अभिषेक शर्माने स्पष्ट केले शतकानंतरच्या सेलिब्रेशनचे रहस्य (फोटो सौजन्य - Instagram)
या स्फोटक फलंदाजाने स्पष्ट केले की, त्याचे सेलिब्रेशन फुटबॉलपटू अर्लिंग हालंडपासून प्रेरित नव्हते किंवा त्याने त्याचे अनुकरणही केले नव्हते. खरे तर, अरुण जेटली स्टेडियमवर अफगाणिस्तानविरुद्धच्या तिसऱ्या आणि अंतिम टी-२० सामन्यात, या धडाकेबाज सलामीवीराने ३४ चेंडूंमध्ये १०८ धावांची विक्रमी खेळी करून भारताला सामना आणि मालिका दोन्ही जिंकण्यास मदत केली.
IND vs AFG 3rd T20I: भारताची घोडदौड सुरूच, अफगाणिस्तानचा सुपडा साफ; 3-0 ने सिरीज खिशात घातली
या काळात, अभिषेकने ३० चेंडूंमध्ये शतक पूर्ण करून भारताचा सर्वात जलद टी-२० आंतरराष्ट्रीय शतकवीर बनण्याचा मान मिळवला. रोहित शर्माचा ३४ चेंडूंचा विक्रम मोडल्यानंतर, अभिषेकने आपली बॅट खाली ठेवली, हेल्मेट काढले आणि जणू काही तो शांती मंत्राचा जप करणार आहे अशा ध्यानस्थ मुद्रेत खेळपट्टीवर बसला. यानंतर त्याचा व्हिडिओ जर तुम्ही पाहिला तर तो ‘ॐ नमः शिवाय’ जप करताना दिसला. अभिषेकच्या चाहत्यांना माहीत आहे की, अभिषेक हा शंकराचा भक्त आहे आणि नियमित ध्यानधारणाही करतो. या अनोख्या सोहळ्याबद्दल अभिषेकने स्पष्ट केले की,
‘मी गेल्या सहा महिन्यांपासून ते वर्षभरापासून ध्यान आणि चिंतन करत आहे, कारण जेव्हा तुम्ही वर्षभर क्रिकेट खेळता, तेव्हा एक क्रिकेटपटू म्हणून अनेक चढ-उतार येतात. तर अशा परिस्थितीत तुम्ही तुमचे मन शांत कसे ठेवता? मला वाटते की ध्यानधारणेने मला खरोखरच मदत केली आहे, आणि मला फक्त एवढेच वाटत होते की हे कोणीतरी पाहावे, किंवा कोणत्याही क्रिकेटपटूला जाणवावे की गेल्या सहा ते आठ महिन्यांत मला त्याची खरोखरच मदत झाली आहे. त्यामुळे हा एक विशेष सोहळा होता, त्या गोष्टीसाठी जी मला शांत ठेवते.’
अभिषेक शर्माच्या शतकाच्या जोरावर भारताने आपल्या निर्धारित २० षटकांत सात गडी गमावून २२१ धावांचा डोंगर उभा केला. प्रत्युत्तरात, अफगाणिस्तानचा डाव १४ षटकांत केवळ ९४ धावांवर गुंडाळला गेला. अशाप्रकारे, टीम इंडियाने अंतिम सामना १२७ धावांनी जिंकून तीन सामन्यांच्या मालिकेत निर्भेळ यश मिळवले. भारताने पहिले दोन सामने प्रत्येकी सात गडी राखून जिंकून मालिकेत अभेद्य आघाडी घेतली होती आणि तिसऱ्या सामन्यात तर अभिषेक नावाच्या वादळामुळे संपूर्ण मालिका खिशात घालण्याचे भाग्य भारतीय टीमला लाभले.
IND Vs AFG: संजू अन् अभिषेकच्या वादळी खेळीत अफगणिस्तान गार; विजयासाठी 222 रन्सची गरज
.png "Videos"){kind=small}
