फोटो सौजन्य - सोशल मिडिया
भारत विरुद्ध ऑस्ट्रेलिया एकदिवसीय मालिका : भारताच्या संघाने नुकत्याच झालेल्या आशिया कप 2025 च्या फायनलमध्ये पराभूत करुन जेतेपद नावावर केले. आता भारताचा संघ हा वेस्ट इंडिजविरुद्ध कसोटी मालिका खेळणार आहे. या मालिकेला 2 ऑक्टोबरपासून सुरुवात होणार आहे, त्यानंतर भारताचा संघ ऑस्ट्रेलियाविरुद्ध मालिका खेळणार आहे. ऑस्ट्रेलियाची अलिकडची कामगिरी निराशाजनक आहे. दक्षिण आफ्रिकेच्या संघाने त्यांना मालिकेमध्ये पराभुत केले होते. संघाने मागील काही आयसीसी इव्हेंटमध्ये देखील फार काही चांगली कामगिरी केली नाही.
दक्षिण आफ्रिकेने ऑस्ट्रेलियातील टी-२० मालिकेत त्यांना पराभूत केले. ऑस्ट्रेलिया आता ऑक्टोबरमध्ये न्यूझीलंड आणि टीम इंडियाविरुद्ध टी-२० मालिका खेळणार आहे. २०२६ च्या टी-२० विश्वचषकाच्या पार्श्वभूमीवर या दोन्ही मालिका महत्त्वाच्या असतील. या मालिकेपूर्वी संघाला मोठा धक्का बसला आहे. सामना जिंकणारा अष्टपैलू खेळाडू ग्लेन मॅक्सवेल दुखापतग्रस्त झाला आहे.
🚨 More freakish injury news for Glenn Maxwell 😓 The all-rounder has suffered a fracture to his forearm after being struck by Mitchell Owen in the nets 😱 He has been ruled out of the T20I series against New Zealand and is replaced by Josh Phillipe #glennmaxwell #nzvsaus pic.twitter.com/FCKuRldHM3 — Cricbuzz (@cricbuzz) September 30, 2025
ऑस्ट्रेलियन संघ १ ऑक्टोबरपासून न्यूझीलंडविरुद्ध तीन सामन्यांची टी-२० मालिका खेळणार आहे. या मालिकेसाठी ऑस्ट्रेलियन संघ न्यूझीलंडमध्ये सराव करत असताना, स्टार खेळाडू ग्लेन मॅक्सवेल मिशेल ओवेनशी धडकला आणि त्याच्या हाताला दुखापत झाली. यामुळे तो न्यूझीलंड मालिकेतून बाहेर पडला आहे आणि टीम इंडियाविरुद्धच्या मालिकेतूनही त्याला बाहेर पडण्याचा धोका आहे. मॅक्सवेलला वगळल्यानंतर, जोश फिलिपला टी-२० मालिकेत समाविष्ट करण्यात आले आहे. तथापि, प्लेइंग इलेव्हनमधील त्याचे स्थान सध्या अनिश्चित आहे.
ऑस्ट्रेलियासाठी व्हाईट बॉल क्रिकेटमध्ये दीर्घकाळ सामना जिंकणारा ग्लेन मॅक्सवेल आता त्याच्या कारकिर्दीच्या शेवटच्या टप्प्यात आहे. त्याचे पुढचे लक्ष्य २०२६ चा टी-२० विश्वचषक आहे, जो भारतीय भूमीवर खेळला जाईल, जिथे मॅक्सवेल आयपीएलमुळे लक्षणीय क्रिकेट खेळतो. म्हणूनच, ऑस्ट्रेलियन संघाला ग्लेन मॅक्सवेलला त्यांच्या संघाचा भाग म्हणून हवे आहे. सध्या ऑस्ट्रेलियाकडे मॅक्सवेलसारखा चांगला स्पिन ऑलराउंडर नाही. त्यामुळे, मिचेल मार्शच्या संघासाठी त्याची जलद पुनर्प्राप्ती महत्त्वाची आहे.
.png "Videos"){kind=small}
