
IND Vs NEP : भारताचे नेपाळला 333 धावांचे आव्हान, तिलक-कुशाग्रचे दणदणीत शतक
आता भारतीय गोलंदाजांना या धावांचा यशस्वीरित्या बचाव करावे लागेल. भारताने या स्पर्धेत आपला ‘ए’ संघ उतरवला असून नेपाळचा राष्ट्रीय संघ यात सहभागी झाला आहे. नेपाळच्या गोलंदाजांनी पहिल्या डावात चांगली कामगिरी केली.
नेपाळविरुद्ध सलामीला आलेली जोडी वैभव सूर्यवंशी व अभिषेक शर्मा यांच्याकडून दमदार कामगिरीची अपेक्षा होती. मात्र नेपाळच्या गोलंदाजांचा ते सामना करू शकले नाहीत. वैभवने 3 चौकार व 1 षटकारच्या मदतीने 26 धावा केल्या असल्या तरी तो जास्त काळ खेळपट्टीवर टिकू शकला नाही. पवन सराफने चक्क त्याला क्लीनबोल्ड केले. तर अभिषेक हा नंदन यादवचा शिकार ठरला. तसेच तिसऱ्या क्रमांकावर आलेला आयुष बदोनी फक्त 2 धावाच करू शकला. अशाप्रकारे दहाव्याच षटकात भारताची अवस्था 3 बाद 42 धावा अशी झाली.
Innings Break! Superb centuries from Captain Tilak Varma and Kumar Kushagra propel India A to 3️⃣3️⃣2️⃣ 🎯 Over to the bowlers now ⏳ Scorecard ▶️ https://t.co/r7KnQLPzIm #TeamIndia | #INDAvNEP | #RisingStarsAsiaCup https://t.co/eYhdGF6xyf — BCCI (@BCCI) November 20, 2026
संघ संकटात सापडलेला असताना कर्णधार तिलक वर्मा व कुमार कुशाग्रने मोर्चा आपल्याकडे घेतला. या दोघांनी चौथ्या विकेटसाठी चक्क 191 चेंडूंत 206 धावांची भागीदारी रचली. तिलकपेक्षा कुशाग्र थोडा आक्रमक दिसला. त्याने 102 चेंडूंत 10 चौकार व 5 षटकारांच्या मदतीने 117 धावा केल्या, तर तिलकने 113 चेंडूंत 6 चौकार व 4 षटकात 107 धावा रचल्या.
भारताचा हा ‘ए’ संघ असला तरी संघात दमदार खेळाडूंचा भरणा आहे. असे असतानाही नेपाळच्या गोलंदाजांनी टिचून गोलंदाजी केली. त्यांच्याकडून संदीप लामिचिने व ललित राजबंसी यांनी प्रत्येकी 3 विकेट घेतल्या, तर नंदन यादवने 2 आणि पवन सराफने एक विकेट मिळवली. त्यांचे क्षेत्ररक्षणही छान होते.
Ans: भारत 'ए'ने 50 षटकांत 9 बाद 332 धावा केल्या. त्यामुळे नेपाळसमोर 333 धावांचे लक्ष्य आहे.
Ans: कर्णधार तिलक वर्माने 107, तर कुमार कुशाग्रने 117 धावा केल्या.
Ans: दोघांनी चौथ्या विकेटसाठी 191 चेंडूंत 206 धावांची भागीदारी केली.