IND Vs ENG : खराब क्षेत्ररक्षणाचा फटका! यशस्वी जयस्वालला मिळाली ‘ही’ शिक्षा; नेमकं प्रकरण काय?

हेही वाचा : भारतीय क्रीडा विश्व हादरले! अनेक मुलींशी संबंध ठेवत शारीरिक शोषण..,आयपीएल गाजवणाऱ्या खेळाडूवर महिलेचे गंभीर आरोप..

आता यशस्वी जयस्वाल जागा कोणती?

रेव्हस्पोर्ट्सने दिलेल्या वृत्तानुसार, यशस्वी जयस्वाल आता स्लिपमध्ये क्षेत्ररक्षण करताना दिसणार नसून त्याच्या जागी साई सुदर्शन, करुण नायर स्लिपमध्ये उभे दिसणार आहेत. पहिल्या कसोटीत करुण नायर देखील स्लिपमध्ये होता, पण दुसऱ्या कसोटीत साई सुदर्शनकडे ही जबाबदारी देण्यात आल्याचे बोलले जात आहे. सोमवारी या खेळाडूंनी स्लिप कॅचिंगचा सराव केला. त्यांच्याशिवाय नितीश कुमार रेड्डी आणि शुभमन गिल देखील स्लिप कॅचचा सराव करताना दिसून आले आहेत. तसेच सलामीवीर केएल राहुल देखील स्लिप फिल्डिंगचा सराव करताना दिसला.

दुसरीकडे, यशस्वी जयस्वालचा सहाय्यक प्रशिक्षक रायन टेन दोसकाथे आणि गौतम गंभीर यांनी फिल्डिंगचा सराव करून घेतला आहे.  जयस्वालला फ्लॅट कॅच सेशन देण्यात असून ज्यावरून असा अंदाज व्यक्त करण्यात येत आहे की, तो शॉर्ट लेग किंवा सिनी पॉइंटवर फिल्डिंग करताना दिसण्याची शक्यता आहे.

जयस्वालच्या खराब क्षेत्ररक्षणाचा भारताला फटका..

लीड्स येथे खेळवण्यात पहिल्या कसोटी सामन्यात, जयस्वालने पहिल्या डावात ऑली पोपचा कॅच सोडला, ज्याने नंतर शतक ठोकले होते.  त्याने पहिल्या डावात अर्धशतक आणि दुसऱ्या डावात शतक करणाऱ्या बेन डकेटचा देखील महत्वाचा कॅच सोडला होता. पहिल्या डावात, त्याने हॅरी ब्रूकचा कॅच सोडला, ज्याने पहिल्या डावात 99 धावा करून भारताला अडचणीत आणले. जयस्वालच्या या खराब क्षेत्ररक्षणामुळे टीम इंडियाचे मोठे नुकसान झाले आहे. परिणामी भारताला लीड्स कसोटीत पराभवाला सामोरे जावे लागले.

हेही वाचा : Virat Kohli : विराटनंतर ‘ज्युनियर कोहली’ मैदानात! ‘या’ लीगमध्ये दाखवणार आपली जादू..