मंगळवार, 15 सप्टेंबर 2026
दुसऱ्या टी२० साठी कसे राहणार हवामान (फोटो सौजन्य - इन्स्टाग्राम)
मालिकेतील पहिल्या सामन्यात अफगाणिस्तानचा संघ लयीत दिसला नाही. दुसऱ्या टी२० मध्ये, ते आता जोरदार पुनरागमन करून भारताला धक्का देण्याचा प्रयत्न करतील. भारताने हा सामना जिंकला असला तरी काही खेळाडूंकडून मैदानावर चुका झालेल्या पण दिसून आल्या. त्यामुळे दुसरा सामना जिंकण्यासाठी या चुका कमी कराव्या लागतील हे नक्की. पण त्याआधी, सामन्यादरम्यान हवामान कसे असेल हे जाणून घेऊया.
मंगळवार, १५ सप्टेंबर रोजी दिल्लीत हवामान निरभ्र राहण्याची शक्यता आहे. कमाल तापमान ३३ अंश सेल्सिअस, तर किमान तापमान सुमारे २६ अंश सेल्सिअस असू शकते. दिवसा ढग दिसू शकतात आणि काही भागात हलका पाऊस पडू शकतो. पण, चांगली बातमी अशी आहे की संध्याकाळी हवामान उत्तम असेल आणि पावसामुळे सामन्यात व्यत्यय येणार नाही. यामुळे, चाहत्यांना भारत आणि अफगाणिस्तान यांच्यातील दुसऱ्या टी२० सामन्यातील संपूर्ण ४० षटकांचा थरार अनुभवता येईल.
तसंच या मैदानावर पहिले गोलंदाजी करणं नेहमीच फायद्याचे ठरते. कारण दिल्लीत सहसा संध्याकाळी दव पडायला सुरूवात होते. याचाच परिणाम पहिल्या सामन्यातही दिसून आला होता. त्यामुळे आज टॉस कोण जिंकेल यावर सर्व अवलंबून आहे.
भारत आणि अफगाणिस्तान यांच्यातील दुसरा टी२० सामना सायंकाळी ७:३० वाजता सुरू होईल. नाणेफेक सायंकाळी ७ वाजता होणार आहे. ही नाणेफेक महत्त्वाची असून टॉस जिंकणाऱ्या संघाने गोलंदाजी घेतल्यास अधिक फायदेशीर ठरू शकते असा अंदाज आहे.
IND Vs AFG: मोठी खळबळ! अफगणिस्तान दौऱ्याआधी भारतीय संघाला मोठा धक्का, ‘हा’ खेळाडू बाहेर?
अफगाणिस्तान – इब्राहिम झद्रान (कर्णधार), रहमानुल्ला गुरबाज (यष्टीरक्षक), सेदिकुल्ला अटल, दरविश रसूली, अझमतुल्ला उमरझाई, गुलबदिन नायब, मोहम्मद नबी, रशीद खान, मुजीब उर रहमान/नवीन-उल-हक, नूर अहमद, फजलहक फारुकी
भारत- अभिषेक शर्मा, संजू सॅमसन (यष्टीरक्षक), इशान किशन, श्रेयस अय्यर (कर्णधार), तिलक वर्मा, शिवम दुबे, नितीश कुमार रेड्डी, अक्षर पटेल, अर्शदीप सिंग, जसप्रीत बुमराह, रवी बिश्नोई
