शुक्रवार, 16 ऑक्टोबर 2026
वरुण चक्रवर्ती खेळणार? (फोटो- सोशल मिडिया)
भारत आणि अफगाणिस्तान यांच्यातील टी-20 मालिकेतील पहिला सामना भारताने सात विकेट्सने जिंकला. या विजयामुळे भारतीय संघाचा आत्मविश्वास वाढला असून, आता मंगळवारी होणाऱ्या दुसऱ्या टी-20 सामन्यात मालिका खिशात घालण्याच्या उद्देशाने टीम इंडिया मैदानात उतरणार आहे. मात्र, या महत्त्वाच्या सामन्यापूर्वी वरुण चक्रवर्तीच्या दुखापतीची बातमी भारतीय संघासाठी मोठा धक्का मानली जात आहे.
वरुण चक्रवर्ती हा सध्या भारतीय टी-20 संघातील महत्त्वाचा फिरकी गोलंदाज मानला जातो. आपल्या अचूक गोलंदाजीसह मधल्या ओव्हर्समध्ये विकेट मिळवून देण्याची त्याची क्षमता ही भारतीय संघासाठी मोठी ताकद आहे. त्यामुळे त्याला दुखापत झाल्याचे समोर आले आहे. त्यामुळे टीम इंडियाची चिंता वाढली आहे. वरुणच्या दुखापतीबाबत भारतीय क्रिकेट नियामक मंडळ म्हणजेच बीसीसीआयकडून अद्याप कोणतेही अधिकृत निवेदन जारी करण्यात आलेले नाही. त्यामुळे उद्याच्या सामन्यात तो खेळू शकणार की नाही हे पहावे लागणार आहे.
दरम्यान, सिरीजमधील पहिल्या टी-20 सामन्यात भारताने अफगाणिस्तानचा सात विकेट्सने पराभव केला. भारतीय संघाने फलंदाजी आणि गोलंदाजी या दोन्ही ठिकाणी प्रभावी कामगिरी करत सामना सहज आपल्या नावावर केला. पहिल्या सामन्यातील विजयामुळे भारताने मालिकेत 1-0 अशी आघाडी घेतली आहे. आता दुसऱ्या सामन्यात विजय मिळवून मालिका आपल्या नावावर करण्याची संधी टीम इंडियाकडे आहे. मात्र, वरुण चक्रवर्तीच्या दुखापतीमुळे भारतीय संघाच्या प्लेइंग इलेव्हनमध्ये बदल होण्याची शक्यता निर्माण झाली आहे.
India vs Afghanistan: अफगाणिस्ताचा उडवला धुव्वा! भारताचे शिलेदार जोमात, जिंकण्यासाठी 157 धावांची गरज
भारतीय संघ: संजू सॅमसन (यष्टीरक्षक), अभिषेक शर्मा, इशान किशन श्रेयस अय्यर (कर्णधार), तिलक वर्मा, नितीश कुमार रेड्डी, शिवम दुबे, अक्षर पटेल, अर्शदीप सिंह, जसप्रीत बुमराह, वॉशिंग्टन सुंदर.
