फोटो सौजन्य - बीसीसीआय वूमन
भारत आणि ऑस्ट्रेलियन महिला संघांमधील एकदिवसीय मालिका सध्या सुरू आहे. २०२५ महिला विश्वचषक सुरू होण्यापूर्वी दोन्ही देशांसाठी हा सराव म्हणून या मालिकेचे आयोजन करण्यात आले आहे. मालिकेतील दोन सामने आधीच खेळले गेले आहेत आणि तिसरा सामना आज होणार आहे. पहिल्या सामन्यामध्ये ऑस्ट्रेलियाच्या संघाने विजय मिळवला होता तर दुसऱ्या सामन्यामध्ये भारताच्या संघाने बाजी मारली होती. दुसऱ्या सामन्यामध्ये भारताच्या संघाने कमालीची कामगिरी केली होती त्यामुळे भारतीय महिला संघाचा आत्मविश्वास हा उंचावला असेल.
बीसीसीआयने आता सोशल मिडियावर एक पोस्ट शेअर केली आहे. आजचा जो सामना खेळवला जाणार आहे त्या सामन्यात भारताचा संघ निळ्या जर्सीमध्ये नाही तर गुलाबी जर्सीमध्ये दिसणार आहेत. बीसीसीआयने एक मोठे पाऊल उचलले आहे. भारतीय महिला संघ तिसऱ्या एकदिवसीय सामन्यात निळ्या रंगाची नाही तर गुलाबी रंगाची जर्सी घालून खेळेल. यामागील कारण ऐकून तुम्ही भारतीय संघ आणि बीसीसीआयला सलाम कराल.
बीसीसीआयने त्यांच्या अधिकृत सोशल मीडिया अकाउंटवर एक पोस्ट पोस्ट केली. भारतीय महिला संघाच्या खेळाडू गुलाबी जर्सीमध्ये दिसत आहेत. दरम्यान, कर्णधार हरमनप्रीत कौर आणि इतर सदस्यांनी स्तनाच्या कर्करोगाबद्दल जागरूकता निर्माण करण्यासाठी हे पाऊल उचलत असल्याची घोषणा केली. त्यांनी या गंभीर समस्येबद्दल सर्वांना संदेशही दिला, ज्यामध्ये त्यांनी म्हटले आहे की ते या गंभीर आजाराविरुद्ध एकत्र लढतील. चाहते कमेंट सेक्शनमध्ये बीसीसीआय आणि भारतीय महिला संघाचे कौतुक करत आहेत.
भारत आणि ऑस्ट्रेलिया यांच्यातील तिसरा एकदिवसीय सामना आज दुपारी १:३० वाजता भारतीय वेळेनुसार सुरू होईल. हा सामना दिल्लीतील अरुण जेटली स्टेडियमवर खेळला जाईल. चाहते स्टार स्पोर्ट्स नेटवर्कवर आणि जिओहॉटस्टारवर ऑनलाइन सामना थेट पाहू शकतात. महिला विश्वचषक ३० सप्टेंबर २०२५ रोजी सुरू होत आहे. ही स्पर्धा भारत आणि श्रीलंका येथे होत आहे. म्हणूनच सर्वांच्या नजरा भारतीय संघावर आहेत.
𝙏𝙝𝙖𝙣𝙠𝙨 𝙖 𝘿𝙤𝙩! 🩷#TeamIndia will be wearing special pink-coloured jerseys in the Third ODI today to promote Breast Cancer Awareness, in partnership with @SBILife 👏👏#INDvAUS | @IDFCFIRSTBank pic.twitter.com/qnJukLLxoh — BCCI Women (@BCCIWomen) September 20, 2025
हरमनप्रीत आणि कंपनी मोठ्या स्पर्धेपूर्वी आत्मविश्वासाची कमतरता भासू नये याची खात्री करू इच्छितात. ऑस्ट्रेलिया आणि भारताने तीन सामन्यांच्या एकदिवसीय मालिकेत प्रत्येकी एक सामना जिंकला आहे. आज मालिकेचा शेवटचा सामना आहे आणि दोन्ही संघ जिंकण्यासाठी प्रयत्नशील असतील. जर भारताला विश्वचषकावर दावा करायचा असेल तर त्यांना जगातील सर्वात यशस्वी महिला संघ ऑस्ट्रेलियाला पराभूत करावे लागेल.
.png "Videos"){kind=small}
