारची विकेट गमावली. आयुष बदोनी कर्णधार पंत (६४) सोबत नाबाद राहिला. दक्षिण आफ्रिकेकडून त्शेपो मोरेकीने दोन विकेट घेतल्या.

Women’s World Cup Final चा अंतिम सामना मोफत कधी आणि कुठे पाहता येणार? वाचा सविस्तर माहिती

तनुष कोटियन आणि अंशुल कंबोज चेंडूने चमकले

दक्षिण आफ्रिका अ संघाने पहिल्या डावात ३०९ धावा केल्या. प्रत्युत्तरादाखल भारत अ संघ २३४ धावांवर मर्यादित राहिला. दुसऱ्या डावात दक्षिण आफ्रिका अ संघाने १९९ धावा केल्या. पहिल्या डावात भारत अ संघाकडून चार बळी घेणाऱ्या तनुश कोटियनने दुसऱ्या डावातही शानदार कामगिरी करत पुन्हा चार बळी घेतले. गुरनूर ब्रारने दोन्ही डावात दोन बळी घेतले. पहिल्या डावात एक बळी घेणाऱ्या अंशुल कंबोजने दुसऱ्या डावात तीन फलंदाजांना बाद केले. यामुळे भारत अ संघासमोर विजयासाठी २७५ धावांचे लक्ष्य होते. झुबेर हमजाने दोन्ही डावात धावांचा पाऊस पाडला.