सोमवार, 2 नोव्हेंबर 2026
संग्रहित फोटो
या प्रकरणात शैलेंद्र प्रल्हाद पगारे (वय ४९, रा. संजयनगर, मुकुंदवाडी) यांनी फिर्याद दिली आहे. त्यानुसार, फिर्यादी हे सध्या संघर्षनगर येथे राहतात. त्यांच्या पहिल्या पत्नीचे निधन झाले आहे. पहिल्या पत्नीपासून त्यांना एक मुलगा आणि एक मुलगी आहे.
तीन महिन्यापूर्वी केले होते दुसरे लग्न
तीन महिन्यांपूर्वी त्यांनी विद्या मोकळे हिच्याशी दुसरा विवाह केला. सुरुवातीचे १५ दिवस संसार सुरळीत सुरू होता. मात्र, त्यानंतर पत्नीने त्यांच्या चारित्र्यावर संशय घेण्यास सुरुवात केली. यावरून दोघांमध्ये वारंवार वाद होत होते. ३० ऑक्टोबर रोजी शैलेंद्र घरी नसताना पत्नीने त्यांच्या भावाला, भावजयीला आणि दोन्ही मुलांना शिवीगाळ केली. घरी परतल्यानंतर शैलेंद्र यांच्याशीही तिने वाद घातला. या सततच्या भांडणाला कंटाळून ते संजयनगर येथील जुन्या घरी निघून गेले.
दुसऱ्या दिवशी, ३१ ऑक्टोबर रोजी सकाळी ८ ते ८.३० वाजेदरम्यान ते संघर्षनगर येथील घरी अंघोळ करण्यासाठी आले. त्यावेळी पत्नीने रात्री कुठे गेले होते? अशी विचारणा करीत पुन्हा चारित्र्यावर संशय घेतला. यावरून शिवीगाळ सुरू करून तिने त्यांना मारहाण केली. शैलेंद्र समजावून सांगत असतानाच पत्नीने हातातील चाकूने त्यांच्या उजव्या मनगटावर आणि अंगठ्याजवळील बोटावर वार केला. यात त्यांच्या हाताला दुखापत झाली. पत्नीच्या वर्तनामुळे स्वतः सह मुलांच्या जीविताला धोका असल्याचे त्यांनी फिर्यादीत म्हटले आहे. या प्रकरणात मुकुंदवाडी पोलिस ठण्यात गुन्हा दाखल करण्यात आला आहे. पुढील तपास हवालदार सुशिल रत्नपारखे करित आहेत.
Ans: ही घटना ३१ ऑक्टोबर रोजी सकाळी ८ ते ८.३० वाजेदरम्यान छत्रपती संभाजीनगरमधील मुकुंदवाडी परिसरातील संघर्षनगर येथे घडली.
Ans: विद्या शैलेंद्र पगारे असे हल्ला करणाऱ्या महिलेचे नाव आहे.
Ans: शैलेंद्र पगारे यांनी विद्या मोकळे यांच्याशी तीन महिन्यांपूर्वी दुसरे लग्न केले होते.
